حلقة 32
غدر_الايام
انا 💖من.......
يوسف 💘 هاتي النقال..
خذا النقال مني وقراء الرسالة..
(زايطة ياحلوه. ..مع الدكتور وجوك سمح )
يوسف 💘 هاذ هوا نفسه اسامة..
انا 💖 اكيد هوا..بنرن علي باتي بنروح..
يوسف 💘 لالا تعالي معاي ..
انا 💖 وين..اكيد قاعد ايشوف فينا..
يوسف 💘 خلي انتعرف عليه..
انا 💖 فكني منا..
يوسف 💘تعااااالي..وانتي ساكته.
وريني شكلة بس...
ياسين..شن فيه..
يوسف 💘 توا انجو ..
ياسين ونرجس..لحقونا ..
يوسف💘 ماسك يدي وماشي..
طلعنا..وشفت اسامة امصبي..
انا 💖 خفت منه واذكرت هاذاك اليوم..
صبيت وراء يوسف 💘 اهوا الي امصبي..
يوسف 💘 نعم تفضل..
ياسين ..يسال في نرجس هذا من.
نرجس..العيل الي قبل خطفها..
اسامة..مش شورك بنت شارعنا وانت الي تفضل..
يوسف 💘 وكان بنت شارعكم ..
اسامة..مدخلكش مشكلة ونحلها بيني وبينها..
يوسف 💘 مشكلتك معش معها ...مشكلتك معاي انا..
واسامة..هههه رانوسة غلاي..حصلتي واحد ايدافع عنك..
يوسف 💘 لم سمعه ايدلع في اسمي..طلقني ومسكة من سوريتا..
يوسف 💘 اسمع كلامي وحطة حلقة في وذنك..
مزال تنطق اسمها علي اللسانك انقصة لك..
ومزال اتجي شورها نمحيك من علي وجه الدنيا..
اسامة..وصوته مخنوق..شن دخلك..
انا يوسف 💘 وكان ماتعرفني اسال عني..
والبنت اهيا انساها وكاينك ماتعرفهاش..
ودفة لين قريب طاح..
اسامة..ههه والله الدكتور امتاعك..مش بطال..
يوسف 💘صكر فمك..
اسامة..كانك راجل مش هنا..مش قدامها ..
يوسف 💘 راجل وسيدك ...
انا 💖 اااا يوسف الله ايربحك..
يوسف 💘 انتي اسكتي خلي بيني بينه..والله لو
مش جامعة انكسرلك راسك..
اسامة..انراجي فيك بره..
انا 💖 وانا نبكي يوسف الله ايربحك راهو مشراني..
اكيدة معاه واحدين بره..
ياسين..خالي ماتنزلش روحك لي مستواه..
يوسف 💘 انتي خليك مع نرجس..مش تلحقني..
وانا نعرف كيف انعرفة قدره..
وعدا وخلاني امصبيه ومسبها..في مكاني..
نرجس..تعالي معاي متخافيش..
انا 💖 هذا واحد منجوه..
نرجس..انتي ماتعرفيش خالي شن تحسابيه
من يوم صار دكتور راهو مارين عليه
اشكال اسامة واجدين..
انا 💖 اسامة..فرخ حشيش وقوي.
نرجس...اطمني حتي خالي قوي..تعالي نقعمزو
علي الكرسي..لين ايجو..
انا 💖 خلي انعدو انشوفوهم..
نرجس..تبي ياسين يذبحني..لا ماني ماشيه..
انا 💖 انا نبي انعدي..
نرجس..تي وين اتعدي مش قالك راك تلحقيني..
خالي لم ايعصب معاد يعرف حد..
انا 💖 ابنقعد هكي علي اعصابي..
نرجس..توا ايجو...
وفات قيس نص ساعة..وانا خلاص تلفت.
وحيلي انهد امصبيه ولا بيت انقعمز..
نبرم وانلف علي روحي..
نرجس..اهما جو..
انا 💖 احلفي وينهم...
جو يوسف 💘 وياسين....
انا 💖 ها شن صار...
ياسين..عادي حصل قرصة وذن سمحة...
ماضني مزال ايجي شورك..
.... هوا قاعد فرخ...
انا 💖 نكلم في يوسف قولي تعاركتو..
يوسف 💘 لالا بس حذرته معش ايضايقك...
انا 💖 بالله عليك خبرني..كان ضربته
انا عارفه ان مش حايسكت..
يوسف 💘 هههه لا بيسكت ماتخافيش...
انا 💖 وينه عده ولا مزال بره...
ياسين..رانسي..كنك مرعوبة هكي..
انا 💖 من الرعايش قعمزت علي الكرسي.
ومعاد عندي حتي حيل انصبي..
نرجس..رانوسة..حرام عليك اتعذبي
في روحك..
يوسف 💘 ياسين..عدي جيبلها اميه.
انا 💖 كان باتي يسمع ايديرلي قصة..
وحتي الجامعة معش ايخليني انجيها..
يوسف 💘 اففف رانسي..خلاص..
واحد حيوان كيف اهو ماديريلاش قيمة..
لم اتباني انك خايفة منا ايزيد..
انا 💖 مش اول مرة ايديرلي مشكله..
وديمه وراي..وكل همي هو السبب فيه..
يوسف 💘 اليوم جاه تحذير بسيط.
وكان ماهناش روحه بعدين.. ايشوف
الصياع الي كيفه..
انا 💖 اهااااا😭
نرجس..يابنت راكي اتموتي..
وفات الوقت وانا 💖 عقلي مش معاهم
ونساير فيهم وبسيف..لين رن عليا باتي..
يوسف 💘 من ايرن عليك..
انا 💖 باتي..هيا سلام ..
يوسف 💘 انا طالع معاك...
انا 💖 لالا باتي ايشوفك..
نرجس..خالي خليها تطلع ابروحها احسن..
وعديت وخليتهم ...
يوسف 💘 واحد حقير وحيوان..
ياسين..باين عليه واحد صايع..وعندها
حق مسكينة اتخاف منا.هههه لكن شكله... امكبد الراجل.ههه
يوسف 💘 امكبددد..اسكت وانت اتفتفت...
ياسين...ههه شن ياخال..غيره اهاااااا.
يوسف 💘 نرجس سكتي خطيبك احسن..انا ماشي..
ياسين..ههه الله ايعينك..البنت المنافسين عليها واجدين..
نرجس..تحشم خلاص ..انا مانتحمل شي في خالي...
ياسين..هه ماهو حتي انا خالي..
هيا اطلعي قدامي وانتي تمرضي..
نرجس..ياسين..اسكت حتي انا خفت غير
قدام رانسي دايره روحي قويه..
العيل شكله ايخوف..مع انه حليوه..
ياسين..والله ؟.وايقلد في صوتها....احليوه صار..
هيا وانتن البنات مايعلم حد شن روسكن...
روحنا كل واحد لي حوشه💔
(انوار)💔
انوار..الوووو
ساره..الووو.اهلين..
انوار..شن صار معاك..
ساره..صلاح قالي معش تدخلي في خوي..
انوار..باهي اسمعي انا بنعديله في المستشفي...
وبكلمه ونهدرز عليه ..كان عطاني فرصة..
ونبي منك خدمة....اول شي نبي رقمه...تاني شي
نبي انجي يوم انا وياك بس لي حوشهم..
ساره..خافت وشن بنديرو في حوشهم..
انوار..انتي غير قولي باهي..
ساره..ماهو فهميني قبل..
انوار..انا بنكلمه ونحكي معاه وبنقوله
انه عاجبني واني نبيه..
وحتي امك تبيني كنتها...
ساره..شن دخل الحوش..
انوار..انهدرزو علي عمتك ونجيبلها
هديه وخلاص..
ساره..انوار..فكيني ..كلميه عادي لكن حوشهم لا..
انوار..انتي وحدة خوافه..عطيني رقمه توا
خلي انعدي وبعدين نحكو عليه موضوع الحوش..
ساره..توا اندزه لكي في رساله..وكان سال
ماتقوليش مني..
انوار.باهي. باهي..وصكرت..
ساره..حي علي عليك ورطه حطيت روحي فيها
انا شن دخلني الي يزوج ولي يقعد
عدت انوار للمستشفي بعدما ..
حطت كيلو مكياج علي وجها..
وسالت علي يوسف 💘 وروها وين المكان الي
قاعد فيه..ويوسف 💘 من بعد الي صار اليوم
في الجامعة متعقد ومش طايق حتي روحه..
انوار..السلام عليكم..
قصي 💚 وعليكم السلام اهلين...
يوسف 💘 كان ماسك ملف يقراء فيه..
وماعرفش الصوت..ومارفعش راسه..
قصي 💚 تفضلي اي خدمة..
انوار..بصوت كله مياعه..هه انا قريبة الدكتور يوسف 💘
يوسف 💘 لم سمع اسمه..رفع اعيونا وبحت فيها..
انوار..كيف الحال يوسف
قصي 💚 اها قريبتا..
يوسف 💘 من دون مايصبي من مكانه ...نعم شن فيه..
انوار..هه جايه نبيك في استشاره..
قصي 💚 يالله خليني انعدي..
يوسف 💘 خليك ..
قصي 💚 لالا بالك موضوع عائلي..
يوسف 💘 قتلك خليك..تفضلي قعمزي..
انوار..موضوع خاص اشوي..
قصي 💚 هه انا قتلك خلي انعدي..
وطلع قصي 💚 ويوسف 💘 اينفخ..اففففف
لان يوسف مش طايقها ..
يوسف 💘خير..
انوار..كيف حال الحاجة.
يوسف 💘 الحمد لله.......شن عندك..
انوار..يوسف 💘 من دون مقدمات انا معجبة بيك.
وحتي امك انا عاجبتها..
يوسف 💘 اول شي عيب بنت اتجي للراجل واتقوله
انك عاجبني..وتاني شي امي مادخليهاش...
انوار..شن فيها كان انت عاجبني وانا خبرتك..
يوسف 💘فيها.. انا تعجبني البنت الي تحشم..
انوار ..هاذاك قبل توا عادي ..
يوسف 💘 قبل.. توا الحشم هوا هوا ماتغيرش مع الوقت..
انوار..انت عندك وحدة...
يوسف 💘 عندي وحدة عندي اثنين مش شورك..
انوار..هههه ..معنها فيه وحدة..بس انا سمعت انك
فتتها الالمانيه..
يوسف 💘 لوووو سمحتي هاذين خصوصياتي..
مانبي حد يدخل فيهن..
انوار..انا من فرح صلاح وانا انراجي فيك اتجي تخطبني..
يوسف 💘 اها وليش اتراجي..
انوار...في فرح صلاح انت حسيتك معجب بيا..
يوسف 💘 لا غالطة واحساسك مش صح..
انوار..شن غالطة..
يوسف 💘 هوا مش تبلي غالطة وانا في فرح صلاح
ماقتلك شي يدل اني معجب..
انوار..انا هكي حسيت..
يوسف 💘 والله ياوخيتي..انا ماني مسؤال علي
احساسك..ولوسمحتي هذا مكان شغل
مش مكان هدرزه..
انوار..عادي نتلاقو بره..
يوسف 💘 افهمي انا واضح وماعندي علي اللف
والدوران..انا مابيني وبينك شي ولانبي ايكون فيه..
انوار..حتي الحاجاااااا
يوسف 💘 الحاجة مش شورها..
انوار..انت غير قول باهي نتلاقو بره
في اي كافي ونهدرزو ..
يوسف 💘 معليشي...عندي شغل وخذيتي
من وقتي واجد..
انوار..هههااااااعتبرني مريضه عندك..
يوسف 💘 اففف بالا ضحك مايع نحن في مستشفي..
انوار..اوعدني قبل..
يوسف 💘 نوعدك بي شنو.
انوار..نتلاقو بره..
يوسف 💘 مانبيش انلاقيك..
انوار..هههااا غير صفي النيه..
يوسف 💘 اسمعي الجو اهوا راني مانحباش..
والبنت الي تطايح... مانعبرهاش بكل..
انوار..معقولة قعدت بره كم سنة وطبعك قاعد متخلف..
توا الدنيا تغيرت والناس تمت كلها جوها افري..
يوسف 💘 اففف انا نحكي معاك بس علي خاطر ساره..
وساد لاني ماني فاضي..
انوار...يوسف 💘 والله انا معجبه بيك..وانتبع في اخبارك..
وخبرت حتي بابا عليك..
يوسف 💘 اها خبرتي باتك ..وشن قتيله ان شاء الله..
انوار..قتله انك تبي اتجي تخطبني..
يوسف 💘 ههه والله ضحكتيني..اسمعي.
انا ماني عيل ينضحك عليه..اتخبري باتك
اتخبري امك انتي حره..انا مانبيكش..
واصلا مش عاجبتيني لا شكلا ولا مضموننا..
انوار..زمطت ريقها من صراحته..وحاولت اتخلي روحها
عاديه..معقوله هذا كله علي شان وحدة اجنبية
حتي الدين ماعندها...
يوسف 💘 مش شورك..عندها دين ولا ماعندها..
انوار..ااا علي العموم شكرا..وانت زيد فكر ..
وفكر ان امك تبيني انكون كنتها..
يوسف 💘 بالله عليك عدي وفكيني منك..
طلعت انوار ويوسف 💘 قعد ايخبط في ايديه..
..وجاء قصي ...
قصي 💚 ههههه كنك ..
يوسف 💘 افففف ياراجل وحدة لصقة..
قصي 💚 شن تقربلك..
يوسف 💘 شن عجباتك الله ايربحك خوذها..
قصي 💚 ههه لا ياسيدي كني نصبح فيها..
يوسف 💘 تي لوكان تقربلي انكسر راسها.
علي ها المياعه الي عندها..
قصي 💚 قالت قريبتك..
يوسف 💘 وانت عليك قصقصة اتكون..بنت
خالت مرات صلاح..فهمت ولا انزيد انفسر..
قصي 💚 ههه بس واضح البنت معجبة.
يوسف 💘 ههه علي قولتك كني نصبح فيها..
قصي 💚 ااا علي سيره الجمال..شن اخبار
البنيه الي كانت مريضه عندنا..
يوسف 💘 اها من..
قصي 💚 انسيت ولا اتناساء..رانسي..
يوسف 💘 اهاااا اكويسه..
قصي 💚 عليك ابنيه بصراحة😍 تجلط😍
يوسف 💘 اففف ..وانت ماتبطل تفتريش.
قصي 💚 والله البنت معششه في راسي.
لكن حسيتها مش مايله شوري.
وكاينها مايله شورك.
يوسف 💘 انا من مدة نبي نخبرك لكن ماجتش
فرصة.
قصي 💚 اها كنت حاسس ..الله ايباركلك فيها
هيا بنيه اكويسه وانت صاحبي وتستاهل كل خير.
هههه يالا سبقتني عليها ..
يوسف 💘 ان شاء الله اطيح في الي احسن منها..
قصي 💚 ههههه شكلي بن عدي نلحق البنت الي توا..
يوسف 💘 ههه لا هاذي ماننصحكش بيها..
قصي 💚 ههه الكتاب باين من عنوانه..
يوسف 💘 افففف منها..
قصي 💚 يالا ورانا شغل واجد..
انا 💖 روحت وباتي حس اني مش علي ابعضي وساكت.
خشيت طول لي داري بدلت ...وجيت لي امي..
ساعدتها في حط الغداء وحست معها اشويا .
وخشيت نبي نرقد بيش ننساء لكن والله ماقدرت.
فاتت عليا العشيه كلها وانا حابسه روحي.
رنت عليا نرجس اتشوف فيا شن حالي.
هدرزت اشويا وصكرت...
انا 💖 ماسكة النقال في يدي ومتوقعة
اتجيني رسالة من اسامة.
لكن الحمد لله ماجاني شي..
رن عليا يوسف 💘 سالني شن اخباري ع السريع.
حاولت نقراء اشويا مافيش فائدة
استيعاب صفر.
طلعت بالك انغير جوي مع يزن..
القيتا عندا امتحان وامي عالقه عليه
اتقري فيه..
وباتي الكلام معاه ايزيد ايتعب ..
انا 💖 امي ..شن عشاكم..
امي..باتك يبي طاجين دجاج.
انا 💖 توا انا انديره هوا كساد كساد.
امي..سلم ابنيتي ريحتيني..غير راك
اتكتري الفلفل باتك ها المدة الحار ايتعب فيه.
انا 💖 حاضر.. وحطتيت السماعات في اوذاني.
ولعت اغاني ..ماجد المهندس..انحبة وانموت في اغانيه.
والهيت في العشاء🌸
❤⌚قبل كم ساعة⌚❤
يوسف 💘 روح للحوش سلم علي امه ركب لي
حوشه..دوش وبدل ونزل..قعمز احذا امه وهوا ساكت..
الحاجة..كنك اليوم ساكت..
يوسف 💘 لا شي..معش سالتك البنيه اكويسه معاك..
الحاجة..اكويسه ماشاء الله عليها..نضيفة وفيسع ماتفهم.
يوسف 💘 تمام..يااااما..
الحاجة..في خاطرك كلام قوله..
يوسف 💘 ياما نبي نخطب البنت الي نبيها..
الحاجة..خلاص معاد فيه بنات الا هي..
يوسف 💘 عندي انا معش فيه..
الحاجة..غير انت منعمي ومدربي..وماتشوف في حد غيرها..
يوسف 💘 ومانبيش انشوف..
الحاجة..الله يهديك..وحدة مطلقة شن عاجبك فيها..
يوسف 💘 ياما ومتزعلي مني بعد انروحو من العمرة
نبي نخطبها ونبيك انتي تمشي تخطبيها..
الحاجة..لا انا مانمشي..نمشي للعرب وانا ماني راضيه..
يوسف 💘 باهي ياما ارضي..
الحاجة..ياوليدي علي ما قلبتها مابت تنبلع معاي..
يوسف 💘 انتي غير شوفيها بالك اتغيري رايك..
الحاجة..وشن الي بي خليني انغير راي.
شن يعني زينها مافيش كيفه ..
يوسف 💘 اها عندي زينها مافيش كيفه..
الحاجة..كيف مايقولو..💝الغاوي عماا....والزاهد اطرش.💝
يوسف 💘 اففف ماشي ياما نمشو ونجو وبعدين ايصير خير.
الحاجة...ان شاء الله خير.وانا لوكان عارفه صلاحك فيها
راني مشيت من اول يوم.
يوسف 💘 انا راكب انريح اشوي تبي حاجة..
الحاجة..سلامتك..
بعد العصر بشويا جت البنت الي تخدم في الحاجة
وخبرتها ان فيه اضيوف جو..
الحاجة..خليهم ايتفضلو..
انوار..السلام عليكم كيف حالك خالتي..
الحاجة..وعليكم السلام..انوار كيف حالك..
وكيف حال امك..
انوار..اكويسه..كنت اقريبه من هنا انا وصاحبتي
قلت خلي انمر علي خالتي فاطمةونسلم عليها...
الحاجة..تسلمي..تفضلي ..وسلمت علي البنت الي معها...
قعمزن وتمن ايهدرزن والحاجة..مش عاجبها لبس البنت الي معها..
هدرزن اشويا..
انوار..شربتي قهوة خالتي..
الحاجة..توا البنت اديرلنا..
انوار..لا توا انا انوض انديرها انا مش برانيه...
الحاجة..لا عليش اتعبي في روحك...
انوار..لا مافيش تعب..
وعدت للمطبخ وقالت للبنت..
انوار..اسمعي يوسف 💘 قاعد.
البنت ..اها موجود..
انوار..انا نبي نركب لي حوش يوسف 💘
وكان سالت عليا الحاجة قوليلها في الحمام..
وديرلي قهوه وشيليها وقوليلها اني انا دارتها..
البنت ..حاضر..
ركبت انوار..ودقت علي حوش يوسف 💘
يوسف 💘 استغرب لان مافيش حد يركب فوق
هيا الشغاله بس ولم يقعد مش قاعد...
ناض فتح الباب..وكان لابس شرت وكت..القها امصبيه قدام الباب..
يوسف 💘 اها انتي شن اديري هنا..
انوار..ازياره..شن ماتحبش حد ايزورك..
يوسف 💘 اي مانحبش حد ايطب عليا هكي..
وانتي ليش اتزوري فيا اصلان..
انوار..غير قول تفضلي..
يوسف 💘 وين تفضلي يالا انزلي ..
انوار..وبصوتها المايع..معقولة انجيك لاعند هنا
وماتبيش تستقبلني..
يوسف 💘 الي جاي ضيف يقعد عند امي لوطا..
انوار..بس انا جايتك انت من بدري وانا في راس
الشارع..لين شفتك روحت..
يوسف 💘 اسمعي فكينا من الجو اهوا وانزلي..
انوار..دفاته وخشت مانيش نازلة..وفجاة لقها شابطة
فيه وحاضنته..
يوسف 💘 اييييي انتي.. ايه ..شن اديري...
ودفها ورفع ايديه فوق ورجع خطوه لاورا..
انوار...انحبك..
يوسف 💘 انتي وحدة بلا ربايه اطلعي بره..
انوار..مانيش طالعة..انحبك ونبيك..
والي تبيه انا موافقه عليه..
يوسف 💘 قسما بالله انك وحده اااااا
حيرني_زماني❤
الفصول الاربعة
