حلقة14
غدر_الايام
اااانس وخلود..شن اخبار رانسي...
خلود..تلفونها مقفل..وامها سيبت الحوش.
وعدت لهلها..
انس..مع ان باتها مش واعر للدرجة هاذي..
خلود..هو صايرله موقف من قبل..
اخته زمان تبي واحد وهما يبو ايزوجوها .
لي واحد تاني..مشت للمحكمة وازوجت الي تبيه..
وحطتهم قدام الامر الواقع..وبعد كم سنة ..
كلهم سامحوها وخوها احمد الوحيد الي ماباش .
ايسامحها واتجي للعيله كلها الي حوش احمد لا..
انس..مسكينه رانسي جت علي راسها كلها...
خلود..وهيتم شن داير..
انس..ماعندا مابيدير..ارضي ودس في قلبه وسكت..
خلود..انحس فيه استسلم فيسع...
انس..والله مسكين ايحبها وميت فيها..
لكن شن بيدير ..هو قال ان هيا مش واجد اتحبه..
وحتي لم باتها رفض مزعلتش عندها عادي..
خلود..بعد سمع انها ازوجت شن دار..
انس..ازعل وقريب حتي بكاء..
خلود..ههههه سقد روحك راهو ايصير فيك..
كيفا 😮
انس..ههه شن رايك نسكنو مع هلي لين انحصلو حوش..
خلود.والله....هو حوش هلك ماشاء الله امعبه..
وين بتطحني...
انس.. عادي امعبه ايزيد واحد شن فيهاههه
خلود..لا انت شكلك تبي قرصه وذن...
انس..تي يامسكينه شن بندير..
وبعدين كنها امك امصكره راسها .
كنها ماتخلينا نسكنو عندها.حتي مواقت..
خلود.افف مابتش..
انس..كان مالقينها في امك كيف ابنقلهوها في العرب الاخره..
خلود..ههه خلاص وجعتلي كبدي وانت تشكاء..
انس..ههه خزي عليك انا انوجع الكبد...
خلود..مش غير اتوجع الكبد تي انا قريب انرجع منك..
انس.هههه حيوانه...اقعدي عند امك لين نلقاء حوش..ومرات اها
مرات منلقاش لين ههههه اتعنسي....
خلود.هههه باهي يانس..انعنس مانعنس وراك وراك باهي....
انس.ههه.تو انتي الي وجعتيلي كبدي..خشي خلاص وانتي لم تمسكي.
الباب معاد تعرفي اتخشي..
خلود..ههههه باهي عدي باي....💛❤💚
انا 💖 افف هذا الي كان ناقصني...
بعد اشويه الدنيا شالت..جو عيت وليد..
منيره..السلام عليكم..بعيد السو عليك ياعمي...
حامد..وعليكم السلام ..ماتشوفي سو...
منيره...اها كيففففف حالك ياعروس..
كنه عمي كان اكويس....
انا 💖 الحمد لله ...ريتي انا الي مرضته...
وليد..اههههااااا..منيرة نوضي دايريلنا غذاء...
انا 💖 ااااااااا.
منيرة...هيا اشويه نطمن علي عمي ..
حامد..انا الحمد لله حالي اكويس..
انا 💖 نضت قبلها للمطبخ ...مبردهم....
منيرة جت وراي..ها شن انديرو الغداء..
انا 💖..شن يحبو راجلك وعيالك انطيبو...
منيره..هههه وليد ياكل كل شي...المهم عمي...
انا 💖 تو انعدي نساله بالك خاطره في حاجة..
منيره..ههههه عدي اساليه....ووهو
الفرخة اعيونها ايهبلن ووليد..مسبل...
انا 💖 ااااااا بالك عندك نيه في حاجة انطيبوها لكي..
حامد...طيبولي رز بالا ملح...
انا 💖ووه حاضر....
منيرة..ها شن قال ..
انا 💖 قال يبي رز بالا ملح..
منيرة.خلاص انتي طيبي الرز وانا تو انطيب مكرونه شعيريه.
وليد ايحبها مع اللحم والمكسرات....
انا 💖 ااااااا
منيرة وهيا اتحط في الغداء علي النار بدت في الاسئله..
منيرة..كم عمرك..وين تقري وليش وافقتي علي شايب...
انا 💖 ههه عمري تسعطاش...ونقراء في كليه التقنية..
وليش وافقت علي عمك 😯حاجة اتخصني💜
منيرة..انتي عارفة ان عمي متزوج قبلك قريب خمس مرات..
انا 💖 هههه مقعوله خمسة...
منيرة..والله خمسه..ولا وحدة جابتله العيل الي يبيه..
انا 💖 ااااااااااا
منيره.هههه ان شاء الله انتي اتجيبيلا العيل...
انا 💖 ااااا اففف..
وليد..هااااا منيرة...ديرولانا شاهي ..
منيرة...اترا عدي قعمز احذا عمك..والشاهي
تو ايجيك..
وليد...اهاااا شن يامرات عمي تعرفي اطيبي...
انا 💖 ااااااا
منيرة..ااا وليد قتلك اطلع بره...
وكملنا الغداء..وتغدو وماشاء الله حتي .
عويلهم اوكال .تماسيح اصغار...
ودرنا الشاهي..وطلعو قعمزو في الجنان...
حامد..رانسييي...
انا 💖 نعم..تعالي ساعديني نطلع بره..
انا 💖 حاضر...وجيت ساعدته لين طلع بره..
وليد...حيوان..كل مايشوفني يبقاء ايتمقل فيا..
وانا 💖 انطبس راسي وخلاص...
ومنيره اتشوف فيه ومش عاجبها...
وفاتت العشيه..وطلع وليد جاب عشاء من بره..
وتعشينا..وانا اول مرة من يوم جيت هنا نشبع...
وسهرو .وهدرزو..وهدرزهم بايخه .....
وانا 💖 مليت ونبي انخش لكن وين بنخش اففف.
حامد..انا حسني تاعب ..تصبحو علي خير...
رانسي..تعالي ساعديني..
انا 💖 اااااا حاضر..
مشيت معاه لي داره خذاء دواه ورقد...
و سمعت وليد ومنيرة ايتعاركو.لكن
ماعرفتش ليش...
وانا 💖 قعمزت بي عبايتي..في تركينه الدار..
وغميت راسي بويشاحي..وتكيت راسي علي .
رجليا..ونعست..
فاتت الليله والحمد لله علي خير..
وفرحت الي الصبح طلع...
طلعت من الدار وكلهم مزالو راقدين..
دوشت علي السريع وعندي عبايه تانيه .
لبستها وغسلت عباتي الي كنت لابستها..
وجيت في المطبخ وقعمزت...
رنيت علي امي ..حكيتلها علي صار..
امي..احسن ..روحي خلاص ..
انا 💖 ولد خوه وعياله قاعدين ..
كان روحو تو حتي انا انروح ونسيبه..
خلي انفوت كم يوم بيش باتي مايقول شي..
ومايدير..جو روحتي من اول كم يوم..
امي..هو الكلام هذا بيقوله بيقوله..
انا 💖 لا بنراجي كم يوم مدامه قاعدين.
ومتونسه بيهم..
امي..باهي....مع السلامة..
انا 💖 مع السلامة...
انا 💖 اشويه علي نوضتهم..
منيرة..ياللا خشو الحمام بالواحد وفكوني من
الدوشه..وبيش بعد الفطور انديرلكم حمامات....
انا 💖 صباح الخير..
منيرة.صباح الخير كيف حاله عمي..
انا 💖 اه مزال راقد...
منيرة....عدي شوفيه بالك وعاء....
انا 💖 ااااا باهي ..
خشيت للدار وانا انقدم في رجل ونوخر في التانيه..
القيتا مزال راقد..
انا 💖 اففف احسن خليه راقد..وانا كيف طالعه من الدار .
لقاني وليد...
وليد..صباح الخير .....علي مرات عمي..
انا 💖 ااااا صباح الخير.
وليد..تعالي انشوفو عمي كيف حاله...
انا 💖 اااخش شوفاء اهيا الدار قدامك..
وليد.ااهها.......😯😯
وفاتن كم يوم وهما قاعدين والدنيا شايله..
وحامد بدا ايتحسن..لكن مزال قلبه تعبان...
وسكره راقي..وانا 💖 حايسه ومضايقه..
وانكلم فيهم بالسيف..وانجاوب علي قد السؤال..
ووليد ايتبرد..ومنيره غايره عليه قريب اتموت...
وفي الليل روحو ..وانا 💖 خذيت ادبشي رديتا في
الدار الاخره...وحامد من الدواء يرقد بدري ومعاد يندري علي الدنيا..
انا 💖 نسمع في الارضي ايرن☎..
انا 💖 نعم منو..
وليد..اهاه وليد..
انا 💖 نعم خير ان شاء الله..
وليد.ااههه عمي كيف حاله...
انا 💖 اكويس...
وليد..وانتي كيف حالك ...
انا 💖 الحمد لله...
وليد..بالك تبي حاجة..
انا 💖 لا شكرا ..
وليد..والله غير قولي كان تبي حاجة عادي..
انا 💖 قتلك شكرا مانبي شي...
وليد..انتي وراك قصة..كيف ترضي تاخذي واحد.كيف عمي..
انا 💖 وانت شن دخلك...
وليد..اسمعي انقولك انتي حلوة بكل..والله كان تطلقي من عمي ناخذك...
انا 💖 😲انت شن اتقول...
وليد..انتي عاجبتيني اطلقي وانا ناخذك...
انا 💖انتااااااااااااا وصكرت عليه التلفون☎
انا 💖 وانا نبكي ياربي شن ها الورطه الي طحت فيها...
وخشيت للدار وصكرت عليا الباب..ومعادش جاني نوم..
في الصبح...نسمع في صوت حامد اينادي...
طلعت..نعم تبي حاجة...
حامد...نبي فطور بيش ناخذ الدواء...
انا 💖 حاضر..وعديت درت فطور بسرعة وجبتا...
حامد...بدلي بيش تمشي معاي للمستشفي...
انا 💖 ليش..ومن بيشيلنه...
حامد..بالك نتعب خليك معاي...
وانا 💖 ومن بيسوق...
حامد..انا انسوق ابروحي...
انا 💖 بالك تتعب..خلي ناخذو تاكسي...
حامد..لالا عادي متعود انسوق...
انا 💖 باهي انوتي روحي ونجي...
طلعنا للمستشفي..عاين وروحنا...
انا 💖 انديرلك غداء..
حامد..لالا ماعندي نيه في شي....
وخش لي داره ورقد..
وانا 💖ههه خذيت راحتي دوشت..وغسلت
ادبشي..ودرت غداء تغديت ابروحي ودرت نسكافي🍺
شربتها وكلمت امي هدرزت عليها اشويه وقعدت امكسدة..
لين نسمع في الباب ايدق..
انا 💖 شفت حامد القيتا مزال راقد..ومشيت فتحت القيتا وليد..
انا 💖 عمك راقد....
وليد..هههه عادي انوعوه...
انا 💖 اااااا خشلا في داره..
وليد....لالا تو انقعمز انراجي لين اينوض ابروحه..
انا 💖 راجيه في المربوعه...
وليد..هههه وليش في المربوعة انا مش براني...
انا 💖 ااااا....؟وخشيت...وليد لحقني...
وليد..ههههه اسمعي بيش نقتنع انك راضيه بها الشايب..
هاذي مستحيل..
انا 💖 انا قتلك مادخلكش....
وليد....انا عارف ان واخذك يبي عويل..
وانا 💖 ااااا...
وليد....اطلقي منا ووووووو.
انا 💖 اسكت ولا انخبر منيرة...
وليد.هههه منيرة..قسما بالله كان توافقي..
انخليك علي راسها..ونخليها خدامه عندك..
وماتقدر تفتح فمها...
انا 💖ااااا فكني من سوك...وخشيت للدار وصكرت علي روحي..
انا 💖 لا خلاص انا بنروح معادش نقدر انتحمل....
وبعد قيس ساعة ناض حامد..وتما اينادي..
انا 💖 نعم....
حامد...كان فيه غداء حطيلانا ..وديريلانا شاهي...
انا 💖 اففف ....ومشيت للمطبخ..وجبت الي طلبوه...
وحطيتا وانا ماشيه..
حامد...بعد بكرة العيد...
انا 💖 اها العيد انسيتا...
حامد..نحن متعودين انعيدو في المزرعة...
انا 💖اااا منو انتم...
نط وليد..نحن انعيدو مع بعضنا..😍وعيونا قريب يطلعن...😨
انا 💖 اها...
حامد..بكرة من الصبح بيش اتوتي روحك ...
انا 💖 بكرررررة...
حامد..بيش انعدو بدري ..و بيش انتريحو غادي..
ووليد اموصي علي الضحايا وانا متعود حتي .
قبل العيد بيوم نذبح في شاه صغيره..
انا 💖 ااااباهي شن تبيني انوتي...
وليد.ااااا خليك متريحه تو منيرة اتوتي كل شي..
والي تنقص نشروها من السوق...
انا 💖 اناااااااااا ...قبل نبي انقوله انا ماشيه لي هلي
خلاص معادش نبيك لكن قلت
خلي انفوت يوم العيد ....
ونفس الروتين خشيت الدار وصكرت وخليتهم..
في الليل نسمع في حامد اينادي..
انا 💖 اففف والله ماني راده عليه..
يمشي يرقد ويفكنا...نادا لين مل وخش رقد...
في الصبح..نضت فطرت علي السريع وتيت شنطي..
حطيت فيها العبايه التانيه وحاجاتي ..شامبو وكريمه...
ومعجوني....وطلعت القيت حامد ايسخن في السيارة..
انا 💖 خير..
حامد...خير.....وهو جامطها وساكت ..
ها المرض الي مزاد عليه غير توا..
ومايبيش يحكي في الموضوع ....
انا 💖 افففف ...خذيت دواك..
حامد..ااا ه خذيته..هيا اركبي..
فتحت الباب الوراني وركبت....
حامد..كيف ابتركبي من لوراء.
انا 💖 اها ......
حامد...باهي علي راحتك...
انا 💖 في خاطري..ههه وبالك مش علي راحتي..
علي راحتي غصبن عنك.....😏
في الطريق لاقونا عيت وليد ....وصلنا للمزرعة..
نزلنا وكانت المزرعة كيبرة وفيها حوش اصغير..🏡
وكلها شجر..🌳🌵🌲🌳ونزلو عيت وليد..
ونزلو الحاجات الي جايبينهن.....
ودارت منيرة الغذاء..وفي العشيه ذبحو وكملوها شوايات...
ووليد مزال ايتبرد..ويضايق فيا...وانا 💖 انتهرب منا...
ورقدنا انا ومنيرة وعيالها في دار ووليد وعمه في المربوعة...
منيرة...نسالك وماتزعليش..
انا 💖 شنو..
منيرة...يعني انتي ماشاء الله حلوه وصغيره..
وامك حيه وباتك حي...وتقري في الجامعة...
ولم عديت لي حوشكم شكلك مش ناقصك شي..
شن الي خليك تزوجي شايب...في عمر جدك....
انا 💖 ااااا اسباب خاصة....
منيرة...راكي اتكوني دايره مصيبة..
انا 💖 اااا لو سمحتي اسباب خاصة وخلاص...
منيرة..هو عمي صح بيموت علي عيال لكن عارفته..
كان مش بنت عيله واكويسه ماياخذهاش...
انا 💖 ااا انا بنت عيله وماناقصني شي زي مانتي قلتي...
لكن عندي اسبابي.....ولو سمحتي معادش تحكي معاي فيه الموضوع اهوا...
ورقدنا..وانا 💖متونسه بمنيرة رقدت زي الميته...
ماوعيت الا ومنيرة اتوعي فيا....
منيرة...رانسي...نوضي عمي طلع للصلاة العيد..وقريب ايروح..
خلي انوتو حاجات العيد ونوتو الفطور...
انا 💖 افف حاضر خليني اشويه نعسانه...
منيرة...نوضي تو عمي ايجي يقعد ايعارك.
كيف عيد ومزالنا راقدين..
انا 💖 باهي....ونضت وانا خاطري نرقد..
وجاء حامد من الجامع...عيدنا عليه...
وانا 💖 مديت يدي بالسيف لان منيرة امصبيه احذايا...
وناض وليد البايخ..وتما ايسلم ويعيد...وسامحونا..
انا 💖 هه عليك بياخة شن سامحونا شنو انا نعرفكم من قبل..
بيش انسامحكم...وتمن طقوس العيد عند العائله السعيدة...
وبعدين بدو في ذبح الاضاحي...وانا 💖 مانعرف كيف انصرف.
لان امي هيا الي كانت اتحوس علي العيد ابروحها..
وليد....عادي تو منيرة اتحوس بدالك..
انا 💖 لا لاااااااا.
وليد..حسيتا امكتر اليوم من التلصق..
وغير ايتبسل..ومرة ايجيب اشوايه..
ومرة يسال في اساله باردة..
وكل ما منيرة تنشغل اشوي..
ايجي ويبقاء ايهدرز..في نفس القصة..
وليد..والله انخليها تحت رجليك...كان ترضي...
وانا هاااابل عليك ..بالحلال بالحرام الي تبيه..
انا 💖 اتقي الله وبعد عني حرام عليك خليني في حالي..
انا 💖 انتهرب ومرات من كتر برادته انقعمز احذا حامد..
لين حتي هو استغرب فيا.هههه يحسابني..
امقعمزه احذاه محبة في وجها...😁
وحست في هذاك الخروف...وخلطتا خوه علي بوه...
ودارت منيرة الغذاء وتغدينا..ولمينا الحوسة كلها...
وفي العشية..منيرة قالت لي وليد شيلني لهلي....
وليد..وتو ارواحكم ...
وليد..شششششن ياعمي بايت ولا مروح..اهههههاااا
حامد..لا بايت روحو انتو..
انا 💖 😲😲😲😲😲لا خلي انروحو ...
حامد...انا ديمة انبات عدو انتو ونحن تو بكرة انروحو...
انا 💖 لا انا بروح...المكان ايخوف ...
حامد..هه الدنيا ونس وحتي مزرعة الدكتور الي احذنا..
اكيد امعيدين فيها...
انا 💖 انت اقعد انا بروح..
حامد..ماعجباش كلامي....
وليد...اهاااا عادي باتو حتي اتغيرو جو..
انا 💖 اففف ......وبعدين انت مريض..
كان تمرض عليا في الليل شن بنديرلك...
حامد..لا انا اكويس...
انا 💖 اااا حليها تو يافالحة...كان روحتي للهلك احسن..
لا عيد لا عاشورة..
انا💖 خليهم ايحطوني عند هلي بن عيد علي عليهم..
حامد..بكره من الصبح انا انشيلك....ونخليك لاعند لليل...
انا 💖 انكلم في روحي..هو انا غير انفوت الليله.
والله معاد قاعدة...
لمت منيرة حوستها وخذت حاجتها..وعدت .....
وانا 💖 خذيت كرسي وطلعت قدام الحوش وقعمزت....
❤💙💚❤💛في المكان الاخير💛❤💚💙❤
الحاجة..سادني معادش عندي نيه....
نجوي...غير كولي ياما انتي ماكليتي شي..
الحاجة..الحمد لله ......
ناديه..ماشاء الله عيد عيت صلاح احسن عيد.
صلاح..ووواااههه راك اتعينيه ....
ناديه.ههههه شن بنعين فيه تاكلوه بالصحة...
الحاجة...صحتين..سلم يوسف 💘 الي اموصي عليهن...
ساره.ااااا سلمه ونجيه...
نجوي...شن ياما تبي قديد....
الحاجة..درلي اشويه..لان ماحد ياكل فيه...
ناديه..لا اني بكتر محلاه في الشتاء نلقوه..
نجوي..عيدي اصغير...ههههه شن رايك ياساره ناخذ منك..
ساره.ههههه عادي كله لكي...
حيرني_زماني ❤
الفصول الاربعة
