.
غدر_الايام
انا 💖 من هذاك اليوم الاسود الي قلب حياتي.
منار ..تعرفي انا شفته باقي كيف
امتاعين الافلام..شكله شين
مع انه كان حليوه..لكن شكله ياخذ في حاجة.
وعليك سيارات كل يوم في شكل..وفرح قاهرها
في عمرها وحتي امه قريب اتموت منا.
انا 💖 اففف انتي زدتي خوفتيني..
منار..فرح قالت ان امه كل مرة تمشي تخطبله.
والناس ايوافقو بعد كم يوم ايجيها ويقوللها
خلاص معش نبي..
انا 💖 بالله عليك ساد..معش فيه.
حاجة نحكو عليها الاها الفرخ.
منار . هيا وقت علي محاضرتي..
انا 💖 بعد شنو بعدما رعبتيني...يالا باي..
عدت منار وانا قعدت امقعمزه ابروحي..
وبعد اشويا جن البنات نرجس ونسرين..
وحتي ياسين جاء معاهن لان هوا الي ايوصل فيهن...
ياسين ..السلام علي رانسي..ذات العيون الجميلة.
انا 💖 ههه وعليكم السلام ..
ياسين..هههه لم نزوج من صاحبتك نبيها اتوحم عليك.
وكل يوم بنجيبها لكي واتفرج علي اعيونك لين اتجيبلي
بنت اعيونها كيفك..
انا 💖 تحشمت .ههه
ياسين..نرجس تعالي نبي بنت اعيونها كيف رانسي..
نرجس.هههه وكنهن اعيوني بالك مش عاجباتك..
ياسين ...عجباتني لكن اعيون رانسي..ووووااااووووو
انا 💖 اها اااااا
نرجس .هههه عاد معقولة بنتي وبنت خالي يطلعن نفس العيون..نبو انغيرو..
انا 💖 هه اسكتي خلاص..
ياسين..هههه والله قلتها ..مش قلتلكم كايني عرفت يوسف 💘 كنه مهموم..
انا 💖ياسين ..راهي خطيبتك اتفلم مافيش منها الدوة هاذي..
ياسين...اوليش لا انتي ماشاء الله عليك وخالي بصراحة مش لان خالي
بس حتي هوا ينحب❤
انا 💖 نبي انغير الموضوع..نسرين كنك شكلك اتراجي في حد
نسرين..اها لا مانراجي في حد...
نرجس.هههه مالك اشويا ويوصل.
نسرين.اففف من قالك انا انرجي فيه..
نرجس..اماله اترجي في من..
انا 💖 مالك خوك..
نرجس ..اها خوايا توا ايجي ونعرفك عليه..
انا 💖 اوكي...عدي للمحاضرة انا راسي
ومش حانستوعب شي ..
نرجس..لا ماني ماشيه ابروحي...
انا 💖 والله راسي امصدع عدي وخليني مع نسرين.
نرجس..تمام ..نسرين..ردي بالك منها راهي اموصيين عليها..
نسرين..اها من اموصي عليها...
نرجس...وانتي شن دخلك اموصا عليها وخلاص..
عدت نرجس..وقعدت انا ونسرين وياسين..
اشويا وجاء شبوب احليوه ..نقشه اسمراني اشويا..
ويشبه لحد انا نعرفه بس انسيت من..
الشبوب لحليوه..السلام عليكم...
انا وياسين ردينا السلام لكن نسرين لا...
بحتت في نسرين وانا مستغربة منها..
ياسين ..اهلين ..شن الجو..
الشبوب..وبحت فيا ...اها عرفونا ..
ياسين..اها..هاذي رانسي صاحبت نرجس..اوووو.ولا بلاش..
رانسي..هاذا مالك خو نرجس وولد خالتي ناديه اكيد تعرفيها..
انا 💖 اها ..اهلا بيك..ومديت يدي سلمت ..
وتوا عرفت لي من يشبه فيه من نرجس اخته واجد..
مالك ...ووااوووو ...تعرفو انتو حقراء وحقراء واجد معاها.
ياسين..اوليش ...
مالك..مافيش واحد منكم قال انحن علي هالغلبان
ونعرفه علي ها البنت الحلوه..😍
اضايقت من الكلام شنو يعني انا للتعارف..
انا ماشيه ولم اتجي نرجس اترن عليا..
ياسين..رانسي كنك..
انا 💖 انا مش للبصارة..
مالك ..اوبااا والله فهمتي غلط ..
انا 💖 عادي حصل خير.. وعديت وخليتهم ..
ياسين..انت واحد بايخ ..
مالك..بصراحة البنت طرف ..
وتما ايسمع في نسرين..وانا شكلي طحت فيها..
ياسين..وحتي هاذي بايخه طحت بس من سلامك عليها..
مالك..عادي هههه هذا حب من النضرة الاوله
انت ماتعرفاش...
وكانت نسرين تغلي لكن مش امبينه...
نسرين..هههااااا اصلان رانسي مئة واحد يبيها
تحسابها غير قاعدة تستنا فيك..
مالك..ههااااا عادي يبقو مئة وواحد...
نسرين...هااااا انا ماشيه عندي محاضرة..
ياسين..وحتي انا عندي محاضرة ...
مالك..حيوانات ليش ماقلتو لم البنت قاعدة..
راهي قعدت كسدت معاي..
نسرين..مصار شي تقدر تلحقها...
مالك ..وانا هاذا الي بنديره..وانتي موتي قهر..
نسرين..هاااااا موت انت ....
انا 💖 بعدما اضايقت من كلام مالك..
تميت نمشي ابروحي في حديقة الجامعة..
وانفكر في حالي...اشويا ورن نقالي..
شفتا القيتا يوسف
انا 💖ااالو..
يوسف 💘 حبي وين انتي..
انا 💖 نبرم في حديقة الجامعة..
يوسف 💘 تعالي احذا كليتك تلقيني غادي..
انا 💖 ماشي...
جيت ماشيه لاقاني مالك..
مالك..وين مشيتي كنت اندور فيك..
انا 💖 اها وليش ادور فيا..
مالك..عادي هما عندهم محاضرات
ونحن لا خلي انقعمزو مع بعضنا لين يطلعو..
انا 💖 انت خو صاحبتي فاياريت ماتزودهاش معاي..
مالك.ههه والله انتي فاهمة غلط انا مش قصدي شي..
انا 💖 مش انا فهمت غلط... تمام ...
مالك..نتعرفو ونقعدو اصحاب ..
انا 💖 تعرفنا خلاص ونحن توا اصحاب هكي اكويس..
مالك..انتي كنك عدوانيه..
انا 💖 هههه انا عدوانيه...حلو المصطلح...
مالك..هههه باهي الي ضحكتي...
نكلم فيه ونمشي لين القيت روحي قدام الكلية..
شفت يوسف 💘 امصبي مع واحد.....
وكان لابس سروال جينز ازوق فيه مسحات..
لابس معاه تي شرت بيج ..ولابس معاه كدار بيج
ونضارات شمسيه ..وطالع ايهبل😍
مالك...اها ..خالي شن عندا هنا..
انا 💖 صبيت في مكاني وقعدت انشوف فيه من بعيد..
مالك.اهاااا خاليييي..
التفت يوسف شورنا وستاذن من الي كان
امصبي معاه وجانا...
مالك...اهلين ياخال..شن الجو وشن عندك جاي.
ههههه ولا جاي اتعاكس..
يوسف 💘 ههاااا انت ديمة بايخ هكي..
هما يحكو وانا نسمع..
مالك..تعال خلي انعرفك علي بنوته سموحة ..
انا 💖 فنصت في مالك....وقتله ..لو سمحت..
يوسف 💘 بحت فيا ..اهلين رانسي..
مالك.لالا قصدك تعرفها شكلي انا اخر واحد
انا 💖 مسكت ضحكتي هو مالك صح امزودها
لكن بصراحة دمه خفيف..ويهبل
اهلين..
يوسف 💘 تعارفتو...
مالك..اليوم بس والجماعة متعرفين عليها
من قبل ههههه وانا ليا الله..
يوسف 💘اها من الجماعة الي تحكي عليهم..
مالك..ياسين ونسرين وحتي الي دايره روحها اختي ..
يوسف 💘 عندك بنات الجامعة كلهن
الا هاذي ماتجيش شورهاا
مالك..ههه كيف صار اماله هاذي لكبيدة..
يوسف 💘 يحكي واعيونا يضحكن..
ايواااا هاذي لكبيدة..
انا 💖 تحشمت وطبست❤
وتميت نلعب بطرف الوشاح..
يوسف 💘 باهي طير وخلينا اشويا..
مالك...اهااااا والله استغربت جيتك.
.بس معقولة ياخال انا اخر من يعلم..
يالا عن اذنكم..وعدا وخلانا
يوسف 💘شن رنوسي ..مافيش مكان انقعمزو فيه.
انا 💖 اكيد فيه كراسي...
يوسف 💘 تعالي...
مشينا لين القينا كرسي فاضي..قعمزنا عليه..
ويوسف 💘 لف وتما امقابلني..
يوسف 💘 حسيتك اليوم جوك من تمام.
انا 💖 اها لا عادي..
يوسف 💘 ضايقك حد ولا جاتك رسالة جديدة..
انا 💖 لالا هوا باتي امضيق عليا
..وانحس في روحي مخنوقة،.
وانا مليت من كتر النصائح ..والحرص الزايد
يوسف 💘 عادي ..هوا من خوفا عليك..
انا 💖 باتي تعبني..
انا 💖 خلاص عدي مرات ايشوفك حد .
يوسف 💘 انا نبي كل الي في الجامعة
ايشوفوني ..
انا 💖 بالك الي ايدزلي في الرسائل توا ايراقب فيا.
يوسف 💘 تمام خليه ايشوفنا ..
وهدرزنا لين تمت محاضرة نرجس وجت القتنا
قاعدين نحكو.. وانا 💖 مابيتش نسال
شن صار بينه وبين وامه..قلت بيني
وبين روحي اكيد لو فيه خبر حلو راهو خبرني..
نرجس..هه اهلين خالي..
يوسف 💘 اهلين حبيبتي..
نرجس..من امت وا نت هنا.
يوسف 💘 توا مالياش واجد.
.انا ماشي رانسي تعالي اشويا..
انا 💖 نعم ...
يوسف 💘 تعالي معايا نعطيك الهدية الي جبتها
لكي وان شاء الله تعجبك..
انا 💖 ههه اكيد تعجبني..
مشاء للسيارة وجابلي منها كيس كبير مدا ليا
يوسف 💘 رنوسي...الحلوه تفضلي..
انا 💖 ههه شكرا...
يوسف 💘 ههه حلوه منك شكرا يالا باي..
في حوش الحاجة❤
ساره..عمتي رني علي يوسف 💘
الحاجة..رنيت وقال جاي...
صلاح...ماشاء الله علي مراتي ...
ساره..ههه تسلم ..
جاء يوسف 💘 وجايب معاه الفواكه .
والحلويات فرحان بعيت خوه..
سلم ولعب ولد خوه اشويا وبعدين رقاء للحوشة
دوش وبدل ونزل..
الحاجة...ساره حطي الغداء ...
وحطت ساره الغداء ومع ان فيه شغاله
لكن صلاح امغير يبرم ويساعد في ساره..
جابو الغداء ..وتغدو..وجابت ساره الفواكه.
ساره..ههه شن رايك ياعمتي في طعامي..
الحاجة..تسلم ايديك..
صلاح..اهااا وانت يايوسف 💘 ساره طعامها ماشاءالله..
يوسف 💘 تسلم ايديك ..سامحينا تعبناك..
ساره..لا مافيش تعب..
صلاح ..هوا انت اتحب الوكال من بره..ولا غيرت طبعك..
يوسف 💘 ههه لا مغيرتش مزالت انحب الوكال من بره...
ساره...حتي بنت خالتي ماتحبش طعام الحوش..
ديمه اوكالها من بره...
الحاجة..بلعت اللقمة بسيف..وضحكت داوبا...
صلاح ..انا كان مش طعام طايب في الحوش
مانتبنناش بكل..
يوسف 💘 مرة مرة عادي اهو تغيير...
الحاجة..هو يوسف 💘 ايحب طعام بره
لكن لم تقعد حاجة في الحوش ومديورة علي اوصولها
ايحبها....ومش كل وحدة تقدر اطيب الطعام علي اوصوله.
والطعام زي مايقولو ..نفس..
ساره..انديرلكم قهوه ولا مزال اشوي..
يوسف 💘 ياريت لان عندي مشوار..
الحاجة...لالا مشوار شنو.. جاياينا اضيوف..
يوسف 💘 اضيوف من...
ساره..خالتي وبنتها...
يوسف 💘 اها وانا شن بندير بيهم ..
صلاح..عادي انسلمو ونطلعو ...
الحاجة..ديمة لم ايجيني ضيف. مايلقاء في حد قاعد..
يوسف 💘 ههههه فهم قصد امه..ياما انا طالع..
الحاجة..ساعة...وعدي..
يوسف 💘 صبايا جايات انا شن بندير بيهن..
الحاجة..سلم واقعد شوايا وعدي..
يوسف 💘 اها كنك ياما..مانيش قاعد
ومانيش امسلم..وحتي القهوه معش نبيها ...
الحاجة.اهاها ديمة وانت داير الي في راسك..
يوسف 💘 ههه افطومة..
..وطبس عليها وباس راسها..ووشوشها بشويا..
(هاذين مش حركاتك)هههههه
الحاجة..مسكت الضحكة..لان يوسف 💘 كشف حركاتها.
الحاجة...الله ايربحك سلم وعدي...
يوسف 💘 هههههه كان تبي حاجة رني عليا..
الحاجة..مانبي شي..ودارت روحها زعلانه..
يوسف 💘 يالا السلام عليكم..
ساره.. افف لوكان غير قعد اشويا..
صلاح ..ههه انتو ليش مصرين انه يقعد..
ساره..نبوه ايشوف انوار..
صلاح ..انوار.اهااااا توا فهمت...
ركب يوسف 💘 للحوشة بدل ادبشه وجاء طالع..
كيف امطلع السيارة من القراج..صبت سيارة قدام حوشهم..
ونزلت البنت الي فيها بسرعة وجاته.
انوار..اهااا اهلين دكتورنا كيف الحال..
يوسف 💘 اففف اهلين ..الحمد لله..
انوار..شكلك مستعجل..
يوسف 💘 اي مستعجل..
انوار..نحن جايين انهدرزو علي خالتي فاطمة..
يوسف 💘 الحاجة قاعدة تفضلو...عن اذنك ..
انوار...باااااااس...وخلها من قبل لا تكمل كلامها
وعدا ..
انوار...خزي عليك ياساره ..ليش مالهيتيه.
لين جينا..هيا ياماما انزلي...
يوسف 💘 طلع اينفخ ومضايق من امه
هيا كانت مش عاجبتها بنت خالت ساره.
ليش توا غيرت رايها وتمت مصره عليها..
وانوار وامها خشن وام انوار متحشمة
انها جايه للعرب بدري لان ديمة وقت
الزيارات بعد العصر..وهنا جن قبل
العصر بواجد..
وساره اتهرب من بنت خالتها لانها خايفه
منها علي شان يوسف 💘 طلع من دون ماتهدرز عليه.
وتحاول اتميل قلبه يالاها...
والحاجة...اتبحت في انوار زين زين..
وفي خاطرها اتقول..يوسف 💘 اغزيل.
وهاذي ماهي سمحه بكل..لكن عادي المهم مش مطلقة..
انا 💖 روحت للحوش من دون مانفتح هديه يوسف
وباتي ..اعيونا علي الكيس الي في يدي ويحاول يسال
وانحس فيه حسها ثقيله..وايلكلك في السؤال واخيرا..
ماقدرش يبلعة..وسالني شن فيها الكيس...
انا 💖 انفجعت واضايقت وازعلت وانقهرت..
كله هاذا حسيت بيه..
انا 💖 افف...مشششش ليا هاذ لي صاحبتي
نرجس انساته عندي..
باتي..اها...وكيف انساته..
انا 💖 عادي ياباتي نساته مش مشكلة..
باتي..وهوا مش امصدق..اها باهي...
وصلت للحوش القيت امي جايتها لاعند وين..
ومطيبة الغذاء وخاشة لي دارها وراقدة..
باتي..امك هالايام ماعجبها حال..
انا 💖 كنها في الصبح ماكان فيها شي..
باتي..عدي اساليها..وخش توضاء وصلي.
وانا 💖 خشيت لمي..
انا 💖 اها كنك ياسوسو..
مش من عوايدك الزعل..
امي..تعبانه ومخاطري في حد
انا 💖 شن فيه خبريني بس من زعلك.
امي...باتك من بيزعلني غيره..
انا 💖 ههه احمد توا انوريه ههه
مش انوريه واجد اهو اشويا..وعقاب مني
بنخليه بالا غداء نص ساعة شن رايك..
امي .ههه حبيبتي..باتك تعود عليا ساكته
عجبه الحال وتما غير ايتامر...
انا 💖 باتي طيب غير راسه امسكر..
امي...الغداء طايب بدلي ادبشك
وحطي غداهم وانا خليني
نرقد اشويا وبعدما انوض اكيد جوي ايتغير..
انا 💖 حاضر حبيبتي...
وخشيت لي داري دسيت الكيس وبدلت ادبشي
وطلعت انا ميته نعرف شن فيه الكيس لكن
مانبيش انغطس في داري بعدين باتي ايشك..
حطيتلهم غداء وكليت معاههم..وغسلت الماعين
ودرت لي باتي شاهي..هذا كله وانا عقلي في الدار..
حيرني_زماني❤
الفصول الاربعة
تنزيل حسب التفاعل❤
