حلقة 37
غدر_الايام
كيف بنقعمز خشت امي..تلقيتها..
وجت سلمت علي ناديه والحاجة..
وقعمزت احذا الحاجة لان تبيها اتقعمز احذاها
ولان امي ماتعرف حد اصلا..
ومن اول ماقعمزت امي والحاجة طايحه فيها اسئلة..
وامي اتجاوب ..جت ابله نجوي وشوشت امي..
ان ماتخبرش الحاجة علي اسمي..
امي..استغربت لكن سكتت لان مش وقت كلام..
وبدت الحفلة..وطلعت علينا الست انوار وقفطانها الماركة..
هوا القفطان حلوه لكن هيا طالع عليها شين..
..((والا. غير انا انشوف فيه طالع شين هههه))
جت نسرين...شفتي الماركة...
انا 💖 اها شفتا...
نسرين..البنت هاذي انا منحباها بكل..
انا 💖.تعالي نرقصو انحصلو شوط قبل
لاتجي العروس..وصبينا وطحنا فيها..
حيي علي انا لم نرقص ننساء الدنيا كلها..
رقصنا لين عيينا وجت حتي ساره ورقصت
معانه ودرنا جو وضحك وحركات..وبعدين جت الست
امتاعت الماركة..انا لم جت وقفت وعديت قعمزت..
امي اتبحت فيا ..واتاشرلي..جيتها...
امي..سادك رقص..العيون كلهن عليك..
انا 💖 امييي..
امي..والله ياخذوك بالعين..
انا 💖 افففف..راهو توا بس.. وكان احمي الجو بنرقص..
امي...وووه منك..
وبعدها جت نرجس..وطالعة اتهبل..وقفطانها لونه
.....احمر.....مع تسريحه بسيطة قعمزت علي الكرسي..
الي موتيينه لها...اناشرلها من بعيد..
والمنضومة قالبة الدنيا والي يرقص
والي ايهدرز..وبدن البنات ايمدن ..في العصير مع شوكلاطة..
وبعدها نسكافي مع حلويات شرقية..
وبعدها مدن العشاء...وبعدها قيس ساعة..جاء ياسين..
وكان لابس بدلة حلوه ....لبسها الدبلة وبعدين
جابن البنات تورته حلو بكل...انا ماشفتهاش...
شكلها جابوها لم انا فوق..وياسين داير جو ..
ضحك وابصاره...وطالعين هما الاثنين ..ماشاء الله..
وقصو ووكلو وصورو..واشويا وطلع ياسين..
انا 💖 مشيت للنرجس..مبروك حبيبتي
طالعه اتهبلي..
نرجس..والله طالعه حلوه..
انا 💖 والله...ربي يحفظك من العين..
نرجس...حتي انتي طالعة اتهبلي..
انا 💖 المهم انتي العروس...
نرجس..حبيبتي..نجك ليا...
قيس الساعة عشرة...
بدت فيه ناس اتروح شكلهم يسكنو بعيد..
طلعن البنات وتمن يرقصن ورقصت حتي العروس...
والست الماركة..جتني...
انوار..انتي ااايي تعالي نبيك اشويا...
انا 💖 ومن فوق خشمي..اااناااااا.
انوار..اها انتي..
انا 💖 خير ..
انوار...انتي من وين تعرفي يوسف
انا 💖 وانتي شن دخلك..
انوار...ردي بالا دلع فرخات...
انا 💖 فرخات في عينك..💞وعديت وسيبتها..
خليتها امصبيه ...وعديت للبنات...
اشويا وجتني ابله نجوي...
نجوي..رانسي..نقالك وين..
انا 💖 اها كنه..
نجوي..يوسف قالك ردي.
انا 💖 باهي..وفات قيس ربع ساعة..
الحاجة...الوووو..نقصن الصوت اشوي..
الوووو...نعم تبي وحدة من البنات..باهي..
نسرين..نعم اجديدة...
الحاجة..خالك يوسف يبيك...
نسرين..خذت النقال وخشت بيش
تسمع...نعم خالي...
يوسف رانسي وين..
نسرين..قاعدة بره..
يوسف 💘 كنها ماترد..
نسرين..ههه اكيد ماسمعتش..
يوسف 💘 باهي..انقولك..
.....دبري كيف اتجيبيها ...
نسرين...وين..
يوسف 💘 في الجنان الوراني..
نسرين..هههه..حاضر 😍
جتني..نسرين..حييي عليك خالي قالب
عليك الدنيا...تي رن من نقالي حني..
انا 💖 خليه ايرن بيش معش ايقولي
مانبيش نسمع صوتك...
نسرين...تعالي معاي اشويا..
انا 💖 وين..خلينا الجو سمح....
نسرين..غير تعالي...
مشينا شور الحوش..وخشينا.للمطبخ..
انا 💖 انتي كنك ..
نسرين..خالي يبيك..
انا 💖 تعرفي انتي حيواناااااااا
ومن قبل لا نكمل كلامي..دفتني للجنان..
القيتا زي كل مرة مولع دخان ومصبي..
انا 💖 اجمدت في مكاني...وحسيتا
حتي هوا اجمد..لان مرن لحضات وهوا امسبه...
انا 💖 اااااااا نعم...
يوسف 💘 قرب مني..ووواوووووو..
القفطان طالع عليك..ايجنن...
انا 💖 اااااخلاص اهوااا شفتني..
يوسف 💘 هوا ااا انا في حلم..
انا 💖 ااااا نبي انعدي..مسك يدي..
يوسف 💘تي وين اتعدي وانا ماصدقت جيتي..
انا 💖 يوسف الحوش امعبة ..
يوسف 💘 ماهامني حد..وين يافرخة..وتبي
اتروحي من غير مانشوفك..وزاد قرب...قرب...
انا 💖 قلبي تما ايدق..يوسف 💘 امي هنا..
يوسف 💘وبصوت واطي..بيبي 😍
انا 💖 خفت ووخرت...قدم وصل عندي..😊
يوسف 💘 اقسم بالله انك خذيتي قلبي ..
وعقلي..وروحي..وكان مازوجتك الموت اريحلي..
انا 💖 يوسف خليك في مكانك.
يوسف 💘 رفع يدي وباسها.😘.
انا 💖 انفجعت😳...وجبدت ايدي..رد مسكها..
يوسف 💘 رنوسي..انحبك..ونموت عليك
انا 💖 يوسف خليني انخش توا امي تفقدني..
يوسف 💘 خليك اشويا بس..وطلع النقال وكلم نجوي..
نجوي..شن حبيبي...
يوسف 💘 جيبي امي وتعالي وخلي ناديه مع ام رانسي..
نجوي..اها...هيا اشويا..
انا 💖 كنك شن بدير..
يوسف 💘 بنعرفها عليك.
انا 💖 لالا فكني..توا تزعل وتنكد علي نرجس..
يوسف 💘اسكتي وخليني.نصرف
.اول مرة انشوفك حاطة حاجة علي وجهك..
انا 💖 يوسف خليك من وجهي..توا امك ..
يوسف 💘 اشششششش..طالعة اميرة..
انا 💖 الله ايربحك خلي انعدي..كان امي تسمع
تزعل مني..
يوسف 💘 ماتزعلش..ورنت نجوي..
انا 💖 يوسف 💘 قريب اااانموت
يوسف 💘 ماشي بيا وانا كايني ايكرو فيا للموت..
انا 💖 استنا ناخذ حاجة انحطها عليا..
خشيت للدار خذيت بشتي لبسته وطلعت..
نجوي ..جابت امها في دارها..خشينا وصكرت الباب..
يوسف 💘 طلقني وعدا شور امه باس علي راسها..
وانا 💖 مصبيه وراء يوسف 💘 مزال ماشافتني..
يوسف 💘 ياما...نبي انعرفك علي البنت الي نبيها..
وماني واخذ غيرها..ايكلم فيها ومطبس عليها..
الحاجة..مزال ماشافتني..لوكان اتشوف السماحة حق توا
اتغير رايك..ابنيه اتقول اغزيله وصغيرة..وحناطة.
والله في ها الحفلة دايره فرزة...
يوسف 💘 ياما عطيني السموح ناخذ الي في خاطري..
الحاجة..انت غير شوفها وكان ماعجباتك بعدين خوذ الي تبيها..
يوسف 💘 صبا ودفني قدامه...ياما هاذي رانسي..
مرن لحضات صمت علينا كلنه..حتي نجوي ساكته.
وانا 💖 خلاص كان مامتت اليوم معش انموت.
الحاجة...والله ..كايني حسيت غير كذبت روحي..
يوسف 💘 هاذي رانسي..هيا البنت الي نبيها..
الحاجة.. هيا هاذي الي عجبتني..اخسارة.
كلمة اخسارة...وجعتني في وسط قلبي 😢
انا 💖 اهاااا اعميمة انتي مش مجبورة اتوافقي
عليا بالغصب..كنت نبي لم انروح ايخبروك.
بيش ماننحطش معاك في ها الموقف..
نجوي...رنوسة خلاص انزلي توا امك ادورك..
انا 💖 قربت من الحاجة..وبست علي راسها.
انا 💖 اعميمة سامحيني..من حقك اتزوجي اولدك
وحدة مش مطلقة..لكن الله غالب هذا نصيبي..
وطلعت وانا نبكي من الموقف الي انحطيت فيه.
يوسف 💘 لحقني جري...
انا 💖 يوسف خليني في حالي..
يوسف 💘كيف انخليك..
انا 💖 انت حطيتني في ها الموقف..
يوسف 💘 رانسي.اسمعيني..
انا 💖 خليني..الله ايربحك..
يوسف 💘افففف...مشيت وخليتا..
مسحت ادموعي ونزلت...سالتني امي وين كنت
قلتلها انساعد في البنات علي قص التورتة..
مشيت احذا نرجس وقعمزت في مكان ياسين.
ونسرين طايحة اتصور..
انا 💖 اسمعي راهو والله تعطي خالك اصوري
نزعل منكن ومعاد انكلم فيكن وحدة.
نسرين..ايشوفهن بس...
انا 💖 والله كلكم حالة..حتي الشوف لا...
نرجس..كنك شن صاير..
انا 💖 لالا شي...
نسرين...فاتاتك امتاعت الماركة..
انا 💖 وينها قاعدة ماروحت..
نسرين ..هاذي باردة ماتروحش توا..
اشويا..وطلعت نجوي اتساعد في امها😟.
.؟..................
انا 💖 لم شفتهن ندمت اني حضرت الحفلة كلها.
شافتني نرجس وجهي مش طبيعي.
نرجس..كنك رانوسة سن فيك.
انا 💖 شي..تعب بس.
نوسة.. مالك من الصبح ماسك
روحه لكن شكله ودر خلاص.. اشويا والقيناه
في وسط الطاولات..سلم علي عماته الي
مزالن ماروحن..وجاء للنرجس..
مسكها من يدها وتما يرقص هوا وياها.
وجت حتي امه 💞💞
تلفت القاء بنات عماته مشاء جابهن
بيش يرقصن..ونسرين اتبحت فيه
وقريب اتموت..وحتي امتاعت الماركة
خشت ترقص..
انا 💖 انشوف فيهم بعيوني لكن عقلي
مش معاهم بكل..
خايفة حتي انتلفت شور امي
لان ام يوسف 💘 مقعمزه احذها.
متجمدة في مكاني وخلاص.
نسرين..شفتي مالك..
نحسابة داير عقل...
انا 💖 خشي حتي انتي
عليش قاعدة هنا..
نسرين..تعالي معاي.
انا 💖 لالا ..انتو عيلة في
بعضكم...
نسربن..تعالي نشجع بيك.
انا 💖 خليك لين ياخذنه بنات عمته
وبعدين تحسري عليه..
نسرين..اففف والله انوريه..
وانا 💖 ودايره روحي انعلم فيها
وانا مالقيتها لي عمري..
بعد اشويا جتني ابله نجوي..
نجوي..رنوسة الحقيني ..
خشت وبعد اشويا لحقت عليها..
القيتها في الدار هيا ويوسف
كان يوسف 💘 مقعمز والدخان معبي الدار
لين ادوخ..صبيت في الباب..نعم يابلة..
نجوي..خشي اشويا..
انا 💖 اشويا بس (ومشيت لبست بشتي وجيت)
نجوي..رانسي..انتي زعلتي منا ..
انا 💖 زعلت من يوسف ليش ايحطني في ها الموقف..
يوسف 💘انا كنت مجبور..
انا 💖 انا مش مجبورة ..انجي قدام امك واتقول اخسارة..
انا لوكان نحساب هكي بيصير راني
ماجيتش بكل..
نجوي...امي انتي عجبتيها من اول ماشافاتك....
انا 💖لكن لم عرفت من انكون انصدمت..
يوسف 💘رانسي خلاص..
انا 💖 ابله نجوي نبي نمشي..
يوسف 💘 تي وين ماشيه..خلي انتفاهم معاك..
نجوي..اشويا ونجيكم..
انا 💖 لا يابله ماتخلينيش ابروحي..كان ايشوفني حد..
يوسف 💘 افففف وانتي ديمة خايفة من الحد..
انا 💖 بضحكة هزوه...ههه ماني مطلقة..
يوسف 💘 رانسي بالله عليك ساد..
نجوي..انا قاعدة برة..تكلمو تفاهمو برواحكم.
انا 💖 امي تفقدني.
نجوي..توا انجيب البنات وانا نقعد احذها.
نزلت نجوي وخلت نسرين تركب للحوش.
انا 💖 نعم يوسف 💘 شن عندك .
يوسف 💘انتي ليش عصبيه.
انا 💖 تي... من الي عصبي..امك ماتبينيش.
انا مطلقة صح ..لكن عندي كرامة.
يوسف 💘رنوسة الله ايربحك فكينا من الزعل..
وانا نحلفلك ماني متزوج غيرك..شن يرضيك اخره انا مستعد انديره.
انا 💖 هيا عندها حق انا مطلقة..((صبا وجاني ))ووطاء صوته.
يوسف 💘اششش..والله عندي تسوي بنات الدنيا كلها..
وبعدين مش انا عارف ان حامدددددددددددد
انا 💖 انا معش عرفت انردددد..نبي ننزل.
يوسف 💘معقولة حفلة وجو سمح وانتي
منكدة عليا..
انا 💖 ياريتني ماجيت..
يوسف 💘وترضيها فيا..نقعد ابروحي.
انا 💖 يووووسف
يوسف 💘 كبيدتي..وقلبي..وعمري الي😘فات 😘والي جاي
انا 💖 هههه..معش نبي انقولها..
يوسف 💘 شكلها نكد..يانكد.
انا 💖 اتقول منجم.
يوسف 💘 ههه واضحة ..نكد.
انا 💖 خلاص بننزل.
يوسف 💘وعد انديرلك احلا بيان.
انا 💖تحلم.. نبييي ننزل.
يوسف 💘 ووهو منك عديمة الاحساس.. نازل معاك.
انا 💖 شن تنزل معاي..امي.. وامك..
يوسف 💘باهي خليهن..ونحن خلينا هناااا
انا 💖هه والله..
يوسف 💘والله..
انا 💖 حول انا نازله.
يوسف 💘 لااحقك..
انا 💖 بتجي غادي.
يوسف 💘 ههه بن بارك للبنت اختي..
انا 💖 اسمع راهي الي بدري مزالت قاعدة.
راهو اتبحت فيها ولا اتجي شورها
نزعل ومعاد انكلمك بكل.
يوسف 💘 ههههه انا بن سيب ..القمر..الي قدامي
وانبحت في ها الخرشوفه.
انا 💖 هه عجبتني خرشوفه🌵
�
نبي نفهم البنت شن دايرتلك تكرها هكي
يوسف 💘 اانزليييي ولا خلي انخشو وانصكرو الباب.
انا 💖ههه يوسفففف
يوسف 💘ياقلبي..من صوتها😘انزلي ولا تحملي مايجيك😘😘
نزلت وبشتي في يدي..لان مالك قاعد لوطا .
القيت حتي ياسين وشاهين كلهم جوا.
قعمزت وانشوف في امي وام يوسف جوهن عادي.
قلت في خاطري الحمد لله الي ماقالت لامي شي يزعلها.
انتفرج عليهم اشويا وجت نسرين وخالها.
وتمو يرقصو وجوء.. هياجة وضحك..وعمتك انوار
لم شافت يوسف 💘جتهم وتمت ترقص معاهم.
وانا انبحت ومنقهره منها واتلصق علي يوسف
وهوا ايتهرب منها..وكل اشويا اتجي عيني في عينه.😉
جتني نسرين.
نسرين..تعالي ارقصي معانه..
انا 💖 لالا ....لاني عارفه امي مش حايعجبها
وحتي انا محلاني وانا نرقص مع اولاد برانيه عني.
بعد مشوار من الهياجة والجوء الحلو..خلاص معش فيه حد.
الا نحن باتي تاخر علينا...قعمزو علي الطاولات.
والي قهرني الفرخة انوار اتلف تبي اتقعمز احذاه.
جابو التورته وعاودو قصو منها وفرقو علي قاعدين.
يوسف 💘 نجوي وين ام رانسي نبي انسلم عليها.
نجوي..اهيا احذا امي تعال..مشاء سلم عليها
وانا انبحت فيه وخاطري نمشي يالاه.
وين خطم من حذايا..قالي..شن الجو ياحلوه😏
انا 💖 عدي للخرشوفة الي ترقص معاك.
يوسف 💘 هههه حححييييي..
انا 💖 نسرين..قولي لخالك ايبعد عنها احسن.
نسرين..باهي تعالي انتي.
انا 💖 نمشي انبدل قفطاني وانجي.
بدلت قفطاني لبست سروال اسود وبدي اسود..ونزلت.
جيت سالت امي كنه باتي طول..قالت اتصل وقال
العجلة امتاع السيارة تبي تغيير..
انا 💖 انوشوش في امي..عادي نمشي معاهم.
امي..عدي..
نجوي.. وامي وامها ونادية وسارة
كلهن خشن جوا لان الجو بدا ايصقع.
وكانت الساعة قيس 12.
انا 💖 هنا.. خشن وانا تنفست .اه اه
...مشيت شورهم.
مالك..رنوسة تعالي صديقتي الصغيرة.
يوسف 💘 رانوسي..حبي💞
انوار..سمعت كلمه حبي والبنت ماتت في مكانها.
ياسين.ههه خاليييي..غزل قدامنا😍
يوسف 💘اسكت انت.. تعالي هنا حذايا.
انوار...هذا مكاني..
يوسف 💘دوري مكان اخره.
.تعالي رنوسه😘 شنو بالك صقعانه❤
انا 💖لالا. قعمزت في جنب يوسف.
انوار..ههه تذكر في عرس صلاح عليك جو سمح درناه.
يوسف 💘يالاا بلاكذب.
انوار ..متحشم قدام اعيال خواتك.هههه
يوسف 💘 فكيني من الكذب والكلام الفاضي
ولا خشي جوا.
انا 💖 نسمع واعيوني فيه هوا بس.
انوار..ههه انخبرهم لم زفينا صلاح وساره.
وروحنا وين عدينا.
يوسف 💘 نسرين..خششوها احسن ماا نقتلها.
انا 💖 مزال انبحت في اعيونا وبس.
انوار..هههه انعدي اندل ادبشي وانجي
انخبركم القصة كاملة.
يوسف 💘 لف الكرسي شوري ومسك ايديا.
😍😍حبيبي..اها شن ها النضرات.. راكي اتصدقيها
هاذي وحدة كذابة ومريضه.
انا 💖 اااامش عارفه..وهوا ماسك ايديا شاف ..التاتو.
يوسف 💘اها كنها يدك.
انا 💖 ههه انغطي في الجرح.
يوسف 💘 وووليش..
انا 💖 بيش مايبانش.
يوسف 💘 حبيبي..مش اكويس..هكي..
انا 💖 ماهو مزال واضح ..
يوسف 💘 مش واضح انتي بس الي راسك يابس..
انا 💖 بصوت واطي..يوسفففف 💘
يوسف 💘 بصوت اوطا..اعيوناااا
انا 💖انحبك💔
يوسف 💘 وواووو احلا كلمة سمعتها ..
انا 💖 ههه وطي صوتك..
يوسف 💘 مادوري حد..عاوديها نبي نسمعها كويس😍
انا 💖 هيا مرة وحدة.
يوسف 💘 وراسي عندك..مرة اخره.
انا 💖 ااانحبك..وانموت فيك.
يوسف 💘 وانا مش بس انحبك 💞انحبك وانحب الي ايحبك.😍
انا 💖 لالا حبني انااا بسسسس.
يوسف 💘 وواك عليا😍انا واخذك واخذك .والله
انا 💖اااسكت خلاص..
يوسف 💘 رنوسي..الحلوااياقلبي..
انا 💖 اهي جت الخرشوفه..
يوسف 💘 اففف الزح انا شكلي الليلة بنقتلها.
... ونبات في الحبس.
انا 💖 هههه اسمع انا نبي انروح راك اتخليها اتجي شورك..
يوسف 💘 ههه خليك باتي..
انا 💖 هوا باتي وغريبة كيف خلاني نحضر اصلا.
يوسف 💘 كان احلا يوم وسامحيني كان زعلتك.
انا 💖 هوا انا ازعلت لكن توا خلاص ارضيت.
يوسف 💘كبيدتي انا....اسف والله.
انا 💖 عادي المهم ابعد انروح ..هني روحك.
يوسف 💘ههه تي هاذي لوكان ايحطوني في جزيرة.
ابروحي انا وايها مانبحت فيها.
انا 💖شن فيه بينكم.
يوسف 💘 مانحباش من ربي هكي نكرها..
انا 💖 معقولة هكي بالا سبب..
يوسف 💘 وحدة تعبانة..مريضه.
وفوق هذا كله شينة.
انا 💖 حرام هاذي خلقة ربي..
يوسف 💘 خلقة ربي ماقلت شي لكن شينة شن بنديرلها.
بحتت شفت نسرين تبكي.
انا 💖 اشويا ونجي..مشيت لي نسرين.
انا 💖 نوسة كنك..
نوسة..شفتيه كيف يرقص مع بنات عماته.
انا 💖 عادي وماهو حتي انتي معاه..
نوسة..يسبل في اعيونا وقريب ايلمهن كلهن..
انا 💖 ههه غير انتي الي مزودتها.
نوسة..انا فقدت منا الامل..
انا 💖 وانا شن انقول ومتاعت الماركة..
اتبرد علي يوسف 💘 من بدري..
نوسة..نبي نمشي انبدل مليت منا القفطان..
انا 💖 نمشي معاك انلم ادبشي ..باتي قربب ايجي💞💔
انوار...يوسف 💘 انت ليش اتعامل فيا هكي..
يوسف 💘 اسمعي انا عارف انك وحدة حقيره..
مش لازم حتي هما يعرفو..
انوار..ليش حقيرة لاني انحبك..
يوسف 💘 الحب الي منك مانبيه..
انوار..ومن ها الفرخة المفعوصة عادي فرحان بيه..
يوسف 💘اسمعي ..الفرخة الي تحكي عليها
تسواك انتي ومليون وحدة من شكلك..
انوار..باهي انكلمك بعدما انروحو رد عليا..
يوسف 💘 ردي بالك اترني علي رقمي
ولا اتحاولي اتجي قدامي مرة تانيه.
انا فوتتلك عملتك الاوله..
لكن مرة اخره والله ماتلومي الا روحك..
وتوا عدي من قدامي احسن ماتسمعي حاجة
مش حلوه بكل..
خشت انوار..القتني في الدار انلم في حاجاتي..
انوار..اسمعي انتي..
انا 💖 اها انا ..
انوار..كان تحسابي يوسف 💘 بياخذك
راكي واهمه..هوا ايغير جو معاك
وبعدما ايمل منك يرميك..
انا 💖هههههههههه لم يرميني بعدين خوذيه انتي.😏.
انوار..هههاااااا..ثقة غريبة..انتي من وين تعرفيه
بيش اتكون عندك ها الثقة هاذي كلها..
انا 💖 مش شورك...
انوار..هذا سلف بنت خالتي ولم يبي يزوج يزوج
وحدة من مستواه...
انا 💖 ههه حلوه مستواه..
انوار..بلا ضحك مستفز..
انا 💖 هههه قلتيلي مستواه.هههه.
انوار..خاطري نعطيك طريحه..
انا 💖 ههه يامامااا حسك خوفتيني..
حولي من طريقي ..وهوينا يوسف 💘
💞قدامك ليش امسيبتيه وجايه عندي
نزلت حطيت شنطي احذا امي..القيتا هيا وناديه بس..
وانا طلعه تلاقيت مع ام يوسف 💘 تمشي بشويا
في الصالة لم شافتني..
الحاجة..يابنتي تعالي اشويا..
انا 💖 نعم..
حيرني_زماني❤
الفصول الاربعة
