حلقة 17
غدر_الايام
باتي..هيا يسعاد انشيلك تاخذي ادبشك..
وتروحي للحوشك...
امي...مزالت ماني امروحه....
باتي.. خلاص عاد والله الحوش ماينفع بلاكم..
امي...بيش مرة تانيه تشعف...
باتي...والله اشعفت خلاص...هيا روحي ويزن
قاعد ابروحه...
امي...في حوش خواله مايصيرله شي..
باتي..كلمني ويسال وقالق....
امي...نمشي..وفي الليل انجي انبات مع بنتي...
باتي...باهي...
انا 💖 امي قولي لي باتي ايعدي للحامد ...
ايجيبلي اكتاباتي ونقالي.....
امي...تو انقوله .....
شفت الساعة القيتها سبعة ونص....
انا 💖 اففففف ماطول الوقت في المستشفي..
الحمد لله الي مانمرض ديما..🏥
..نسمع فالباب ايدق...فتحت الممرضة الباب...
انا 💖 اهلين...
الممرضة..كيف حالك توا..
انا 💖 الحمد لله احسن....
الممرضة...نبيك اشويه...
انا 💖 نعم...
الممرضة..عادي نكتب قصتك في الفيس.💻
انا 💖 لالالا شنو الفيس.💻.
الممرضة عادي وشن فيها..
انا 💖 لا فيها كيف يعني انا ابنفضح روحي..
الممرضة..ووين يندرو عنك من..
انا 💖 لا لا وراهو نسمع انها طلعت علي الفيس..
معناها منك انتي..
ومزالت نحكي معاها وصوتي عالي..علي خطمت يوسف.💘
سمعنا ومافهمش شن فيه..
يوسف 💘 خير شن فيه...
انا 💖 الانسه تبي اتنزل قصتي علي الفيس..
يوسف.💘...معقوله انتي ممرضة ولا مراسل صحفي...
الممرضة..لا يادكتور بس اغلبيه الناس اتنزل قصص
عادي..
انا 💖 لا انا قتلك مانبيش..وكان القيتها نازله اتكوني انتي...
يوسف 💘 البنت ماتبيش خلاص..وانتي اهتمي بشغلك.
وخلي المرضي في حالهم...والا بي كون لنا معاك تصرف تاني.
وبحت فيا وقالي ...خلاص تريحي...وين امك...
انا 💖 عدت اشويه واتجي..
يوسف 💘 ونجوي..
انا 💖 ابله نجوي روحت حتي هيا...
يوسف 💘 خلاص تو انا انونسك اشوي لين اتجي امك..
انا 💖 هواوو ...مانبيش انعطلك..
يوسف 💘 لاعادي كان يبوني تو اينادوني...
انا 💖 ..خذيت باكو الشكلاطة..تفضل..
يوسف 💘 هه شكرا...
انا 💖 😊 ....
يوسف 💘 رانسييي...اسمك غريب..
انا 💖 هه مش غريب واجد...
يوسف 💘 خلي نفتح القوقل ونشوفو معناه..
انا 💖 الي نعرفه ان معناه ضو القمر..🌔
يوسف 💘 خلي انشوفو ...اااصح معناه ضو القمر...
بصراحة اسم علي مسماء..ووو.
انا 💖 ااا وطبست اعيوني لوطاء...
يوسف 💘 اه...شنو يدك ماتوجعش فيك..
انا 💖 اااا اشويه..
يوسف 💘 انا لم شفت يدك بصراحة قلت يستر الله
كان ماتكون الضربة قوية..والمكان صعب اشوي
انا 💖 هواوو وانا نجري ماشفتش العدة وطحت عليهاا.
يوسف 💘 الحمد لله ان شاء الله ساهله...
انا 💖. ..من حظي انك في مزرعتك...
يوسف 💘 الحمد لله ....بصراحة موقف صعب..
انا 💖 ووووو سامحني ..
يوسف 💘 ههه معش اتقولي هكي..
انا 💖 اه المستشفي ممل..🏥
يوسف 💘 يعني حتي انا ممل..
انا 💖 لالالال والله..بالعكس انت...وجن اعيوني في اعيونا..
يوسف 💘 اااها والله شنووو ...
انا 💖اااهاووووو امن لساكدوو..
يوسف 💘 اللغه العربيه تشكي.هههههه
انا 💖 ههه ...
يوسف 💘 ههه كان مليتي من المستشفي 🏥
تو انجيك انهدرز معاك اشوي..لكنننن كان مليتي.
منييييي..شن انديرو..
انا 💖 لا ولله مامليت...❤وهدرز معاي اشوي وطلع..
انا 💖 وووههههووو عليا شن جاني..ووهوو الولد ايهبل..
وفات الوقت وانا 💖 ماني عارفه شن صايرلي..
وجت امي ..وانا 💖 في عالم تاني..
وفاتت الليلة التانيه في المستشفي...
في الصبح..نوضتني امي بدري..
امي..نوضي دوشي وبدلي ادبشك..
الدكاتره ايمرو بدري...
انا 💖 ووو نطيت نجري دوشت ومشطت شعري..
وجابو فطور المستشفي..
امي..تعالي افطري..
انا 💖 لا طعام المستشفي مانبيه...
امي...تو بعدما ايمرو الدكاتره انجيبلك .
من الكافيتريا..
انا 💖 ونبي نسكافي انحس في راسي..
امي..حاضر..وتو انكلم باتك ايجيبلك غذاء من بره...
اشوي وجاء يوسف 💘 ومعاه كم دكتور وممرضة..
وامي طلعت بره...
يوسف 💘 صباح الخير..
انا 💖 صباح الخير...
يوسف 💘 ها كيف حالك اليوم.
انا 💖 اكويسه..
واحد من الدكاتره وكان اسمه قصي💚 كيف حالك.وريني يدك
لالا شكله واحد واخذك. بالعين.
انا 💖 ههه لا عين لاشي...
قصي...شن رايك يايوسف💘مش واضحة عين..
يوسف 💘 ااااا شوف الجرح ....وانت اتودود..
قصي💚 انتي تذبحي ولا شنو..كيف وصل فيك الموس..
انا 💖 لا طحت عليه...
قصي 💚وينا الباشاء راجلك لين اطيحي علي الموس..
ياراجل..فيه ناس النعمة عندها وهو ا ماهو عارف قيمتها..
يوسف 💘 خلاص انت شن واخذ ع الصبح..
قصي 💚..هه ماني واخذ شي وحتي فطور مزالت مافطرت..
لكن شكلي بنفطر عند.... رانسي.....
يوسف 💘 حول حول...خلي انشوفو يدي البنت..
قصي💚..بنت ولا مدام خلي نفهمو..هههه
انا 💖 اااووو
يوسف 💘 لنقانك حاله..انت دكتور انت.؟.
قصي 💚ههه دكتور غصبن عنك..
دكتور تاني...هههه طلعتو عارنا قدام المدام..
يوسف 💘 هو الي نازله عليه البراده...
قصي 💚.مش يعني كانها الحالة تبعك يعني نحن انموتو...
انا 💖 😲اااا
والممرضة..تسمع وتضحك....
قصي 💚.خلاص والله جديات...شن اتحسي في يدك...
ووين اكتر مكان يوجع فيك...
انا 💖 ااا انحس فيها متخدره..
قصي 💚..التخديره عادي...تو مع الوقت تمشي..
انا 💖 انحس في الخياطة شاده..
يوسف 💘...هذا الطبيعي كم يوم وبعدها ترخي...
قصي 💚..ههه زايدو اسالو انا مش طالع..
يوسف 💘 انت اول واحد يطلع...
قصي 💚 انتو عدو كملو مرور.وبعدين تعالو تلقوني هنا..
يوسف 💘 افففف...شوف يد البنت واطلع قدامي..
الدكاتره..ههههههه
قصي 💚..والله من جدي..عدو وانا خلوني نعاين المدام..
وبعدين تو نلحقكم....
يوسف 💘 هه قدامي يعني قدامي...
قصي 💚..هه باهي سؤال اخير..
انتي مدام ولا انسه...
انا 💖 ونبحت في يوسف...
يوسف.💘انسه واطلع من غير دوه زايده..
قصي 💚..اشويه انمر علي كم حالة وانجيك...
خلاص انا بنتابع حالتك..
انا 💖 ههه اااا.
يوسف 💘 لا هاذي حالتي...
قصي 💚ههه..حتي في المرضا. الوااسطة...
يوسف 💘 رانسي....
انا 💖 نعم..اا
يوسف💘..يدك مزال تبي علاج ونخافو من مضاعفات..
ومزال بن خلوك عندنا ....
انا 💖 .....بااهي
قصي 💚..ههه بنخلوك عندنا لين يدك تبرا....
انا 💖 المستشفي ممل اشوي
قصي 💚ههه معقولة ممل وانا قاعد..
..كل اشوي تلقيني عندك...
انا 💖 .......
يوسف 💘 هيا عندك حالات واجدة لازم اتكون امركز..
قصي 💚 والله معاد فيها تركيز احسن حل خلوني وعدو...
يوسف 💘 هاذي حالتي وانا جبتك ..
علي شان اتشوفها..وتعطي رايك بس....
قصي 💚 ههه حتي انا من اليوم تمت حالتي..
يوسف 💘 هيا......
قصي 💚ههه يالا خلونا في الجد...
رانسي..بن خلوك عندنا كم يوم وبعدها انشوفو....
انا 💖 ااا اوكي....
قصي 💚 تو الممرضة اتغيرلك علي الجرح..
وان شاء الله لاباس عليك...
تي والله مانقدر نقعد عاقل...تي وينا راجلك..
انا 💖 اه هوووو
يوسف 💘 شن تبي فيه...
قصي 💚 هههه ابنذبحه...كان جاء كلميني..
كيف ايخلي اماس معزوقات لين اطيحي عليهن..
يوسف 💘 اففف مش قلنالك انسة....
قصي 💚 😍😍ارسولنا علي بر...انسه ولا مدام....
انا 💖ااااااااا.....
يوسف 💘 يالا انا سابقكم....
لحقو عليه الدكاتره وحتي قصي 💚
والممرضة غيرتلي علي يدي وطلعت...
خشت امي...وجابتلي فطور...
انا 💖 امرايفه علي يزونه وعلي حوشنا وعلي خلود..
امي...كلنه رايفنه علي حوشنا....
انا 💖 لكن الدكتور قال يدي مزال تبي كم يوم...
امي..عادي ..المهم تشفي..
انا 💖 ملل...جيبولي نقالي....
امي..كلمت باتك....وقالي تو انعدي انجيب حاجتها كلها..
انا 💖 هو نقالي في المزرعة.....
امي...ساهل تو ايجيبه..واهو نقالي خوذيه خليه عندك..
انا 💖 انحس فيه ها الشايب مش راح ايطلقني...
امي...ومحلاه وهو مش امطلق...بعد الي صار كله...
انا 💖 ااا شن بي صير في الحيوان وليد،،،
امي...عادي ينحبس اشوي ويطلع...كيف ماطلع اسامة..
انا 💖 😲😲اسامة طلع....
امي........اه طلع....
انا 💖 حييييي....وباتي سمع...
امي....اكيد سمع...
انا 💖 امتي.....
امي...باتك امس لم شالني للحوش خبرني..هله حطوله محامي .
وطلعة...وخذو عليه تعهد ان مايجيش شورك...
انا 💖وووو يعني الجامعة خلاص ..
امي...باتك نادم وعارف روحه اغلط...والجامعة تو نحكو عليها بعدين..
انا 💖 اهاهاهاهاه ....والله نرجع لي حامد ومانسيب الجامعة...
امي....اه....خلاص معش تبكي....وانتي راسك يوجع فيك..
انا 💖 😭.....ياما حياتي ادمرت...ياما اقرايتي ضاعت....
امي..اهدي الله ايربحك....
انا 💖 كيف ابنهدا وانا ادمرت...خلاص اتعبت..اتعبت.....
امي...ااااا وطلعت من جنبي......ورنت بالنقال.
امي...الو نجوي..انتعبك اتجي للمستشفي..
نجوي.اه كنها رانسي....
امي...تعبانه..وتبكي.....
نجوي...حاضر انا توا عند امي...اتو انجيك....
امي....وانتي طيبه...💚❤💚❤
باتي....ناض من الصبح وعدا لي حامد.....
حامد..تفضل خش...
باتي...حامد انا واياك معرفه مش من اليوم..
وانا زوجتك بنتي ونحسابك اتحافظ عليها..
قلت راجل كبير وبعقله تو ايرد باله منها ويحميها..
لكن طلعت غالط...
حامد...انا منقصت عليها شي..هيا الي من حين جت
وهيا لابسه عبايه سوده وترقد في دار ابروحها..
وحتي لم انكلمها اترد عليا بالسيف..
باتي...ااا البنت مزالت صغيره...
حامد..صغيره ولا مش صغيره...
باتي...كيف ماخشينا بالمعروف نطلعو بالمعروف..
وبعدين انت كيف اتشك فيها وتطلب تقرير شرعي...
حامد...شهاده لله البنت ماريت في اخلاقها والي درته في صالحها..
ولد خوي وعارفه..لكن بيش انصكر علي الموضوع طلبت التقرير...
باتي..بنتي تبي تطلق..
حامد...مانيش امطلق....وترد لي حوشها ووليد معش ايجي للحوش...
باتي..بعد الي داره ولد خوك ..
حامد..انا ولد خوي مانيش راضي علي الي داره لكن انطلقها لا...
باتي....ماكنت نحسابك هكي....
حامد....انا حتي مزالت.........ما.....
باتي....عطيني دبش بنتي ونقالها...وبينا المحكمه....
حامد...دبشها اهوا ونقالها حتي هوا....ومانيش امطلقها..
وحتي المستشفي بن طلعها منا...
وبن حولها في عياده خاصة..
المستشفي..مفرخ اصغار دايرين ارواحهم دكاتره..
ويبرمو واحد طالع واواحد خاش.وهيا حتي راسها ماهي امغطيته..
باتي....لاحول ولا قوة الابالله..
البنت مريضة...
حامد....انا الي راجلها من جتني ماشفت راسها بالا محرمه....
باتي...مش ولد خوك هو الي خلها تطلع بالا محرمه وتخش علي .
مزارع العرب....
حامد......هاذي مراتي وخلي بيني وبينها...وولد خوي .
انا نصرف معاه..واناخذ حقها منا....
باتي..هات دبش البنت وحتي انا تو نصرف معاكم...
انا لي رميتها ها الرميه انا الي انطلعها منها......وتو السلام عليكم....
حامد...قوللها انا جاي وبنحولها من المستشفي....وعليكم السلام....💚❤💚❤
في المستشفي.....
نجوي ماشيه في الممر.....
يوسف 💘 اهلين نجوي..كنك جايه بدري...
نجوي....رانسي تعبانه..وامها قالتلي تعالي..
يوسف 💘 اه كنا عندها بدري وجوها عادي..
نجوي ..والله ماني عارفه..
يوسف 💘 جاي معاك ......
دقووو الباب....وخشو..
نجوي..السلام....
امي..وعليكم السلام....
يوسف 💘 كنها.....
امي...مضايقه وتبكي....
انا 💖 ااااااا اه اها....
نجوي...جت قعمزت في جنبي..كنك...
انا 💖...اسامة طلع....والجامعة خلاص باتي معش ايخليني انعديلها...
يوسف 💘 .من اسامة...
نجوي...الي حاول يخطفها.....
يوسف 💘 وجاء شورنا....وكان طلع شن هيا الدنيا سايبه...
ماتخافيش ولا اتعدلي عليه...
امي....هذا واحد .......
يوسف 💘 كاين من ايكون...ماعندا مايدير...
انا 💖 ااا وليد من جيه ...وحامد من جيه...وتو كملت حتي اسامة طلع....
يوسف 💘 ومن دون مايحس.....ونحن معاك في جيه.هههه
انا 💖 رفعت اعيوني فيه...القيتا ايبحت فيا ....
نجوي...نحن كلنه امعاك...وتو اهتمي بحالك وصحتك.....
ورن نقال امي...
امي..الو احمد...
باتي....حامد قال يبي ايحول رانسي من المستشفي....
امي..😲شنوووو وين بيحولها...
باتي...في عيادة....
امي....لا ماعندا وين ايحولها....وصكرت..
انا 💖 شنوو
امي....وتكلم في نجوي ويوسف 💘
حامد..يبي ايطلعها من المستشفي....
يوسف 💘 كيف وين بي طلعها...
امي..بي حطها في عيادة...
يوسف 💘 والبنت مريضه..وهوا مزال عندا وجه يحكي..
بعد الي داره ولد خوه....
انا 💖 هااا مش قتلك ياما..
يوسف 💘 ماتخافيش...مايقدرش ايطلعك بالسيف...
انا 💖 نبي نطلع لحوشنا...
يوسف 💘 يدك تعبانه...اوثقي فيا مايقدرش ايطلعك ...
انا 💖 اهاهاه وكان قال انا راجلها...
يوسف 💘 اافففففف....خلاص الموضوع عندي..
وطلع وقعدت انا 💖 وامي وابله نجوي....
امي...عليك مصايب نازله عليا...
نجوي..ماتحطيش في بالك...تنحل باذن الله..
انا 💖 حسني تعبانه...ومضايقه...
امي..ارقدي اشوي....
انا 💖 اه اتعبت من الدنيا ومن الحياة كلها....
نجوي...لا رنوسه مزالتي صغيرة..علي تعب الدنيا..
ارقدي وارتاحي اشوي وخلي الباقي علي الله...
رقدت...وفاتن كم ساعة....
الممرصة...السلام عليكم..
امي..وعليكم السلام...
الممرضة...عندك خروج..
انا 💖 اااا خروج شنو...
الممرضة راجلك....يبي ينقلك...
انا 💖. ...امي..كلمي باتي..
ونحن قاعدين نحكو....جاء يوسف 💘
ايكلم في الممرضة..خلاص عدي شوفي شغلك...
انا 💖اااها يبي ايطلعني..
يوسف 💘 لا مايقدرش...كلمت الضابط..
وخذيت منا صورة من المحضر امتاع الشرطة..
وحطيتها في ملفك....
انا 💖 ااها...شكرا دكتور...
يوسف 💘 لاعادي....
امي...شكرا دكتور..والله لولاك شن صار فيها..
يوسف 💘هو انا نعرفه عمي حامد.
.كان ساهل التعامل معاه
انا 💖 عمي حامد...ههه
يوسف 💘 هه كنك تضحكي...
انا 💖 ههه حتي انا كنت انقولا عمي حامد.
يوسف 💘 عمممممم....اها وبحت فيا بنضره اتذوب...😍
يوسف 💘 ههه تو عرفت ليش..عميييي...
امي...الله ايسامح باتها.....
يوسف 💘 عن اذنكم...
امي...اذنك امعاك..
في العشيه...جاء حامد....
امي..بنتي مريضه وتاعبه..اطلع بره وخليها....
حامد...نبي نحكي معها...
انا 💖 انا مانبيش نحكي معاك...
امي...انا بره....
حامد...ليش ماتبي تطلعي...ونحطك في عيادة...
انا 💖 ااا مانبيش....
حامد...انا ماقصرت معاك..
انا 💖مش انت صدقت كلام ولد خوك...
وخليت الدكتورة ...اهاهاها😢..
حامد..انااااااا نبي نثبت ان وليد كذاب..
انا 💖 الالالال انت صدقتا...
حامد...اي واحد في مكاني ايصدق...
انا 💖 اااهاهاه صدق ....وانا اصلان معش نبيك...
حامد....ايوه قولي هكي....والقيتيها سبله...
انا 💖. .. ولد خوك يهجم عليا ..وتقول سبله...
حامد...عيل وغلط..
انا 💖 ههه اهاها عيل..شن عيل..اطلع بره
وخلي كلامك مع باتي..
حامد...طلاق ماتحلمي بيه....
انا 💖 اهاهاه.....امي...امي....
وطلع حامد...وخلاني في حاله...وامي اتهدي فيا..
حيرني_زماني ❤
الفصول الاربعة
