الحلقة 1
غدر الايام
لبست دبش المدرسة ومشطت شعري وطلعت من داري..💖
امي ..سقدي راهو وقت عليك.
انا 💖 صباح الخير حبيبتي .
امي.صباح النور .تعالي افطري.
انا 💖 نبي حليب وشاهي بس.
انا 💖 شكلهم مزالو راقدين .
امي.باتك طلع بدري .وياسر مزال راقد .
انا 💖 خاطري نرقد سنة.
امي .هههه سنة ابحالها.
انا 💖 اه سنة امتي اتم المدرسة كبدي درهت خلاص .
امي..هانت خلاص كم شهر وتكملي.
شربت حليب ودعت امي وطلعت...
انعرفكم بروحي...
اسمي . (رانسي) سماني صاحب باتي .عراقي.
نقراء تالته تانوي .امي اسمها سعاد ربة بيت .
وباتي اسمه احمد.يشتغل موضف في شركة.وهو عصبي .
وصعب لين مرات اتحسه عايش في الجاهليه..ومرات اتحسه طيب.
عندي اخت متزوجة..وعايشة بره مع راجلها
اتجينا في السنة مرة وحدةواسمها رونق.
من لم سافرت وانا فاقدتها.كانت صاحبتي واجد
وكل شي نحكيلها فيه وهيا اكبر مني بخمس سنين.
وخوين
ياسر يقراء في الجامعة .ويزن في تاني اعدادي ..
.
وانا💖كلمت سمحة اشويه عليا.لاني ابجد سمحة لين حتي
هلي ايخافو عليا وديمة وهما اعيونهم عليا وين نمشي وين انجي .
وباتي وخويا كان يلقو ايحطوني في شيشة.ايحبوني وايدلعو فيا .
لكن ديمه خايفين وديمة ايوصو فيا راكي اتكلمي حد وراكي تمشي مع صاحباتك.
لي مكان وين ماتبي نحن نمشو معاك .
ومن كتر الوصايا لين انا انمل.
انا 💖 بيضاء .واعيوني سووودواكبار..وعيوني هنا سبب همي.
وشعري اسود كيف الليل وانا مانخليش فيه يطول ديمه انقص فيه..
ونقشي رقيق رقيق..وخشمي وفمي كله اصغير اصغير.
ومش طويلة واجد يعني وسط..وجسمي امعدل ابحكم اني مزالت صغيرة..
عادي عندي خوال وعندي عمام وعيله مرة نمشو ومرة ايجونا .
كيف كل الليبين...وعندي من بنات العيلة صاحبات وفيه الي مانحبهنش .
ولا هن ايحبني..وانا بطبعي انحب الضحك وجوي فرهودي لين بكل...
المهم..وانا ماشيه لقيت صاحبتي .فرح.
فرح.رانسي صباح الخير.
انا💖ههه صباح الرياضيات الي مزال محليتا.
فرح.ههه شن قصتك مع الرياضيات.
انا 💖 هه تي هيا مادة باردة .شن بن دايرلها.
فرح .لاباردة لاسو غير انتي الي ماخاطركش تقري.
انا 💖 والنبي اسكتي هو انا شاطرةفي كل المواد .
هو بس الحساب الي عندي منا عقدة.
فرح .هاذ بيش انا مستغربة..
انا 💖 ههه شن بتذليني علي شان كم مساله .
فرح..حي عليك بعدك الحصة الاول حساب.
انا 💖 بعدما نوصلو تو ناخذ منك الحل.
وصلنا للمدرسة.والبنات دايرات هرجه وهدرزه.والي اتنقل في الواجب
كيف حالتي والي اتسمع في النشيد والي اتوري في صاحبتها حاجة .
مدسوسه في الشنطة ماتبيش حد ايشوفها .
..ورن الجرس ودرنا الطابور.وخشينا الفصول.
انا 💖 هيا يافرخة عطيني اكتابك ناخذ منا الحل .
فرح..ياهمي يعني انا نسهر انحل وانتي تاخذي الحل علي البارد.
انا 💖 صكري فمك وجيبي الكراسة ما حتي انا انساعد فيك في باقي المواد .
نقلت الحل ع السريع ..
وكانن صحباتي اميرة .ومنار امقعمزات في المقعد الي ورانا..
وخش الاستاذ..بعدما صبح علينا بالخير ..بداء ايلعل ..سين .وصاد .
ضرب وقسمة وانا انبحت فيه وعقلي مش عارفه وين...
الاستاذ..رانسي اطلعي علي السبورة..
اميرة ..نخصتني انتي هي الاستاذ ايكلم فيك..
انا 💖 نعم ياستاذ..انا
الاستاذ.اي انتي اطلعي حلي المساله.
انا 💖 طلعت وتميت انبحت في الارقام ومانيش عارفه منين نبدا.
الاستاذ.رانسي كم مرة قايلك ركزي معاي لم نشرح.
وانتي ماتبيش اتحطي عقلك في راسك.
انا 💖 الدرس صعب والله انا من امس حاولت انحضره لكن هو صعب .
الاستاذ.خشي وركزي تو تفهمي..وتما ايطلع في البنات في.
الي حلن وفيه الي حصلن كيف حصلتي.
وبعد جهد جهيد فهمت الدرس وطلعت حليت هههه والاستاذ ساعدني اشويه.
وتمت الحصة .والحصة الي بعدها والي بعدها وطلعنا للساحة..
وكانن صاحباتي فرح واميرة ومنار وباقي البنات عادي ..بس بصفة عامة البنات كلهن ايحبني.
وحتي الابلات والمدرسين ..يعني كنت دلوعه المدرسة وينطبق.
عليا القول..كان الله ايحبك ايحبب فيك خلقه...
فرح ..رانسي تعالي نبيك اشويه.
انا 💖 شن تبيني قولي ..
فرح.موضوع خاص اشويه.
انا 💖 غير قولي .
فرح.خوي اسامة يبك.
انا 💖 هههه ينعن جد ابصارتك.
فرح .ابصارت شنو والله نحكي من جدي.
انا 💖 اسامة الفرخ المفعوص امتاع الحمام.
فرح .ايوه امتاع الحمام.
انا 💖 ههه وانا انقول كنا مع لحميمات كل ما انفوت يبقا امغير ايطير فيهن.
فرح.اه والله قريب ايموت عليك وديمه في جرتي.رانسي شن قالت .
ورانسي شن اتحب ورانسي شن تكره ولان اسمك امشكعب واخذ راحته
حتي قدام باتي يسال عادي .وباتي يحسابه يسال علي حاجة في التلفزيون
انا 💖 هههه عدي انتي وخوك ناقصني الفروخ.هو اصغر مني.
فرح.لالا شن اصغر منك غير هو ساقط لان هو توام معاي يعني اندادك.
انا 💖 هههههه ماتجيش لان انا مانبيش واحد عادي.
اميرة ..ها شن المواصفات الي تبيها .
انا 💖 نبي واحد سمح ايهبل يعني طرف ...
ونبيه عندا سياره وفلوس ايدلعني وايسافر بيا وين مانبي.
واهم شي ناخذه عن علاقة يعني مش زواج عادي.
