حلقة 27...
غدر_الايام
والفرخ يزن خطر عليه اللعب وتما ايدور
في دسكه رايحه منا الها قريب شهر..
ويصيح عليا وبيش اندورها معاه..
وباتي..يشطح نقصو صوتكم نبي انقيل..
وانا 💖 اففف يافرخ صكر فمك
والله ماني امدوره عليها..وانت اكيد عاطيها
لي حد وناسي.
يزن.لالا ماني عاطيها لي حد دوري عليها معاي..
انا 💖 اترا يافرخ فكني منك ..راسي خلاص
قريب ايتفجر..وبنخش داري وياويلك
نسمع صوتك ..
يزن ..افففف منكم...
خشيت للداري .وانا انعارك في روحي.
انا 💖شكلي بنهاجر ونسيبكم..هه في قوارب الموت
خذيت الكيس🎁 حطيتا علي سريري.
وقعمزت احذاه..ازعمه شن فيه..
وفتحتا 🎁ووواااوووووو
القيت باكو فيه نقال اخر موديل.
وباكو تاني فيه خمس كفرات كل واحد لون
وكل الكفرات عليهن حرف الراء..
وباكو تالت فيه سماعات ولاوازم النقال..
وباكو رابع فيه اشكاليط.كم نوع ..
وباكو رابع فيه وردة ومعاها ورقه صغيره
مكتوب فيها ❤(ياعمري ...انحبك.. )❤
انا 💖 وانت حبي ....بحت فيهن وفرحت بيهن
وكليت من الشوكلاطة..وخذيت النقال جربته
وعجبني ايهبل..والكفرات كلهن حلوات.
وبعد اشويا وعيت علي روحي.
انا 💖 كال النقال غالي ومانبيه.
ناخذ الكفرات والنقال انردة..
انا 💖 نبي هديه بسيطة نذكرا بيها.
مع اني زمان كنت انقول للبنات صاحباتي
نبي طرف مش عادي ويجيبلي هدايا وايدلعني.
كله حكي بس عند الجد انا ماناخذش هديه غاليه من حد
مافيش بيني وبينه حاجة رسمي..
وانا 💖 قاعدة مع روحي ومع هدايا يوسف 💘 رن نقالي.
انا 💖 الوووووو..هلا.
يوسف 💘 هلا حبيبي...شن جوك.
انا 💖 ماشي ..وانت ..
يوسف 💘 انا جوي مش حلو بكل.
انا 💖 اهاااا وليش..
يوسف 💘 لالا مادوريش عادي ..
انا 💖 ماتبيش تحكي ..علي راحتك.
يوسف 💘 نبي انشوفك..
انا 💖 هو انت كل ماتكلمني اتقول نبي انشوفك😊
يوسف 💘 اففف نبي انشوفك باهي شن اندير.
انا 💖 ماهو الصبح شفتني..
يوسف 💘 من كم ساعة .رااايفت خلاص معش نقدر..
انا 💖 يوسف 💘
يوسف 💘 اعيوناااا
انا 💖 تسلم اعيونااا..النقال مانقدرش ناخذه..
يوسف 💘 وكان ايسوق في السيارة..فرمل لين سمعت
صوت الفرينوات...شننن قلتي.
انا 💖 قتلك النقال مانقدرش ناخذه غالي وهلي يسالو من من
شن بنقوللهم..
يوسف 💘 قولي مني..
انا 💖 شن منك تي باتي يقتلني..
يوسف 💘 النقال لكي
..وكان سالوك قوليلهم اسالو يوسف هوا الي جابه..
انا 💖 هههه انا بنقول لباتي اسال يوسف
يوسف 💘 اها قوليلا اسال يوسف
يوسف 💘 المهم عجبك ولالا..
انا 💖 هوا حلو لكن...
يوسف 💘 مافيش لكن النقال لكي..
انا 💖 لالا والله مانقدر..ناخذا
يوسف 💘 انا ماني واخذه..وماجبته بيش اترديه عليا..
انا 💖 اماله انخليه عند نرجس..
يوسف 💘 قتلك خليه عندك انا كم يوم بس وجاي لباتك.
انا 💖 هههه والله جديات..
يوسف 💘 ههه جديات..حبيبي 😘
انا 💖 وانت وين توااااا
يوسف 💘 قاعد نبرم في شارعكم..
انا 💖 لالا اتر احلف.
يوسف 💘 والله وانشوف حتي في خوك يزن امصبي قدام الحوش.
انا 💖 ههههه وشن ادير في شارعنا..
يوسف 💘 بيش انحس اني اقريب منك.
انا 💖 اااااااا
يوسف 💘 رانوسي..
انا 💖 اااااا يوسف 💘 امك شن قالت.
يوسف 💘 افف ماقالت شي.
انا 💖 قصدي موافقة ولالا..
يوسف 💘 عادي امي وانا نعرف كيف نتعامل معها..
ماتشغليش روحك...
انا 💖 نبي نعرف بسسسسسس...
يوسف 💘 ووواك عليا فكيني من بس امتاعك..
انا 💖 وبصوت رايح ....انسيتتتت..
يوسف 💘 هههه وين ها الحشم...
انا 💖 صوتي راح بكل بكل..ااحم اااحم😊
يوسف 💘 حبييي .اطلعي احذا خوك خلي انشوفك ..
انا 💖 هههه باهي اشويا بس..
وحطيت علي راسي وشاح ع السريع
وطلعت وكان الحوش امسكت .باتي راقد
وامي امصكره علي روحها دارها..
طلعت لاعند الباب القيت يزن امصبي
مع ولد جيرانه وامطبسين علي النقالات..
صبيت في الباب ...
وشفت سيارة سوداء عاليه تمشي بشويا..
انا 💖 اكيد هاذي سيارته..اشويا وفتح القزاز.
شيرلي.. بيدا..
انا 💖ياااانعليا ايهبل ..😍
صبيت اشويا وخشيت..
اشويا ونقالي رن...
انا 💖 نعممممم..
يوسف 💘 رنوسييي..
انا 💖 حي كان يزن ايخبر باتي..
يوسف 💘 خليه ايخبر..هدرزي عليا
نبي نسمع صوتك...
انا 💖 شن تبي نحكيلك..
يوسف 💘 احكيلي كل شي من عرفتي الدنيا
لاعند اليوم...
انا 💖 اها كله كله...
يوسف 💘كله كله...
انا 💖 وتميت نحكي وهوا يسال...
انا 💖 هههه خلاص وصلنه لاعند لاعدادي...
بكرة انكمل باقي حياتي..
يوسف 💘 حبييي كمليها توا..
انا 💖 لي ساعتين نحكي..وحس باتي ناض
واكيد يبي قهوة ...
يوسف 💘 امك وين..
انا 💖 قاعدة..غير اتحس في راسها اشويا..
يوسف 💘 في الليل انكلمك باهي..
انا 💖 باهييي يالا باي...
طلعت القيت امي مزالت امعصبه راسها
ومتعقدة وماتبي حد ايجي يالها..
ونسمع فيها اتكلم في خويا ياسر..
وبعدها صكرت وقالتلي..
امي ..انا ماشيه بايته عند عيت خالك
انا 💖 اهااا واليش..
امي..مضايقه وبن هدرز علي خوي..
انا 💖 ااامميييي الله ايربحك لا
امي..ردي بالك من خوك وتوا بكرة انروح..
انا 💖 من بي يشيلك..
امي..خالك جايني...
انا 💖 اامييي وتميت نبكي..
امي..حبيبتي ليش تبكي بكرة
اتروحي من الجامعة تلقيني..
انا 💖 لا والله ماني ماشيه.
امي..سقدي خوك وعدي للجامعتك
معاندك غير اقرايتك ..بيش ماتبقيش
كيفي اتقضي عمرك في الحوش.
وفي النهايه تسمعي غير الي تقهرك..
انا 💖 قوليلي باتي كنه شن دارلك..
امي..باتك تعود عليا ساكته
وين نتكلم ولا نعطي رايي في حاجة
ايطلعني غالطة ومانفهم شي...
انا 💖 لكن هوا له فترة باقي امهدي..
امي..توا خلوني انعدي وبكرة انروح
وانا عارفه روحي ماعندي وين انعدي
هاذ حوشي وعيالي لكن خليه
بالك ايحس علي روحه اشوي..
انا 💖 خلاص حبيبتي الي ايريحك
وسلمي علي خالي ولعيال..
امي يوصل..
وجاء خالي بره ورن علي امي وطلعت ..
باتي..كان طالع بي صلي المغرب في الجامع
تلاقاء هو وخالي سلم عليه وعزم عليه ايخش
لكن خالي قاله مستعجل..
باتي استغرب في جيت خالي لكن ماسالش وعدا للجامع..
وجاء يزونه وسال علي امي
وانا قتله ان مرات خالي اتحس اشويا وامي ماشيه
بتبات معاها وبكرة مروحه..
ولم روح باتي من الجامع جاني وانا نقراء..
باتي..رانسي امك وين..
انا 💖 عدت للحوش خالي..
باتي..اها اوباهي..عشي خوك ..وبعدين تعالي نبيك..
انا 💖 حاضر..ونضت عشيت يزن ...وجيت لباتي..
انا 💖 نعم ياباتي شن تبي..
باتي..تعالي..حامد كلمني ويبي ايردك 😳
انا 💖 شنننوووووووووووووووووو 😰
باتي..انا مقلتلاش شي ..قلت نسالك وناخذ
رايك..
انا 💖 لالالالالالا الله ايربحك ياباتي لا..
باتي..انتي غير فكري اشويا..
انا 💖 لالالالال مانبيش انفكر..
باتي..هوا الراجل شاريك..
انا 💖 لالالالال لا
باتي..خلاص غير هدي روحك..
انا 💖 مانيش امهديه وانت غصبت عليا
المرة الاوله ..وهاا ها المرة لالالا..
باتي..يابنتي راك امطلقة..
انا 💖 وتميت نبكي وخايفة من باتي..
وفجاه معش اقدرت..تميت انعيط وعليت صوتي
ومعاد نندري علي شي.😢😢
في حوش يوسف ❤
ساره ها ياعمتي شن رايك في انوار..
الحاجة..كاله علي الزين لنقنها ماهي سمحة.
وكاله علي الحناطة اتقولش دمها ثقيل اشوي..
ساره.ووههوو ياعمتي وين ماهي حانطة..
والله مدامها معاك وانتي تضحكي..
الحاجة..توا انلكم يوسف 💘 بالك يهديه
الله ويوافق ايشوفها ويهدرز عليها بالك..
ساره..غير عاد انتي حليها في اعيونه..
الحاجة.ههه كاله هاذي ماضني
فيه اعيون ايشوف بيهن هههه وهو
اولدي وعارفته عينه واسعه..وواسعه واجد..
ساره..خلي انرن علي صلاح بيش انروح..
الحاجة..حتي انا بنرن علي نجوي انشوفها
كنها ماجت..
نجوي..الو نعم ياما كيف حالك..وينك من بدري
وانا انرن عليك ونقالك ايرن لين يفصل..
الحاجة..لاغير ماكنتش احذاه انتي كنك ماجيتي.
جت ساره ..وتغدت هنا وبعدها جت خالتها وبنتها..
نجوي...جو عندكم..
الحاجة..ساره قالت كلماتك...
نجوي..لا ماكلمتني..ها شن رايك فيها العروس..
الحاجة..اهو مش سمحة واجد المهم مش مطلقة..
نجوي.اهااااا شكلك دايريلك غسيل ادماغ..
الحاجة...لاغسيل لاشي ..بنت العيله اتبان.
وهيا امها ماشاء الله وباتها حتي هوا.
نجوي..وانتي وين تعرفي رانسي
بيش حكمتي عليها انها مش بنت عيله..
والله ياما عيله ماشاء الله ومش اتقولي نحكي
من عندي..لالا بوها سمعتا ماشاء الله وصلاي
وامها الجيران كلهم يحكو باخلاقها
وناس متعلمة ومربين اعيالهم احسن تربية..
وكانك علي الفلوس حتي بات
رانسي عندا افلوس ومتريح غير..
مش كل الناس تحكي علي الخير
الي عندها..
مش كيف ساره طول الوقت عيت..
خالتي وافلوس عيت خالتي..وبعدين كيف
اتقول كلمتني وهيا ماكلمتنيش..
الحاجة..والله هيا هكي قالت..
نجوي..عارفتهن الطروح هاذين بيش تستفرد بيك
وترضي بي بنت خالتها..
الحاجة..شن تحسابيني عيله ..
نجوي..خلاص ياما ويوسف 💘 هو الي ايقرر من يبي يزوج..
الحاجة..هوا حتي قتله اقعد سلم وناض اينفخ وطلع..
نجوي...المهم توا من امعاك..
الحاجة..ساره وصلاح قريب ايجيها..وانتي بيش بكرة
اتجيني عندي موعد مع الدكتور..
يوسف بيشيلني لكن نبي وحدة منكن اتساعدني..
نجوي ..حاضر ياما من الصبح انكون عندك..
الحاجة..هيا تصبحي علي خير.
نجوي..تصبحي علي خير مع السلامة...🌷
في حوشنا💕
لم انا تميت انعيط باتي انفجع لان مش متعود عليا
انعلي صوتي ..ديمة انا نبكي بالا صوت وحتي عبرتي
اندس فيها..ولما دخت عليه معش عرف شن ايدير..
تما يجري ونادا علي يزن وتما ايبخ فيا بالمئة..
وخاف لم شافني نرعش ومعش وعيت..
شالني في يديه وطلع بيا يجري وقال لي يزن
ايرن علي امي...
وهوا طالع بيا من الحوش القاء انس امصبي..
طلب منا ان ايسوق بيه..وهو مش عارف وين ايعدي بيا..
انس..كنها ياعمي شن فيها..
باتي..لالا مافيها شي غير داخت..وين نمشو بيها..
انس..انشيلوها للمستشفي...
باتي باهي..غير سقد راهي اتموت عليا..
وشالوني للمستشفي..ويزن رن علي امي..
وخبرها..رنت علي باتي ..لكن باتي ناسي
نقاله في الحوش..جت للحوش وهيا تبكي
وحالتها حاله..وخبرها يزن ان انس عدا معانه..
مشت امي للحوش هل انس خذت منهم رقم نقاله
ورنت عليه قاللها علي المستشفي الي مشيناله..
وجتني هيا وخالي..
وانا 💖 خذوني من باتي وخششنوني للاسعاف..
وانا داخيه ومانندري علي روحي..
وصلت امي وتمت اتلوم علي باتي ..
وان مش حايتريح لين يقتلني من القهر.
وباتي يسمع وساكت ..
طلع الدكتور ..وقاللهم ان البنت منهاره
ومزالت ماوعت والليله بايته في المستشفي..
باتي..ساله شن فيها..
الدكتور..عطينها دواء .وتوا ايريحها ..
خلاهم خشو شافوني وطلعو.
امي..انا بنبات معاها ..
روح باتي وانس وامي باتت معاي.
في حوش يوسف 🌷
يوسف 💘 مساء الخير افطومه.
الحاجة..مساء النور..
يوسف 💘 شن ياما تعشيتي.
الحاجة..تعشيت.تعال هدرز عليا اشويا..
يوسف 💘 حاضر..خلي اندير نسكافي ونجيك يابطة..
الحاجة..البطة بكرة عندها موعد.
يوسف 💘 عارف عارف..
يوسف 💘 وهاذي النسكافي وهاذي تقعميزه..
نعم شن في خاطرك ..
الحاجة...ياريتك شفتها بنت خالت ساره..
يوسف 💘 هههه انا شايفها وعارفها.
الحاجة..باهي شن رايك..
يوسف 💘 مش عاجبتني..وبايخة ..
الحاجة..غير ماهدرزتش معاها ...
يوسف 💘 ياما مش عاجبتني...وامهدرز معها
في عرس صلاح..ودمها ثقيل واتخفف فيه بالسيف..
الحاجة..لا غير مرات البنت متحشمه انت تحسها دمها ثقيل..
يوسف 💘 ههههه متحشمه...ههه اكيد متحشمه..
الحاجة..لا اليوم اكويسه وتهدرز ...وجوها سمح..
يوسف 💘 تمام غيرتي جوك..
الحاجة..انا ماني علي تغيرت جوي..انا عليك انت..
يوسف 💘 ياما ياحبيبتي ماتحاوليش امعاي بنت خالت
ساره طلعيها من راسك لانها مش معبيه عيني..
وانا مانحبش الناس امتاعين المظاهر .
والي يصنعو في الرقي ...
انحب البنت الي علي طبيعتها..
الحاجة..حتي هاذي طبيعيه ...
يوسف 💘 شن فيها طبيعي وهيا امخليه وجها
باكو اللوان ..كان تغسل وجها اتولي كيف اسماعيل ياسين..
الحاجة.هههههه حرام عليك ..
يوسف 💘 هههههه مش مرة قتلك ادعيلي
ناخذ وحدة اعيونها اسماح شن
صار دعيتيلي ولا فتيني...
الحاجة..والله ياوليدي ندعليك من قلبي
تاخذ وحدة تسعدك وتهنيك..
يوسف 💘 ايوا..تسعدني وتهنيني.
وبكرة من الصبح انعدو للدكتور..
وان شاء الله ترجعي منا تمشي علي رجليك..
الحاجة..ان شاء الله..
يوسف 💘 مش انا واعدك بعمرة..
امتي خاطرك انعدو..
الحاجة..انشوف الدكتور وبعدها انقولك امتي.
يوسف 💘 تمام ..شوفي امتي وخبريني
قبلها بكم يوم..
الحاجة..حتي ناديه تبي تمشي..
يوسف 💘 خلاص ..نمشو مع بعضنا...
انا 💖 في المستشفي ومانندري علي الدنيا..
وامي امقعمزه احذا راسي وتبكي..
وكل اشويا اتجي الممرضة اتشوفني ..
قعدت كم ساعة وانا كايني في غيبوبة..
نسمع فيهم يحكو ونسمع في صوت امي
لكن مش قادرة نرفع راسي..وبعدين تميت نوعاء اشوي
اشوي..
امي ..حبيبتي..كنك شن صارلك..
انا 💖 اضبطت امي وقعدت نبكي بعبرتي..
الدكتور يسمع فيا نبكي جاني..سال امي كنها.
يحسابني عندي عزاء..
امي..والله اشويه مشاكل..
الدكتور..شن المشاكل الي ايخلن البنت هكي..
حاولو كلهم ايهدوني وانا مابيت نسكت..
خاطري في ها البكيه من زمان .بكيت لين طلعت
القهر الي في خاطري كله..وبعدين نعست لين امي وعتني...
انا 💖 خليني يامي...
امي ..نوضي الدكتور بيشوفك كان حالك اكويس بنروحو بيك
انا 💖 لالا مانبيش انروح...
امي..كنه باتك شن قايلك..
انا 💖 اها يامي من باتي..يبي ايردني للشايب..
امي..لاحول ولاقوة الابالله..ها الراجل انكلب رسمي خلاص..
ماتخافيش والله مايردك لوكان شن ايصير..
انا 💖 قلتي ها الكلام حتي المرة الاولة..
امي..وهيا تبكي قتلك والله ماهو رادك ...
انا 💖 راسي ..يوجع فيا..
امي..راسك مش منا من كتر مابكيتي..
وهو كنه خلاني لين عديت وحكالك..
انا 💖 انتي هاذ بيش ماشيه لي عيت خالي.
امي.اي له كم يوم يبرم ويحكي في نفس الموضوع..
مش عارفه حامد هاذ شن دايرله..
انا 💖 اهااااااا وتوا شن اندير..
امي..انتي ماديري شي خلي الدور عليا..
انا 💖 نحس في روحي قريب انموت..
امي..يانعليا اسحنك الله ايسامحه..
انا 💖 باتي يكرهني..
امي..لا والله مايكرهك غير ماني عارفه كنه..
انا 💖 امي رني علي نرجس..
امي...هيا ...اهيااامعاك
انا 💖 نكلم فيها وصوتي رايح..يادوبك تسمع فيا.
نرجس..كنك اسم الله شن صارلك.
انا 💖 راقدة في المستشفي..
نرجس.شنووو مستشفي كنك ..
انا 💖 دخت عليهم ..
نرجس..اين مستشفي بيش انجيك..
انا 💖 مش عارفه توا نسال امي...
نرجس..مسكينه ها البنت..رررنننن
يوسف 💘 الللوووو صباح الخير..
نرجس..صباح النور.خالي.شن واعي..
يوسف 💘 اها واعي ان شاء الله خير..
نرجس..رانسي..امبارح داخت عليهم وهيا راقدة في المستشفي..
يوسف 💘 شننننووو كيف داخت ...
نرجس..والله مانندري شن صاير معاها..
كلمتني من رقم امها وخبرتني..
يوسف 💘 انتي شن اديري..
نرجس..انوتي في روحي للجامعة .
لكن توا نمشي انشوفها قبل..
يوسف 💘 امي عندها موعد مع الدكتور
ع الساعة 12..انجيك توا ناخذك ونعدولها .
نرجس..وين اتشيلني...وهلها شن بيقولو..
يوسف 💘 اففف ايقولو الي ايقولوه..
انا بنخش انشوفها غصب عنهم..
نرجس..باهي توا تعال وفي الطريق نحكو..
يوسف 💘 ربع ساعة نلقاك قدام الباب...
يوسف 💘 صباح الخير ياما..عندي
مشوار اقريب وتي روحك لين انجي..
الحاجة..صباح النور..باهي يابويا...
يوسف 💘 طلع وعدا لي نرجس.
وهو مضايق ومش طايق روحه.
نرجس..خالي خليك بره انخش انشوفها
ونجي..والله ماندس عنك حاجة..
انخبرك كنها وشن صاير معها ...
يوسف 💘 ولع الدخان..قتلك بن شوفها يعني بنشوفها..
نرجس..ياخالي..
يوسف 💘 اسسسس خلاص...
نرجس..لوكان نحسابك هكي ماخبرتك..
يوسف 💘 اها والله ادسي عني حاجة
خاصة بيها انتفاهم معاك..
نرجس..ماهو اكيد باتها غادي..والمستشفي.
الي هيا فيه مش نفسه الي انت تخدم فيه.
وكان سال شن بترد عليه..
يوسف 💘 والدخان امعبي فمه.
مانيش امكلمه اصلان..هوا امرقيها ليا
من امس لم فات موعده معاي وجابها للمستشفي..
نرجس..اها شفت..معنها خليك بره
وكان حصلت فضوه نعطيك اتكلمها..
يوسف 💘 اسسسس
نرجس..خاليييييي...
يوسف 💘 هيا انزلي وصلنااا.
نرجس..بنحطو البنت في موقف مش حلو بكل..
يوسف 💘 هيا وانتي ساكته
انا 💖 قاعده انا وامي في الدار مانندري
لين القيت نرجس ويوسف 💘 خاشين..
انفجعت وبحتت في امي..
نرجس..صباح الخير...لاباس عليك حبيبتي.
كنك اسم الله عليك ...
انا 💖 مااااتشوفي باس..
امي..اهلين..سلمت وهيا مش فاهمه شي..
يوسف 💘 سلم علي امي وجاني انا
رانسيييي..كنك شن حسيتي..
امي.. ساهله ان شاء الله..
امي تحكي وفي اعيونها اسئله مالهاش جواب..
يوسف 💘 وكاينه ماسمعش امي شن قالت.
عادو نفس السؤال..كيف دختي ..
انا 💖 اهااا لا غير انا ماااا كليتش فاجاني هبوط.
يوسف 💘 هبوط شنو انتي اتكلمي في دكتور..
انا 💖 ااااا راسي وجعني وبعدين دخت..
يوسف 💘 تمام توا انشوف الدكتور ..الي
عاينك ونجي...
نرجس..اااا وهوااا خالي كان موصلني للجامعة
لم انتي كلمتيني.
حيرني_زماني❤
الفصول الاربعة
