Part >> 7
2 နှစ်ခန့်ကြာသောအခါ
“ ဝမ်ဝမ် ပစ္စည်းတွေသေချာ ထုတ်နော် ဘာမှမကျန်ခဲ့စေနဲ့..”
“ ဟုတ်ကဲပါ ကြီးကြီးရဲ့ သားက ကလေးမဟုတ်တော့ပါဘူး ပြီးတော့ ကြီးကြီးလည်းပါတာပဲဟာကို..”
“ နှုတ်ခမ်းကို ထော်ထော်ပြီးမပြောစမ်းပါနဲ့ ဝမ်ဝမ်ရယ် ရိုးရိုးပြောလည်းရရဲ့သားနဲ့..”
ကြီးကြီးရဲ့စကားကြောင့် ရိပေါ် သိမ်းလက်စအထုတ်လေးတွေကိုတောင် လွှတ်ချမိတော့မည်အထိ။ ဒီစကားသည် လွန်ခဲ့တဲ့ 2 နှစ်က သူ့ကိုအနိုင်ကျင့်ခဲ့တဲ့လူ ပြောခဲ့တဲ့စကားပင်။ မေ့ချင်သည် စဉ်းစားလေ သတိရလေဖြစ်လာသည် ရှောင်းကျန့်ကို စိတ်ဝင်စားခဲ့သည် ဒါကြောင့် အနိုင်ကျင့်သမျှခေါင်းငုံ့ခံပေးခဲ့သည် ဒါပေမဲ့ တဖြည်းဖြည်းနဲ့ ရှောင်းကျန့်က ရိပေါ်အတွက် အဆိပ်တစ်ခုနဲ့တူလာသည်။ မုန်းသည် ရှောင်းကျန့်ကို ရိပေါ် အရမ်းမုန်းပါသည်..။
“ ဝမ်ဝမ်..”
“ ဗျ ဗျာ ကြီးကြီး..”
“ မြန်မြန်လုပ်လေကွယ် နောက်ကျရင် ယွီပင်းစောင့်ရတာကြာနေလိမ့်မယ်...”
“ ဟုတ် ဟုတ်ကဲ့..”
ရိပေါ်လည်း ရှောင်းကျန့်အကြောင်းခေါင်းထဲကထုတ်ကာ သိမ်းစရာရှိတာသိမ်းပြီး အိမ်တံခါးကိုအသေအချာပိတ်ကာ ထွက်လာခဲ့သည်..။ 2 နှစ်တောင်ကြာသွားပြီပဲဟာ ပေကျင်းကိုပြန်ရောက်ရင်တော့ ရှောင်းကျန့်နဲ့ပြန်မဆုံလောက်တော့ပါဘူးနော်...။
///////////////////////////////////
“ ကြီးကြီးတို့ လာ လာ...နောက်ကျတယ်နော် ..”
“ ဟုတ်တယ် ယွီပင်းရေ မင်းသူငယ်ချင်းကြာနေတာနဲ့ပဲ နောက်ကျနေတာ...”
ပေကျင်းကိုရောက်တော့ ယွီပင်းက ကားနဲ့လာကြိုကာ အိမ်ကိုလည်းလိုက်ဖို့ခေါ်တာမို့လို့ နည်းနည်းတော့စရိတ်စက သက်သာသည်။
“ ကြီးကြီးကလည်း သားက ပစ္စည်းတွေကျန်ခဲ့မှာစိုးလို့သေချာစစ်နေတာမို့ကြာတဲ့ဟာကို..”
ရိပေါ်ကမတရားအပြောခံရသလို ခံစားနေရတာမို့ နှုတ်ခမ်းဆူကာ ကြီးကြီးကိုပြန်ပြောလိုက်သည်..။ယွီပင်းနဲ့ ကြီးကြီးကတော့ ရိပေါ်ကိုကြည့်ကာ ရယ်ကြတော့သည်..။
