القضاء و القدر ( بالدارجة المغربية)

الجزء 21

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

           🍁بارت: 21 🍁

في غرفة العمليات واقف كي دير ليگات و  4 الممرضات واقفة عليه و دارت البنج ببطن المرأة و التانية على اللوازم الطبية ديالو و 2 اخرين كي عاونوه طل على المرأة و رجلها لي شاد ليها في يديها

***:مستعدة
مرأة:اه
الزوج:ان شاء الله تنوض بيخير

هز براسو و شاف في بناجة دارت ليها البنج اما هو خدا المشرط و دار شق صغير اسفل البطن افقي و بدأ كي شق طبقات الجلد و تحت الجلد حتى وصل عضلات البطن و جدار الرحم  شد راس الطفل و خرجو بشكل سريع حتى خرج و قطع الحبل السري داروه الفرمليات في الفوطة زرقة و من بدع خرج المشيمة كاملة و خدا خيط بدأ كي خيط جدار الرحم بواسطه غراز صلبة لي متصبر مدة طويلة بزاف ومن بعد جدار البطن و عضلاتو و طبقات الجلدية  اخر شق دار ليه دبوز معدني باش دار فوق منهم ضماضات

استغرقت ليه هذه العملية 40 دقيقة حيد من ديه اليگات و خرج من تما غسل يديه و توجه البيرو ديالو دخل ليه جلس و شاف في التحاليل العملية الجاية لي عندو بتدقيق  كتب ليها دوا وتاصل بي ممرضة لتكلف بيها وناض حيد عليه حوايج.. ولبس عليه  وتوجه لباركينغ خاص  ركب في سيارتو وكسيرا  غادي بحالو  وقاف حدا واحد فيلا متوسط الحجم خرج بكل شموخ تيصدف  كابا ديالو  دخل من باب  صغيرة  ديال حديد  دوار وجهو لجيهت ليمين كانت جردة صغيرة فيها كلب صغير تيلعب  عيط سميتو "روكي" وجا تيجري عندو وتيفراح بيه وتمو داخلين لداخل  ..

كانت إمرأة متوسطة العمر لبسا قندورا بيضا هبطا بسفيفا ذهبية وشال خفيف ملوي على وجها لمنوار جالس تتفرج في صالون تقليدي قرب لعندها

***:حنانة ديالي 
الحاجة:الله يرضي عليك ا ولدي
***:جالسة بوحدك
الحاجة:معامن عنجلس
***:سميرة مكيناش
الحاجة:لا مشات الدارهم و زيدون كون جبتي بنت الناس لي تعمر عليا هذه الدار كانت عنجلس معاها
***(مسح على وجهو):دائما نفس الموضوع
الحاجة(تقادات معاه و دوات بغضب):و مالك مزال صغير 33 عام راك قفلتيها بغيتي حتى تشرف حدايا
***(ضحك من قلبو):نشرف هداك نجلسو نتفرجو بجوج مشي غير بوحدك
الحاجة(هزات يديها):هذا جهدي عليك اولدي الحصول الله يدير تاويل ديال الخير
***(باس يديها):رضاتك عليا عتلاقيني ببنت الناس
الحاجة:كندعي معاك صباح و عشية و ربي شاهد اودي الله يرزقك زوجة صالحة
***:امين ا ميمتي امين انا طالع نبدل و نهود نتعشاو
الحاجة:سير الله يرضي عليك 

#يتبع