القضاء و القدر ( بالدارجة المغربية)

الجزء 6

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

           🍁بارت:السادس🍁

داو نهار كامل و هو معليه حتى شي خبار هازة في يديها تيلي كل ساعة دخل التيلي ولكن والو حتى لقات ان نهار داز و هاهي جالسا في بيتها لبسا قندورا بيبيج وزيفها  وجها مغسول بلما جمالها واضح  ..  دمعة مور دمعة موقفوش وهي تتسماع حديث ناس لتحت  ... وغير شويا طلعات عندها مها تخبرها توجد راسها باش تهبط يشوفوها... كل دقيقة تدخل تشوف جوابو ومكتلقى تا جواب  أفكار سلبيا زارتها.. واش تخلى عليها واش عيخليها  اشنو تدييير  دابا في هذه المصيبة من جهة باها و من جهة صالح

افكار تديها و افكار تجيبها حتى دخلات ماماها وحبسات تفكيرها طلعات عويناتها لمعسلين فيها 

سناء:يلاه ابنتي راه بغاو يشوفوك

هند (تتحرك راسها بلا بترجي):عفاك أمي مبغيييتش 

سناء(خنزراات فيها):زيييدي ولا ليوم يدفنا انا ونتي هنااا يلاااه 

هند(تتبكي وتتغوت):وااااش أعباد لله بزز واا مبغيييتش نتزوج واااحد مكنعرفوووش

جرات سناء وشدات ليها فمها بجهد وهي تتعافر معاها تحيد ليها يديها تحسات بتصرفيقا تصمرات في بلاصتها  شدات في حناكها 

هند (بصوت خافت في نوع من الرجفة): تتضربيني أمي هااا 

(رفعات نبرة صوتها)تتضربني وانااا مبغااااش هممم واش هدااا ماشي ضلم... هييئ ضضضلممم أعبااد لله  تزوجووونييي بزززز  هدااااا تقولووولوو ضلمم ونتوم لتتقولو علر راسكم ملتزومييين  عرفيين لإسلام  ضد  تزوجو واحدة ماشي بخاطرها  يااك 

سناء(بغوتت ):براااكاااا صااافي زدتييي فيييه كولشي مزوج هااناااا تزوجت بي باااك واناااا مكنتش نفهم زواج اشنو هو عمري شفت بااك تنهار عرسنا  لحمدلله هنا اشنو وقع غااع

هند (تتضح بقهرة): اشنو واقع واااقع  عايشا في قميييع وضرب  ولغوات شحال من مرا سماعتك تتبكي شحال من ليل سماعتك تتكالي في ضهرك... شحال من تصرفيقا خديتيها وحدت عنييي حدااا بنتو ضرببك  وممنوع تدوي ولتدافع علة حقك علاااش باش يبقى سي عبد سلام بخاطرو 

سناء(عينيها تغررو):سكتي براكة  هداك باااك حتارميييه وانا مرتو من واجب عليا نحتارمو ونسماع كلامو وهضرتو هي لتكونن يلاه زيدي قدامي

(جراتها من يديها)براكااا  سكتلك بزااف إدا زدتي هضرا غنعيط لباك  يوريك شغل
هند(شافت فيها بعيون اول مرة تشوفهم مها فيها و نطقات بكلمات كيف السم): معمري ناسمحكم في حياتي لي باغيين تغصبوها لا دنيا لا أخيرة ا سناء

حنات راسها و مسحات دموعها و خرجات من البيت سناء حطات على قلبها حجرة شنو دير ملقات ليها جهد حتى هي مغلوبة على امرها هبطاتها التحت و زادت بتقالة حتى وصلات الصالة دخلات عليهم كان باها الضحكة واصلة ليه حتى الودنيه مشات جلسات و العين مهزاتهاش فيهم نهائيا