🍁رمضان كريم🍁
❌🔱 حصريا فقط على جوهر الليل 🔱❌
❌ ممنوع من النشر ❌
العنوان: 🔱 القضاء والقدر🔱
بقلم🖍: تيما مبارك &سيلفا
🍁بارت: 43 🍁
🌷 اصبحنا و اصبح الملك لله 🌷
حلات عينيها و دورات راسها ملقات حداها والو تنهدات و ناضت من بلاصتها دخلات غسلات و جها و لبسات حوايجها و هزات صاكها باش تمشي تشوف هذه المحامي نزلات و دارت الحليب يفيض تفطر كتسمع الدقان طفات عليه و مشات حلات الباب لقات مولات الدار
هند(ببتسامة):صباح الخير
مرأة:صباح الخير لباس عليك
هند:نحمد الله و نشكرو
مرأة:بغيت نقول ليك ا بنتي في اخر الشهر قولي لراجلك باش تقلبو على راسكم الدار راه بغاها و مولاها باغيها الشهر الجاي
هند(صدماتها):ولكن فين عنمشيو
مرأة:ا بنتي قلت تعلمكم راه كان باغيكم تخويو اليوم انا لي قلت ليه حتى اخر الشهر
هند:واخا ا ختي شكرا
مشات و هند سدات الباب حطات يديها على صدرها و تنهدات مشات هزات تيلي و كتصوني لصلاح لكن كتقى تيلي طافي قالت يمكن ممشارجيش تنهدات و مشات هزات صاكها وحلاتها ليها مناقص من شي فطور
خرجات في تجاه مكتب المحامي بعد مدة من المشي وصلات ليه و طلعات عندو دقدقات و فتحات ليها منظفة
منظفة:سلام
هند(ببتسامة):انا جيت على قبل سطاج
منظفة:اااه دخلي
هند:شكرا
دخلات و جلسات و هي مشات بقات كتسنى حتى كي جي واحد الراجل بوكريشة لابس كوستيم طلع هند و هبطها و عض على شفايفو بشهوة
محامي:سلام
هند(وقفات و مدات يديها):سلام
محامي:انت لي صيفطاتك لافاك
هند:اه اما
محامي:أجي تبعيني
بتاسمات و تبعاتو دخلات الداخل هز سد الباب و شاف فيها:تفضلي
هند:شكرا
محامي:شنو تشربي
هند:لا شكرا بغيت غير نعرف فوقاش غنبدا سطاج
محامي(وقف و مشا جلس حداها):مالك مزروبة
هند:لا غير بغيت نعرف
محامي:تقدري تبداي من دابا الا بغيتي
هند(لحظات نضراتو ليها في شكل):واخا مشي مشكل واخا نعرف لي بغاتسيب ديال الخدمة
محامي(وقف و مشا من مور ضهرها و كي دوز يديه على كرسي لي جالسة عليه):لي بغاتسيب حاليا عندي واحد ا مدموزيل
هند:مدام
محامي:مزوجة
هند(هذه الكلمة كضرها في خاطرها):اه
محامي:سهلتي عليا المأمورية
هند(وقفات مبعدة عليه):مفهمتش
محامي:كلشي باين شفتك و عجبتني و بغيت**
هند (قاطعاتو):شكرا بزاف مبقيتش باغيا سطاج
خلاتو و خرجات كتجري من تما و حابسة دموعها بقات غادا كتجري و الوجع عندها في كرشها كي جهاد معقلاتش على راسها حتى وصلات الدرب فتحات الباب بساروت مخلوعة و دخلات الدار كتنهج كأنها سارقة
أنت تقرأ
القضاء و القدر ( بالدارجة المغربية)
حركة (أكشن)القصة لي جبنااكم هي قصة واقعية كتحكي على مجتمعنا و السلطة و تسلط الغدر و الخيانة و كل ما تجيكم في البال قصة هي قصة كتجمع بين #الدراما #حزن #تسلط #ضلم #الهوس #فقر #نصب #احتيال 🍁الحصول بلا ما نطول عليكم 🍁 قصة من واقعية يقدر كل واحد شاف بحال هذه ا...
