القضاء و القدر ( بالدارجة المغربية)

الجزء 2

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

           🍁بارت:التاني🍁
 

تحط الغذا عبارة عن الحوت مقلي و طبسيل الوبية مع شلاضة الخص و الخيار خبز و ديسير على الجنب مع الماء أكلة شعبية الكل حاني راسو احتراما لقول انه عدم التكلم اثناء الاكل

حنحن سي عبد السلام و نطق موجه كلامو لبنتو لي حانية راسها

عبد السلام:ساليتي فرايتك ا هند
هند(هزات راسها فيه):اه ا با
عبد السلام:العطلة وصلات و انت نجحتي يعني الباك لي كنتي باغيا راك خديتيه
هند(ببتسامة):اه الحمد لله ا با
عبد السلام:و شنو عوالة ديري من بعد
هند(بحماس):هذه العام عنختار شعبة القانون باش نكون محامية
عبد السلام(بحدة):لا
هند(صدمها):ك كيفاش
عبد السلام :كيف سمعتي عتوجدي راسك جاو فيك الخطاب

بحال الا ضربتيها بطرشة تصدمات و عينيها تغرغرو بالدموع عارفة باها صعيب و كلمتو مطيحش الارض و تفكير ناس زمان عندو البنت وصلات ل 18 العود راه فات عليها الحال على الزواج خليها تزوج ولا تسمى بايرة اما قراية دارها ليها غير باش تفقه لا غير صرطات ريقها و دوات

هند:ولكن ا با انا مزال باغيا نكمل قرايتي
عبد السلام(كي نقي في الحوت و موجه كلامو لمراتو): وجدي كلشي ا سناء غدا السيد عيجي يخطب البنت من عندي
سناء(حنات راسها ):هي الأولى ا سي عبد السلام هي الاولى
هند:با عافاك سمعني غير هذه المرة
عبد السلام(شاف فيها و هضر بحدة): القراية و قريتي حتى الباك حمد لله و سكتي انا معنخليكش حتى يوليو ينعتو فيا ..

بدات تتنخصص وتحاول تكتم بكيتها تفزعها بصوتو القوي 

عبد السلام(بالغوت):نوووضييي ضركيي زلاافتك عليا من لهنا

شافت في مها لي كانت حانيا راسها معندها جهد ليها حسا بيها هداك تيبقى قلب الأم تحس بيك فكل حلاتك تحاول تهز عليك حزن ثعاب مرض ... نضات   هند مسكينة كتجري في رجليها و طلعات لبيتها كتبكي و من على زهرها هداك فرحة لي كانت في قلبها مشات وجات في بلاصتها حزن غمة ثقل كبير على قلبها... وفي بالها جوج حجات اول حاجة حبيبها لي واهباه عمرها تاني حاجة على هذه الزواج لي خرج ليها من الجنب و كون غير باها يسمع ليها ويعطيها لوقت ويفهام اشنو بيها وداك لقلب اش بغا و ميزوجهاش بزز منها لشخص مكتعرفوش مشات الحمام سدات عليها و طلقات الما و دوزات الخط لحبيبها تقولها ليه هو لي عيفك المشكل

#يتبع