🍁رمضان كريم🍁
❌🔱 حصريا فقط على جوهر الليل 🔱❌
❌ ممنوع من النشر ❌
العنوان: 🔱 القضاء والقدر🔱
بقلم🖍: تيما مبارك &سيلفا
🍁بارت: 54 🍁
فاقت الصباح و حكات راسها هزات تيلي ديالها دارتو في الشارج و مشات الطواليط غسلات وجها و رجعات لبسات حوايج ديالها و صيبات ليها اتاي و الخبز و الزيتون دخلات البيت حطاتو فوق الطبلة و بدأت تاكل و تشوف بعيد ولات منطاوية على راسها بزاف مكتهضر مع حد و الا جات تاكل و تسد على راسها الباب صافي الجيران معارفينش خبارها تنهدات و شربات دواها و شافت في كرشها
هند:اللهم المرض ولا نحمل الحمد لله على كل حال
تنهدات و ناضت هزات السوارت و التيلي و دارتو لي صاكها و خرجات من الدار توجهات الموقف و بقات واقفة مع العيالات كتسنا ولا كل نهار و نهارو و رزقو جات مرة و داتها تصبن ليها الزرابي تحنات عليهم كتفرك منين سالات غسلات حالتها و شافت في المرأة
هند:ساليت
مرأة(هازة زنافرها السماء جبدات 50 درهم و مداتهم ليها):هاكي
هند(شافت):راه 3 زرابي لي حكيت
مرأة:مالكي كنتي كطلعي ليا في العمارات
هند:راه طاحو كتافي فيهم
مرأة:و شنو عندير ليك حمد لله على 50 درهم اما نجيب وحدة 20 درهم و الله يجعل البركة
هند:الا ديتيها لاڤاش تمن الاخير 150 درهم لوحدة متنزل ليك عليها
مرأة:شوفي شوفي الله يعطيك الستر دوزي خرجي ليا من داري تفووو جايباك تخدمي و انت باغيا طلعي فوق راسي
هند:ما هو غير عرق كتافيسمحات فيها و خرجات كتشوف في ديك 50 درهم تنهدات و حمدات الله دارتها في صاكها و زادت حتى تفكر اليوم عندها موعد في الطبيب قلبات الطريق لعندو و هي حشمانة حيت معندهاش باش تخلصو وصلات و بغات دق حتى كي تفتح الباب في وجها هزات راسها فيه و ولات حناتو
هند:سلام
ياسين(بقا كي شوف فيها حتى فقد الامل انها متجيش ها هي دابا قدامو)
هند:واش مزال باقي الموعد حيت تعطلت عليه
ياسين(بدون شعور):تقدري تجي وقت ما بغيتي
هند(هزات راسها فيه):هااا
ياسين(ببتسامة): دخلي
هند(شافت خوا ليها الطريق دخلات):شكراياسين( مشا البيرو و جلس فرح منين شافها): كيف بقيتي
هند: الحمد لله داك الدواء رخف عليا
ياسين:مزيان كنضن انه تسالا
هند:اه
ياسين:انا نوصيهم دابا يجيبوه
هند:عنشريه راسي شكرا
ياسين:لا هذا من المشفى فابور
هند:شكرا
ياسين(كي شوف فيها):جيتي بوحدك علاش ما جاش معاك راجلك
هند( هزات راسها فيه و نطقات):انا ممزوجاشكلامها خلاه يحل عينيه على وسعهم مطاحتش ليه هذه الشي في البال نهائيا
أنت تقرأ
القضاء و القدر ( بالدارجة المغربية)
Actionالقصة لي جبنااكم هي قصة واقعية كتحكي على مجتمعنا و السلطة و تسلط الغدر و الخيانة و كل ما تجيكم في البال قصة هي قصة كتجمع بين #الدراما #حزن #تسلط #ضلم #الهوس #فقر #نصب #احتيال 🍁الحصول بلا ما نطول عليكم 🍁 قصة من واقعية يقدر كل واحد شاف بحال هذه ا...