القضاء و القدر ( بالدارجة المغربية)

الجزء 101 و الاخير

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

         🍁 تتمة بارت: 100  🍁

دارو ديك الدار للبيع و توجهو الفيلا عند ياسين في فاس و بقاو مجموعين و عمرو الدار على الحاجة كلثوم انت عبد السلام ولا كي عالجو ياسين في الكلينيك حتى وقف على رجليه و بفرحة لي فرحها هي لي عاوناتو ولا كي حاول يعوض الايام مع نعمة بنت بنتو و يكون ليها على الاقل جد مزيان

جالسين في الصالون حتى دخل ياسين مبتاسم و حداه محسين لي من نهار شاف عبلة و هو داير ليه القوق في راسو شافتو هند و ناضت عندو مبتاسمة

هند:مرحبا بخويا محسين
محسين:ترحب بيك الجنة

جلس معاهم و شاف فيهم :سمحو عليا على هذه الدخلة
كلثوم:متقولش هكذا
ياسين:فين هي عبلة
هند:في الكوزينة مضروبو عليها
ياسين:عيطي ليها
هند:واخا عبللللة
عبلة(خرجات و شافت فيهم و شافت في محسين):مرحبا بيك ختي بغيتي شي حاجة
ياسين:انا لي بغيتك جلسي
عبلة:ها انا ا خويا
ياسين:اوا محسين جاي باغي يتزوج بيك و انا منلقاش حسن ليك منو و كي بقا شوار شوارك قلت ليه مزالة كتقراي لكن معندوش مانع يعاونك حتى تصولي و تولي شاف كويزينيي اش قلتي

عبلة(غرقات في حوايجهم شافت فيهم و في محسين لي كي تسنا جوابها حتى بتاسمات): قابلة
ياسين(متقصد يحشمها):مسمعتش مزيان
عبلة:قااابلة

قالتها و ناضت كتجري من حداهم حشمانة و ضحكو عليها باركو لمحسين و دار معاهم فوقاش يجيب العائلة و خرج و فعلا كلشي داز مزيان و تزوجو بجوج و معمرو حرمها من شي حاجة

واقفين في الجردة و نعمة كتجري من بنت البنت و عبد السلام كي حاول يتبعها بالعكاز سناء كضحك عليه هي و كلثوم الفوق واقف في الباركو و كي شوف فيهم فرحات حتى حطات يديها عليه دار عندها

ياسين(باس راسها):الله يرضي عليك
هند:امين
ياسين:شنو مخبعة من موراك
هند:عندي ليك مفاجأة
ياسين:بلاتي علاش جيتي الصباح الكلينيك و ما دزتيش عليا
هند:حيت مبغياش يااااه
ياسين(باس خدها):واخا نتحاسبو بطريقتي شنو هي المفاجأة
هند(مدات ليه الايكو):انا حاملة
ياسين(ضحك عنقها جنب):في خباري
هند:باش عرفتي
ياسين(خارجين من البيت):متنسايش راني طبيب
هند(ضربات جبهتها):اااه نسيت

ضحك عليها خرجو الجردة و شافت فيهم قالو ليهم بلي هند حاملة فرحو ليها بزاف

كلثوم( بتاسمات):وجهك نور لعائلتك ا بنتي
هند:الحمد لله سناء:حمد لله منين تجمع الشمل مع بنتي
كلثوم:ربي جمعكم من مدى و جديد
عبد السلام:مكنتش معاك اب مزيان سمحي ليا ا بنتي
هند(مشات باست ليه يديه):متقولش هكذا ا با
ياسين:كلشي بالمكتاب ا سي عبد السلام

هند(عنقات ياسين جنب و نطقات و هي كتشوف فيه):گاع لي وقع ليا في حياتي كلها من نهار لي تزاديت حتى الدابا كان #قضاء_و_قدر

💖الـــنـــــــهــــــــايــــــــة💖

هذه كانت قصة هند و حكيناها باش تكون عبرة لاي بنت و خصوصا بنات 17 18 19 يمكن هي كانت نهايتها فرحة لكن مشي گاع النهايات كتكون سعيدة بحالها

نردو بالنا و نربيو بناتنا و نكونو ليهم عون و سند نتقربو منهم مشي نبعدو

القصة كلها عبر خلينا ليكم الراحة في قصة جديدة ان شاء الله