القضاء و القدر ( بالدارجة المغربية)

الجزء 51

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

           🍁بارت: 51 🍁

رتاحت هند و الوجع خف ولات كل نهار تخرج تقلب على خدمة و في ليل كترجع الدار و في يديها خبزة ولات عايشة غير بيه معندهاش منين تجيب الفلوس الا خسرات كل واحد شنو كي قول ليها مكاين خدمة سيقوم الناس و مع انها معندهاش الدبلوم كتدفع الشركة الكابلاج ولا قبلاتها  و مع ذلك صابرة

كيف كل نهار قيلات تقلب لكن والو تنهدات و بغات ترجع الدار هي تشوف اعلان بلي باغيين شي واحد في القهوة تغسل ليهم الماعن و مشي اي قهوة بالعكس القهوة صحاب البزنازة زيرات علي يديها و دخلات كلشي كي شوف فيها مشات البارمان نيشان شافت فيه

هند:بغيت نخدم
بارمان:سيري بحالك ا ختي هذه البلايص مشي ديالك
هند:سمعني انا محتاجة خدمة والله عافاك نغسل غير الماعن
بارمان:باين عليك بنت عائلة مشي من هذه النوع حنا عندنا هنا ما كي حشموش لذلك سيري ا ختي من لهنا

هند حنات راسها و خرجات من تما و دموع في عينيها دورات راسها كتبان ليها فرماسيان قطعات شانطي و مشات عندهم دخلات

هند:سلام
**:اش حب الخاطر
هند:منقلب على خدمة
**(شافت في صحبتها و ضحكات):عاودي اشنو قلتي
هند:باغيا نخدم
**:شوفي ا حبيبا هنا راه 7 سنين ديال القراية عاد خدمنا سيري قلبي في بلاصة اخرى

خرجات من عندهم منهازمة و كملات على طريقها كتشوف عيالات جالسات في طريطوار ستغربات و مشات عندهم

هند: سلام ا ختي
مرأة(شافت فيها):نعام ا بنتي
هند:شنو كديرو هنا
مرأة:كنترزقو الله
هند:كيفاش
مرأة:هذه البلاصة اسمها الموقف كتجي شي طنوبيل متدينا لديور الكبار
هند:علاش
مرأة:نصبنو نسيقو نخملو نطيبو
هند:و كي خلصوكم ياك
مرأة:اه ا بنتي
هند: شحال
مرأة:50 درهم 100 درهم على حساب جود ديالهم
هند:نقدر نوقف هنا ياك
مرأة:اه ا بنتي

بتاسمات و وقفات كتشوف في العيالات دوراتها في راسها و ملقات حتى حل اللهم 50 درهم ولا بلاش المهم الكرا مخلص و على ما تلقى شي حاجة تخدم بهذه التمان بقات كتشوف الناس كي جي و دي معاه مرأة و حتى لي كانت معاها كذلك تنهدات و فقدان الأمل حتى كتوقف عليها لوطو