القضاء و القدر ( بالدارجة المغربية)

الجزء 45

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

           🍁بارت: 45 🍁

كان جالس في لبيرو ديالو  فيديه كاس ديال قهوة  تيفتاح بيها  عينيه  سمعاع طيليفون تيصوني هازو  لقا نمرة  ممقيداش إستعجب  و رد  حتى كيتصدم  من صوت  بنت تتبكي  وتطلب  يساعدها 

ياسين  وقاف  وعقد حجبانو:شكون نتي 
هند  بوجع  وتتبكي تتهضار بزز: انا انا انا انا انا
ياسين:غير بشوية عليك و تنفسي مزيان

هند خدات نفس بزز و كملات:انا هي ديك بنت  لجات لطبيب وعطيتيها لكارط فيزيت  ديالك وطلبتي منا تجي لعندك لكلينيك عفااك أخويااا لما عوني  الله يخليلك مييييمتك  انا كنموت ومعدي حد در فيا هد لخييير الله ييسر لييك اخويااا

غمض عينيه بألم قوي جوبها بحزن: قوليا لعنوان غنصرد ليك لونمبلونص

هند تتبكي وتدعي معاه: واخا في ***** شكرا اخويا والله منسا خييرك  شكراا بزااف  هيييئ

ياسين بأسف خرج من البيرو و كي قلب على شي واحد:  5 دقايق وتكون معاك لونبيلونص صافي

هند: واخا واخا  صافي

قطعات معاه وتكورات في لأرض تتقطاع بالحريق تتبكي  بحرقة كبيرة  سماح فيها وهي حاليا في أمس الحاجة ليه  وفين هو  دب هدي  فييين هاهي تتموت هنا وهو في بلد اخور  تباع فلوس وشهرة وهنا بنت لظحات معاه  تتخلص في أغلاطهم  دزات 5 دقائق  سمعات صوت لونبيلوص  قربات  .. نضات  تتحبو بيديها ورجليها  مقدراش توقاف ودم  هبط  منها بحال فيضات  وصلات لدروج جلسات وتتهبط جالسا  حسات بدوخة  وعروقات هبطين ليها  تتسماع أصوات بعيدا وقريبا ضبابا  على عينيها سيبات رجليها وبغات تهبط  حتى كتزهق ليها رجليها و تقلبات من الدروج حيت غابت عن لواقع في خطرة

برا الجيران بقاو كي طلو و وصلو الخبار مولات الدار خرجات كتجري شافت الجوقة و اونبيلونص واقفة

مرأة:اش كاين اش كاين
***:خاصنا نغتحو الباب البنت لي لداخل لي خطار
مرأة(تالفة):اااه انا انا نعطيك ساروت

خشات يديها في الفواطة و جبدات السوارت و بقات كتقلب حتى جبداتو و مداتهم ليه عطاتو ليهم و هما فتحو الباب و دخلو كي تجاراو الناس كطل

بانت ليهم طايحة و الدم مزال كي نزل منها لكن قل من الاول هزوها في الحمالة و طلعوها سدو الباب و مشاو