🍁رمضان كريم🍁
❌🔱 حصريا فقط على جوهر الليل 🔱❌
❌ ممنوع من النشر ❌
العنوان: 🔱 القضاء والقدر🔱
بقلم🖍: تيما مبارك &سيلفا
🍁بارت: 70 🍁
واقفة في البيت و كتختار شنو تلبس بتاسمات منين طاح عينيها على كسوة طويلة مع شال ديالها هزاتها مع صباط عالي و دخلات الحمام دوشات و خرجات نشفات شعرها دارت مكياج خفيف و لبسات الكسوة و شالها صباطها هزات صاكها و خرجات البرا و جلسات كتسناه و تحط يديها سمعات تيلي كي صوني هزاتو شافت نمرة غريبة عقدات حجبانها و جاوبات
هند:الو
صمت
هند(بإستغراب):شكون معايا
دقيقة صمت عاد هضر:صافا
هند(عقدات حجبانها كثر و كثر منين سمعات صوتو خدات نفس عميق و ردات):شكون معايا
صلاح:توحشتك
هند:اخر مرة تاصل بيا
قطعات عليه و هي كلها كترعد دورات راسها و شافت تيلي حلاتو و جبدات منو كارط سين هرساتها في خطرة و هي قمة الاعصاب جلسات كتفكر حتى كنسمع الدقان في الباب ناضت حلات و شافت فيه كان مسكسف على الحالة ضارب ليك حطة واااعرة كلشي كلاص هز راسو فيها عاقد غوباشتو
ياسين:كنصوني ليك تيلي طافي مالك
هند:دخل
ياسين(دخل عندها و شاف فيها):مالك
هند(خدات نفس عميق و نطقات): صونا ليا
ياسين:شكون
هند:لي كنت معاه
ياسين(صدماتو):شنو فكرو فيك اااه ولا توحش ياماتو معاك و باغي يلعب بيك كيف بغا
هند:معرفتش و متسولنيش حيت انا براسي معصبة
ياسين(مسح على وجهو دور راسو كي شوف الكارطة مهرسة):زعمة نسيتيه
هند(ببتسامة):قلت ليك انني وليت كنكرهو
طول ليها الشوفة ملاحظ تعابير وجها حتى ولا نطق:جيتي زوينة بزاف
هند(بحياء):شكرا مغنمشيوش فيا الجوع
ياسين:تفضلي
(سد الباب و شاف فيها):فكريني نشري ليك نمرة جديدة و تيلي جديد معندكش ما ديري بهداك
جاب ليها الضحكة هزات براسها و ركبات معاه مشاو نيشان ريسطو زوين في فاش دخلو ليه و جلسو بجوج خداو شنو بغاو و ياسين كي شوف فيها
أنت تقرأ
القضاء و القدر ( بالدارجة المغربية)
Aksiالقصة لي جبنااكم هي قصة واقعية كتحكي على مجتمعنا و السلطة و تسلط الغدر و الخيانة و كل ما تجيكم في البال قصة هي قصة كتجمع بين #الدراما #حزن #تسلط #ضلم #الهوس #فقر #نصب #احتيال 🍁الحصول بلا ما نطول عليكم 🍁 قصة من واقعية يقدر كل واحد شاف بحال هذه ا...
