القضاء و القدر ( بالدارجة المغربية)

الجزء 34

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

           🍁بارت: 34🍁

دخال لبارطمة بحكم عندو ساروت  دوار عينيه لجيهت  بالكون كانت جالسا تماك غير سمعات لحس وهي دور لقاتو  صلاح نضات تتطير عنقاتو  مدار تا رد فعل بعدات عليه

ياسمين بقلق:مالك أحبيبة

صلاح دوار وجهو:والو  خصني نرتاح شويا

ياسمين جراتو لصالون وجلساتو:اوكي  اكبيدة تبغي نديرلك مساج  هممم

صلاح شاف فيها مدة وحرك ليها راسو  نعساتو وبدات تدير ليه مساج لعنقو ولراسو رتاح نوعا ما ولكن بالو بقا مع هند  تفكيرو كامل معاها خلاها مريضا ومعرفش اشنو بيها  واش مزيانا ولا  لا  ... واش صافي غيمشي  يحقق  حلمو ويبني مستقبالو بعد  4 سنين من علاقة حب قوي مغروس في قلبهم صافي غيسالي في رمشة عين وبدون سبب مقنع  واش طماع  غطا عينيه تالهد درجة وخلاه يتخلا عل على حبو لضحات  معاه حياتها وكرمتها شرفها كولشي عطاتو ليها وهو اشنو غيطي ليها بالمقابل غدر  خيانة  كذب  خدلان  ... بعدما كانت حب وتضحية  المعقول.... لمال يخلي  لواحد يغيرو لميات درجة وهدشي لوقاع صلاح  عينيه شافو فلوس وحياة رفاهيا ونساو وعد لقطعوه من قبل 

فتاح عينيه  تيشوف في صقف  وقفات حداه ياسمين وهبطات قبلات  جابينو

ياسمين ببتسامة:شويا دب 

حرك ليها راسو تنهد و وقاف صلاح:غنمشي دب
ياسمين:فين !!
صلاح(شاف فيها صمت)
ياسمين: يالله عاد جيتي دابا
صلاح:واخا عنرجع
ياسمين:لاين عتمشي
صلاح: لدار يلاه  باي

ياسمين قلبات عينيها معجبها لحال:اوكي باي متنساش  دوز عندي في ليل
(وغمزاتو )

حرك ليها راسو وزاد غادي بحالو نزل و طريق كلها و هو كي فكر و بالو معاها بعد مدة وصل فتح الباب بالساروت و توجه الصالة لقاها مغطية بالمانطة و كتكحب توجه عندها و حط يديه على راسها هي بكثرة المرض مقاداش تحل عينيها

صلاح:هنودتي
هند(مغمضة عينيها واخا كتسمعو)
صلاح:متقصحيش راسك و يالله نمشيو الطبيب
هند(بصوت ضعيف):بعد مني
صلاح:شوفي حالتك واش بغيتي يوقع ليك شي حاجة كثر من هكدا
هند(صمت)

صلاح دوز على راسها و ناض الكوزينة مشا التلاجة فتحها لقاها خاوية فيها غير مطيشة و الگرعة و خيزو عقد غوباشتو و مشا الشبكة كي لقا غير البطاطة ضرب يديه من البوطاجي