القضاء و القدر ( بالدارجة المغربية)

الجزء 44

🍁رمضان كريم🍁

❌🔱 حصريا فقط على جوهر الليل 🔱❌

             ❌ ممنوع من النشر ❌

العنوان:   🔱 القضاء والقدر🔱

بقلم🖍: تيما مبارك &سيلفا

           🍁بارت: 44 🍁

دازو ايام في الشهر و هند غير سادة عليها الدار و صلاح مبانش نهائيا واخا كتصوني ليه كتلقى تيلي طافي المرض هلكها و مع الخلعة لي تخلعاتها السخانة كتاكل فيها الحوايج لي كانت لابسة نهار لي خرجات باقا بيهم و الا مناضتش تقوت راسها معندهش حتى شكون لي يعطيها كاس ديال الما

حالتها غير ما كتزيد تضهور نهار على نهار و الحريق عندها في كرشها و تبات تغوت بيه و تمسي بيه مكترتاح حتى كي خفاف عليها

ناعسة في الفراش في نص ليل الباردة فيها و الا قستيها كتلقاها طايبة ناضت بوجع كيف العادة في كرشها حطات عليها يديها كتعصر و كتبكي و تغوت

هند (حاطة يديها على كرشها و كتغوت): واااااامييييي ييياااااربيييي الووووجع ياااااربييييي

ناضت من تما كتعكز بزز منها كيف حطات رجليها على الارض حسات بالضو ضربها خلاتها تزگي هزات تيلي و كتحاول تصوني لصلاح لكن كيف العادة تيلي طافي و مكيجاوبش نهائيا عودات و عاودات لكن والو توجهات البلاكار تقلب فيه على نمرة ديال الملعب مخليها ليها في حالة ملقاتهاش عاد كتردد البال حوايجو نص فيهم مكاينينش الما برد ليها في الركابي و الوجه قاتلها قلبات بين الوراق كتلقا غير قرايتها لي تما اما وراقو مكاينينش ربطات الاحدات عاد ضرباتها التوگيدة تما عرفاتو مشا و خلاها مشا في خطرة و سمح فيها وهبات ليه حياتها و شرفها ضحات معاه في كلشي في الاخير سمح فيها و خلاها غارقة بوحدها

هند(رجعات كتقلب رغم الوجع و في فمها غير كلمة وحدة):علاش ا صلاح علاش شنو درت ليك علاش ا صلاح علااااش

ملقاتش صافي صلاح مشا في خطرة وحدة حسات بشي حاجة هابطة معاها مشات كتعكز الطواليط تحنات حيدات السروال و سليب كتلقا الدم هابط معاها و خافت بزاف خصوصا انه غير ما كي زيد يجهات حيداتهم و كتحاول تغسل بالماء دافي لكن والو دارت تما ليكوشة و خرجات مدات يديها على سرير حتى الجلسة متقدرش تجلس كتبكي و تهبطهم كيف الحجر

هند:ياااربي شنو ندير يااااربي عاوني ياااربي معندي حتى واحد من غير ياااربي متسمحش فيا ياااااربييييي متخلينيش بوحدي ياااربي درت غلاك و عارفة راسي عصيت ياااربي متعاقبنيش بهذه الطريقة ياااارحيم وقف معايا متخلينيش بوحدي كيف خلاوني كلهم ييااااااربيييييي

عضات على يديها حتى تفكرات دارت الصاك لي محطوط في الارض تمشات كتجري هزات منو البطاقة و دوزات الخط و هي عاضة على شفايفها حتى داز

هند:عاااافاااااك عااااونيييي كنمووووت