حكايه _لمسة جمال_🤍 للروائيه دينا أسامه الشوكي (كامله)

اقتباس 🤍

ابتعدت عنه بتعجب عما يقول هاتفه بضيق...
- يعني إيه! برضو مش فاهمه وبعدين انت هتاجي تتقدم لواحده انت مش عارف إذا كنت بتحبها ولا لأ! محمود بص اقعد مع نفسك وفكر كتيرر قبل ما تاخد الخطوه دي علشان صدقني لو اخدتها وانت مُشتت كده، هتخسرني وهتعب اوي ي محمود.

- ولاء انا بحِبك فعلاً! قالها بهجوم وعنفوان لما قالته هي ليراها تتنهد بسخريه غير مُصدقه ما يقوله، ف صاح بصوت مرتفع...
- متااااخديش كلامي بإستهزاء وتعالي اما اقولك هنا هو انا لو مش بحبك كنت هِنتك كده بأول مره اشوفك فيها بدون سبب حتى!

- ودي بقى اللى مخلياك واثق إنك بتحبني؟!! لاحظ حزنها ليقول نافياً كلامها...
- لأ طبعاً!، انا حبيتك بدون مقدمات، عارفه موضوع الحب من أول نظره ده، اهو ده اللي حصل معايا بالظبط وبعدين انتي فيكي حاجه مُميزه اوي نادراً لما تكون موجوده بحد، انتي جميله اوي ي ولاء!

ترنحت ولاء لوهله هاتفه بعدم فهم...
- جميله!! طيب ما كل الناس جميله وبعدين ف كتيررر احلي مني! محمود انا مبقتش فهماك.

- روحك جميله ي ولاء، مش وشك بس هو اللي جميل لأ وروحك وقلبك، والجمال ده كله بيتجمع ف ناس فريده وانتي منهم، ولاء انا مش هلاقي أحسن منك شريكه ليا صدقيني انتي حظي بالدنيا وبوعدك اني هفضل معاكي ع الحلوه والمُره، هنفضل أيد واحده، بس انتي ثقي فيا.

- محمود انا واثقه فيك، قالتها ببريق شعّ من عينيها بعد ما قاله ليمسك يداها يقبلهما بحب هاتفاً ....
- تعرفي إنك انتى الحظ بعينه؟!

ابتسمت له تنظر لتلك الأزهار بسعاده تقول...
- تعرف اني بحب الورود اوي؟

امسك يديها بحرص يتجه بها إلى الازهار يقطف بعضها لها مما جعلها تقول بقلق داخلي...
- بس انا خايفه.

- من إيه ؟!!

- من أن الكلام ده كله يطلع حلم ومتكونش دي الحقيقه.

- حتى لو مش حقيقه وحلم، انا هخلي الحلم حقيقه علشانك ي ولاء.

وحشتونييييييي🥺😍😍😍😍💙 عاملين إيه ي قمراتيييي، ي رب تكونوا بخير دايماً ♥️ ان شاء الله هبقي معاكم الفتره دي بحكايه إسمها لمسة جمال ودي عملتها بشكل مفاجئ رغم اني مكنتش ناويه اكتب الفتره دي بس كتبتها إهداء لبنت خالتي وإبن خالتي بمناسبه خطوبتهم وكمان عملاها بأسمائهم وحاجات مشابهه، بتمنى انها تعجبكم زي بالقدر نلتقي كده وبقيه أعمالي 🥺🤍🤍🤍