~កូនចិញ្ចឹម~

ផ្តើមរឿង

#កូនចិញ្ចឹម
ជុងហ្គុក ប៊េលឡេរិច X ជីមីននី ហ្វេនសុី
#ផ្តើមរឿង + ភាគ ១.

(19 ឆ្នាំមុន)
-មណ្ឌលថែទាំកុមារ

« នេះជាគេហេស? » នៅចំណុចកណ្តាលក្រុងមួយដែលដឹងមកថាជាមណ្ឌលចិញ្ចឹមបីបាច់កុមារនានាជាច្រើន ក៏ដូចជាពេលនេះកំលោះសង្ហារដែលមើលទៅជាមនុស្សអភិជនម្នាក់កំពុងតែឈរសម្លឹងក្មេងប្រុសមុខគួរអោយស្រលាញ់ម្នាក់ដោយមុខស្មើធេង នាយមិនញញឹមសោះមើលទៅហាក់ដូចជាមាននរណាម្នាក់បង្ខំនាយអោយមកយកក្មេងនេះអញ្ចឹង។
« ចាស៎ អ្នកប្រុស! លោកស្រីហ្វេនសុី បានចុះហត្ថលេខារួចរាល់អស់ហើយ លោកអាចយកគេទៅបាន » អ្នកគ្រូម្នាក់នោះក៏ញញឹមដាក់ជុងហ្គុកដោយហុចដៃក្មេងតូចអាយុប្រមាណជា 5 ឆ្នាំអោយទៅគេផង។

⟨ ជុងហ្គុក ប៊េលឡេរិច កំលោះសង្ហារវ័យ 23 ឆ្នាំដែលដឹងមកថាជាម៉ាហ្វៀស្រស់សង្ហារវ័យក្មេងម្នាក់ដែលកាន់កាប់ក្រុមហ៊ុនផលិតរំសេវធំបំផុតក្នុងប្រទេស ជាមួយនឹងរូបរាងសង្ហារក៏ដូចជាទ្រព្យសម្បតិ្តស្តុកស្តម្ភទៀតនោះ នាយបែរជាត្រូវម្តាយចាប់បង្ខំអោយធ្វើរឿងមួយទៅវិញ។ ⟩
...

« នេះមកដល់ហើយ! ចៅរបស់អ្នកម៉ាក់!! » នាយសង្ហារមកដល់ផ្ទះវិញ ក៏នាំក្មេងប្រុសតូចនោះទៅអោយម្តាយគេដែលញញឹមស្រស់ចាំទទួលចៅប្រុសគួរអោយស្រលាញ់ម្នាក់ , មូលហេតុដែលគាត់បង្ខំអោយជុងហ្គុកយកកូនប្រុសមកចិញ្ចឹមនេះព្រោះគាត់អផ្សុកហើយក៏មានហេតុផលផ្សេងមួយទៀតដែលគាត់មិនអាចប្រាប់គេបាន ស្វាមីរបស់គាត់ក៏ស្លាប់ នៅសល់តែម្តាយនិងកូនបែបនេះប្រាកដជាអផ្សុកណាស់ហើយ។
« ញញឹមបន្តិចទៅជុងហ្គុក! ចាត់ទុកថាចៅប្រុសម្នាក់នេះជាកាដូនិងរបស់ចុងក្រោយដែលម៉ាក់ទុកអោយកូនចុះណា! »
« ហើយម៉ាក់ប្រុងដាក់ឈ្មោះអោយគេថាយ៉ាងម៉េចទៅ? » ឮជុងហ្គុកសួរឡើងបែបនេះលោកស្រីហ្វេនសុីក៏ញញឹមស្រស់សម្លឹងមុខតូចច្រមិចក្រហមព្រឿងៗនោះដោយក្តីពេញចិត្តពេញទំហឹង មិនដឹងត្រូវនិយាយបែបណាទើបសម។
« ជីមីននី ហ្វេនសុី ល្អទេ? ម៉ាក់ប្រើត្រកូលម៉ាក់ព្រោះ ក្មេងប្រុសម្នាក់នេះនឹងក្លាយជារបស់ចុងក្រោយដែលម៉ាក់បន្សល់ទុកអោយកូន! »
« ហេតុក៏ម៉ាក់និយាយពាក្យបែបនេះ? ម៉ាក់ប្រុងទៅណាហេស? »
____________________________________
(19 ឆ្នាំកន្លងផុតទៅ / បច្ចុប្បន្ន)

« ខ្ញុំយល់ពាក្យរបស់ម៉ាក់ហើយ! ទម្រាំតែខ្ញុំយល់ម៉ាក់ក៏ទៅចោលខ្ញុំបាត់ 5 ឆ្នាំទៅហើយ! ម៉ាក់មិននឹកចៅរបស់ម៉ាក់ទេឬ? អីឡូវនេះគេពេញវ័យហើយ! គេស្អាតដូចម៉ាក់អញ្ចឹង! បើម៉ាក់បានឃើញម៉ាក់ច្បាស់ជាពេញចិត្តណាស់! » ទឹកភ្នែកមួយដំណក់ស្រក់ចុះពីភ្នែកមុតស្រួចរបស់រាងសង្ហារ នាយអង្អែលរូបដែលមានម្តាយរបស់នាយអោបចៅប្រុសតូចមួយជាប់ តែអីឡូវគាត់ទៅចោលគេហើយ...គាត់បានបាត់បង់ជីវិតតាំងពី 5 ឆ្នាំមុនម្ល៉េះ , ហើយគាត់ក៏បានបន្សល់ទុកជីមីនអោយគេដូចជាពាក្យសម្តីរបស់គាត់មិនខុស។
« បើសិនជាឯងមិនមែនជាមនុស្សចុងក្រោយដែលម៉ាក់បន្សល់ទុកអោយយើង យើងប្រាកដជាបាញ់សម្លាប់ក្មេងក្បាលរឹងដូចជាឯងតាំងពីជួបដំបូងម្ល៉េះ! » ស្នាមញញឹមញោចឡើងកាលបើគេបានឃើញស្នាមញញឹមស្រស់បំព្រងកាលនៅតូចរបស់អ្នកម្ខាងទៀតទាំងដែលពេលនេះ ក្មេងម្នាក់នោះពេញវ័យស្តូកទៅហើយ។
« នេះប៉ាមកលួចនិយាយដើមខ្ញុំតែឯងទៀតហើយ? ឡប់សតិ! »

To be continued...

មើលសម្តីគេផង😔 តែថាពេញចិត្តទេ?😭 បើពេញចិត្តខ្ញុំនឹងបន្ត បើមិនពេញចិត្តប្តូររឿង😭