البارت الخامس
جوهرة يوسف نصار الجزء التاني بقلم صافي
لا حول ولا قوة ألا بالله العلي العظيم
جنه بصريخ : انت عاوز مني اي
رائف بتعجب : هعوز منك اي انتي الي طلعتي في طريقي
جنه : انت عاوز ترجعني ليهم
رائف : طب قومي اساعدك أنا مش عارف انتي بتتكلمي علي مين اصلا
جنه بخوف : لا أبعد عني
رائف : خلاص انتي حره اتفضلي قومي خليني أمشي
كانت تستند علي الأرض بيديها حتي تقف لكن من شدة ما حدث لها واعصابها المنهاره وقعت مره اخري
رائف بشفقه :انتي كويسه
وضعت يدها علي وجهها تبكي بقوه : لا لا مش كويسه اعصابي سايبه مش قادره اقف
رائف : طب هساعدك والله متخافي مني
كانت تنظر له برعب وترتجف ليخرج من جيبه شي كانت تعتقد مخدر جعلها تصرخ
رائف : اي في أي انتي ملبوسه ولا اي دا مصحف امسكي يمكن يطمنك شويه
أخذت منه كتاب الله وقد اطمانت قليلا
رائف : هديتي يلا خليني اخدك اي مستشفي أفضل لحالتك دي وبسرعه علشان لو حد وراكي فعلا ميمسكيش مد يده لتفكر قليلا وتعطيه يدها ليساعدها علي الوقوف فتح لها باب السيارة واصعدها ليستقل هو ايضا ويتجه بها للمشفي
رائف : اسمك اي
جنه : ل ليه
رائف : انتي خايفه كدا ليه انتي عامله عمله وخايفه من حد ولا وراكي مصيبة اي
جنه بدفاع : لا والله دا كان في ناس خطفني وعاوزين يشغلوني في الدعاره وهربت منهم بمعجزه
رائف بحزن : الحمد لله ان ربنا سترها معاكي طب حافظه رقم حد من اهلك
جنه بخزي : مليش أهل أنا يتيمه كنت في ملجا
رائف : طب اي حد اتصل بيه يجي يستلمك من المستشفي
جنه : أنا مليش حد خالص
رائف : طب جوزك وابو ابنك دا واضاف بشك ولا انتي اي نظامك
جنه : متخافش وحياة ابني متجوزه بس للأسف هو مش عاوز الطفل دا فهربت منه
رائف : طب عايشه فين طيب
جنه برجاء : متعرفش مكان شغل اشتغل فيه حتي لو خدامه وابات فيه
رائف : هتشتغلي ازاي بحالتك دي بس
جنه : ارجوك أي مكان المهم يكون نضيف واعيش مستوره فيه
رائف بتفكير : اي رايك تشتغلي عندي في الفيلا بتاعتي ومتخافيش أنا هعتبرك زي اختي بالظبط يمكن ربنا يغفر ليا عن طريقك وكمان في هناك خدم غيرك يعني مفيش حاجه تخوفك
