البارت التاسع
لا حول ولا قوة ألا بالله العلي العظيم رب العرش العظيم
خرجت من احضانه وهي لا تصدق لكن ما باليد حيله شعور العجز وانك وحيد بالدنيا ومطارد من اسوا ما يمر بالانسان
وجدته يحملها بين يديه وابتسامه علي وجهه
يوسف : لحد متولدي وأنا هشيلك كدا كفايه انك شايله ابني
جنه : أنا بعرف أمشي
يوسف : وأنا حابب كدا يلا علشان نفطر
نزل بها درجات السلم لغرفة الطعام وضعها بالمقعد بجانبه وقام بتقبل جبينها
ابتسمت بتصنع قلبها لا يطمئن له بتاتا
وبداخلها
يااارب استرها معايا وخليلي ابني ربنا يهديك يايوسف
جائت ريم وهي تتلهف لرؤيه جنه لكن خوفها من يوسف جعلها لا تحتك بها
جنه بفرح : ريم وحشتيني
ريم وهي لا تنظر لها : انتي أكتر ياهانم والله
يوسف : كلي
جنه : انت عملت فيها اي
يوسف : ماهي زي الفل قدامك اهي
جنه: دي خايفه وهي بتكلمني
يوسف : كلي ياجوهرتي ومتشليش دماغك بحاجه ماشي
جنه بقهر: حاضر
""""
عند رائف
كان بالجامع يصلي ويبكي يدعو الله أن يغفر له وان يهديه سبيل الرشاد
ذهب للشركه مره اخري ليأتي الساعي ويعطيه ورقه من المحكمه
رائف بقلق : استر يارب
فتحها ليجد اوراق طلاق فقد رفعت ليلي عليه قضية خلع
أخذ الاوراق وذهب لبيت ليلي
لميا : خير يارائف
رائف : حضرتك عامله اي
لميا بابتسامة : الحمد لله يابني أنت عامل اي
رائف وعينيه تلمع بالدموع : تعبان قوي ياامي ليلي رفعت عليا قضية خلع أرجوكي حاولي تمنعيها
لميا بحزن : انت كسرتها يرائف وانت عارف ليلي لما بتصمم علي حاجه والله حاولت امنعها لكن مصممه علي الطلاق
رائف : يعني اي
لميا: خلاص يابني الحياة مبنكم مستحيله طلقها احسن من البهدله في المحاكم
رائف : طب أنا عاوز اشوفها
لميا : للأسف مش راضيه ترجع وبتقول هتستقر هناك ووكلت المحامي بتاعها شوف نصيبك يارائف مع واحدة تانيه
