东宫 Eastern Palace 🏜️🦊
မီလော့ ကအားတုနောက်က ဖေ့ကျောက်ကိုမြင်တော့ အကြည့်မလွှဲနိုင်ပုံပဲ ။ တခြားသူတွေက မီလော့ရဲ့ ကြည်လင်တောက်ပတဲ့ မျက်လုံးတစ်စုံကိုမြင်လိုက်ရင် မှင်သက်လောက်အောင်ပဲ ဆိုပေမဲ့ ၊ ဖေ့ကျောက်ပေါ်မှာ တော့ အကျိုးသက်ရောက်မှု ရှိပုံပေါ်မနေဘူး ။
နောက်မှ ငါတွေးကြည့်မိတာက ဖေ့ကျောက်ရဲ့ မိသားစုက မြို့တော်ကပဲ ဖြစ်လို့ မြင်ဖူးကြုံဖူးတာတွေ သေချာပေါက်များမှာပဲ ။ အလယ်ပိုင်း ပြည်မရဲ့ မြို့တော်က ဒီလောက် လူဦးရေထူထပ်တာ လမ်းတွေမှာလည်း သေရည်ရောင်းတဲ့ မိန်းမပျိုတွေနဲ့လည်းပြည့်နှက်နေတတ်တာမျိုးဆိုတော့ ။ သေချာပေါက် ဖေ့ကျောက်ရဲ့ မျက်နှာက ဒီလိုအခြေအနေမျိုးမှာတောင် မျက်နှာသေနဲ့ နေနိုင်မှာပေါ့။
ဒီဆိုင်က သေရည်က အရမ်းကောင်းပြီး အမဲသားက လည်း အရသာရှိချက်ပဲ။ မီလော့ က ငါတို့အတွက် တယောက်ယောက်ကို အမဲသားလှီးယူလာခိုင်းလိုက်တယ် ။ငါတို့တတွေထိုင်ချလိုက်တဲ့အချိန်မှာပဲ ရုတ်တရက် မိုးကျလာပါလေရော။
ဆောင်းဦးမှာ ရွာတဲ့မိုးက ရှည်ကြာပြီး ဝါးနဲ့လုပ်ထားတဲ့ အမိုးပေါ်မှာ ထိခတ်မိတဲ့အခါ အသံဗလံတွေကို ပြုလုပ်လို့နေတယ် ။
ငါတို့နားလေး မှာထိုင်ေနတဲ့ ဧည်သည့်တွေက ပါးရှားပြည်ကပဲ ၊
ခဏကြာတော့ သူတို့တွေကပုလွေတစ်ခုထုတ်လာပြီး စတင်တီးမှုတ်တော့တယ် ။
သံစဉ်က အထူးအဆန်းပေမဲ့ သဘောကျစရာေကာင်းတယ် ။ ဒီတေးသံကို မိုးကျနေတဲ့အသံနဲ့ တွဲဖက်လိုက်တော့ တမျိုးတလေ လိုက်ဖက်သွားရော ။
မီလော့ က ပုလွေသံကို လည်းကြားရော ၊ သေရည်အိုးကို ချလိုက်ပြီး စားပေါ်ခုန်တက်ကာ ခြေဗလာနဲ့ ကခုန်တော့တယ် ။
သူမပုံစံက ပျော့ပျောင်းပြီးညှို့ဓာတ်အပြည့်နဲ့ ၊ တေးသံကလည်း အရမ်း စွဲဆောင်မှု ရှိလို့နေတယ်။
သူမ လက်ကောက်က ချူလုံးလေးတေွက မိုးသံတွေနဲ့ ဆင်တူတယ် ၊ ပုလွေသံနဲ့ တွဲဖက်လိုက်တဲ့အခါ ရွှေရောင်မြွေအက က နေသလိုပဲ ။
ဘေးနားက လူတွေက လက်ခုပ်လက်ဝါးတီးကြရင်း "ကောင်းတယ်ဟေ့" ဆိုပြီးဝိုင်းထောပနာပြုကြတယ် ။ မီလော့ စားပွဲပေါ်က ဆင်းလာပြီး ငါတို့သုံးယောက်အနားမှာ လှည့်ပတ်ကနေတော့တယ် ။
YOU ARE READING
Eastern Palace (Goodbye my princess Myanmar Translation)
Historical Fiction🦊🏜️ ကောင်းကင်ဘုံ၏ အကြီးမားဆုံး သော အပြစ်ဒဏ်မှာ အရာရာကို မေ့ပစ်လိုက်နိုင်စွမ်း မဟုတ်ခဲ့ပဲ အရာအားလုံးကိုအမြဲ တစေ မှတ်မိနိုင်စွမ်းသာ ဖြစ်၏။ ________________________ ❗❗❗ I don't own this novel. This is fan translation . Fully credit to original autho...
