东宫 Eastern Palace: Chapter 21
ငါကအရင်တုန်း ကတည်းကလီချန်းရင် နဲ့ စကားများ ရန်ဖြစ်လာခဲ့ပေမဲ့ ဒီလောက်ထိတော့ လေးလေးနက်နက် ကိစ္စမျိုးမှ မဟုတ်ခဲ့တာ ။
ငါ ကြောက်နေမိပေမဲ့လည်း အားတင်းပြီး အသံကျယ်ကျယ်နဲ့ လုပ်ကြံတဲ့သူ ကို ပြောလိုက်တယ် ။
" တကယ်လို့ ငါတို့ပြောနေကြတာက အရေးကြီးတဲ့လူ အကြောင်းဆိုရင်၊ ငါက ဒီကယောကျာ်းလေးနှစ်ယောက်ထက် ပိုပြီး အရေးကြီးတဲ့လူပဲ ။ တစ်ယောက်က ဧကရာဇ် ဖြစ်ပြီး နောက်တစ်ယောက်က အိမ်ရှေ့စံ မင်းသားဖြစ်ပေမဲ့ ၊ အရေးပါမှု အကြောင်းပြောရမယ်ဆိုရင် သူတို့ငါကို မယှဉ်နိုင်ပါဘူး ။ နင်က လုပ်ကြံတဲ့လူ ဆိုရင် ငါက အိမ်ရှေ့စံကြင်ယာတော်တင်မက ပဲ အနောက်ရှီးလျန်ရဲ့ မင်းသမီး ဖြစ်ပြီး ငါ လီချန်းရင်ကို လက်ထပ်ခဲ့တာလည်း နိုင်ငံငြိမ်းချမ်းရေးအတွက် ဆိုတာကိုပါ နင် သိမှာပေါ့။ အခု နင့်ရဲ့ လက်ထဲမှာ ဧကရာဇ်ရှိနေပေမဲ့ ဧကရာဇ်ကလည်းး စိတ်ဓာတ်ကလည်း ကြံခိုင်တဲ့လူတစ်ယောက်ပဲ ၊ အဲ့တာကြောင့် သူ့အပေါ်မှာ ဘာအကျိုးသက်ရောက်မှုမျိုးမှ ရှိမှာမဟုတ်ဘူး ။ သေချာပေါက်ကို အိမ်ရှေ့စံမင်းသားနဲ့ ရှန်းဝူ တပ်က နင့်ရဲ့ ခန္ဓာကိုယ်ကို အစိတ်အမွှာမွှာဖြစ်အောင် လုပ်မဲ့ ရလဒ်ကိုပဲ နင်ရလာမှာပဲ ။ နောက်ဆုံးအနေနဲ့ နင် ဧကရာဇ်ကို သတ်လိုက်နိုင်ရင်တောင်မှ အဆိုးဆုံးဖြစ်လာမှာက အိမ်ရှေ့က ထီးနန်းကို ဆက်ခံရဖို့ပဲ ဖြစ်လိမ့်မယ် ။ သေလိုက်ဖို့ကလွဲပြီး နင့်မှာ တခြားရွေးချယ်စရာလမ်းမရှိဘူး ။ တကယ်လို့ နင် အိမ်ရှေ့စံကို သာ ဓားစားခံအနေနဲ့ ခေါ်သွားခဲ့မယ်ဆိုရင်လည်း ဧကရာဇ်မှာ တခြားသားတော်တွေ ကျန်ရှိနေသေးတဲ့အတွက် ၊ နင့်လုပ်ရပ်က ဘာထိခိုက်မှုမျိုးမှ ဖြစ်စေမှာမဟုတ်ဘူး ။
ဒါပေမဲ့ ငါကတော့မတူဘူး ။ ငါကအိမ်ရှေ့စံကြင်ယာတော်ဖြစ်ရုံတင်မကဘူး ။ အနောက်ရှီးလျန်ရဲ့ မင်းသမီး ဆိုလည်း ဟုတ်တယ် ။ တကယ်လို့ ငါသေသွားခဲ့မယ် ဆိုရင် အနောက်ရှီးလျန်က မြေလှန်ပစ်လိမ့်မယ် ။ နှစ်နိုင်ငံလည်း စစ်မက်ဖြစ်ပွားပြီး လူတွေဒုက္ခရောက်ကုန်ကြမှာ ။အဲ့တော့ ဧကရာဇ် နဲ့ အိမ်ရှေ့စံ ကလည်းသေချာပေါက် ဒါမျိုး ငါ့ကို အသေခံမှာ မဟုတ်ဘူး ။ တကယ်လို့ နင်ငါ့ကို ဓားစာခံ အနေနဲ့ ခေါ်သွားမယ်ဆိုရင် နင်လုံလုံခြုံခြုံနဲ့ လွတ်မြောက်နိုင်ဖို့ ငါအာမခံနိုင်တယ် "
" အဓိပ္ပါယ်မရှိတာတွေ လျှောက်ပြောမနေနဲ့ "
YOU ARE READING
Eastern Palace (Goodbye my princess Myanmar Translation)
Historical Fiction🦊🏜️ ကောင်းကင်ဘုံ၏ အကြီးမားဆုံး သော အပြစ်ဒဏ်မှာ အရာရာကို မေ့ပစ်လိုက်နိုင်စွမ်း မဟုတ်ခဲ့ပဲ အရာအားလုံးကိုအမြဲ တစေ မှတ်မိနိုင်စွမ်းသာ ဖြစ်၏။ ________________________ ❗❗❗ I don't own this novel. This is fan translation . Fully credit to original autho...
