#عشگ_الاربعين
#البارت_الثالث
رقيه.....
طلعت لكيت حسين واكف بره بلحديقه تقربت منه..
رقيه _ كالو تريدني
حسين _ اي تعالي... اسمعيني رقيه اني اعرف انتي متاذيه هنا تره رازقيه بت عمي واعرفهه كلش زين ماتتعاشر.. زين ليش ماتقبلين تجين ويانه
رقيه _ مااريد ازوج كلشي مااريد بس ابني يبقه يمي عفيه لا تحاربوني بي
حسين _ ابنج محد ياخذه منج.. شلون نرضاهه يعيش بلا ام وابو بس انتي لو تفكرين بمصلحته راح تشوفين الروحه ويانه ويربى بين اهلهه احسن اله.....
رقيه _ يعني انت قبلت نتزوج
حسين _ شوفي رقيه اني لو صاير عندي بنيه اول ماازوجت جان هسه هي بعمرج... وشي ثاني اني عندي ثنين ومامفكر بزواج بس حته تبقين تحت حمايتي اعقد عليج بس اضل اخو الج وهذا الشي ماراح يتغير
رقيه _ اذا هيج تكول اني موافقه....
حسين _ بس هاا هذا الشي يبقى بيناتنه
رقيه _ وليش
حسين _ ههههههه حته تخلصين من لسان الحجيه.. يلا كومي حضري ملابسكم باجر من الصبح نطلع
عفته ودخلت جوه رحت لغرفتنه اسمع فاطمه تحجي بلموبايل وي واحد دخلت عليهه سدته
رقيه _ ولج فاطمه منو هذا حبيبي تكوليله
فاطمه _ شنو حبيبي منو كال هاي صديقتي
رقيه _ احجي ولج والله سمعتج تحجين وي ولد
فاطمه _ صوتج شبيج فضحتينه... اكعدي واسولفلج
رقيه _ يلا وهاي كعدت سولفي
فاطمه _ شوفي هذا ولد اسمه سامر يحبني
رقيه _ عزا بعينج منين يحبج
فاطمه _ اسكتين لو ابطل مااسولف
رقيه _ يلا احجي
فاطمه _ تعرفت عليه جان دائما يوكف الي من اروح للمدرسه وبعدين صارت علاقه بيناتنه واخذت رقمه...
رقيه _ ولج خاف يضحك عليج
فاطمه _ لا والله يحبني.. ولج رقيه شايفه شنو من فلوس عنده ولسياره تخبل بس عطرهه يجنن
رقيه _ يمه وانتي وين شامه عطرهه بس لا تصعدين ويا
فاطمه _ بس شكم مره يوصلني
رقيه _ ولج فطوم خايفه عليج اشو مامرتاحه
فاطمه _ معليج مني هسه كوليلي شصار شيريد حسين.. تره والله رجال يجنن هههههه هيبه ووقار
رقيه _يمعوده اريد بس اخلص.. قبلت وباجر اروح وياهم
رحت لميت ملابسنه وثاني يوم ودعت اهلي وطلعنه ولحجيه الطريق كلنه مكيفه بعلاوي وتلعب ويا لمن وصلنه ميتين من التعب دخلت وسلمت عله البنات شويه وصعدت فوك لغرفتي.. ختنكت حيل من طبيت الهه احس بوجود علاء بيهه.. شفت ملابسه وصورته كعدت ابجي اباوع لعلاوي يلعب اكوله ليش انحرمت من ابوك وعشت يتيم مثلي لو هسه موجود جان هسه يموت عليك ومدللك وماتبهذلنه هيج... ضليت ابجي واعاتب بلصور
شويه وجان تنفتح الباب حيل
سعاد _ سويتيهه ولج تردين تاخذين حسين والله عرفتج مو هينه بس شيخلصج مني.. ال...
سمعنه صوت حسين عله الدرج اني ضليت بمكاني وشابكه علاوي دخل الهه ومرته الجبيره ورا
حسين _ سعاااد والله اذا اسمع صوتج عالي اموتج.. وامشي نزلي جوه
سعاد _ بشنو مقصرين احنه هااا لو قرو براسك
كمشهه من شعرهه حيل...
حسين _ منو ولج اليقره براسي هااااا.. لو تردين اخذ اذنج..
جرهه ونزلهه جوه وعاط بيهن ينزلن كلهن... دار وجهه شافني بس دموعي تجري
حسين _ ميخالف رقيه لاتاخذين بخاطرج منهن.. وذني اني اعلمهن
رقيه _ حقهن اذا سون هيج...
حسين _ ما الج دخل بيهن ولا تحجين كلمه وياهن ماشي حته لو اذنج بلحجي سكتي وتعالي كوليلي اني اصرف وياهن..
رقيه _ الله كريم
حسين _ انطيني علاوي راح اطلعه وياي... محتاجه شي
