#البارت_الرابع
#عشگ_الاربعين
رقيه....
فتحت الباب هو دخل وراح كعد عله الجربايه.. باوعتله مستغربه..
رقيه _ خير اكو شي..
حسين _ فرشيلي هنا بلكاع
رقيه _ وليش تريد تنام هنا
حسين _ رقيه بلا حجي زايد والله روحي خلصت منجن ومن مشاكلجن.... كتلج فرشي انام هنا..
رقيه _ بس احنه شنو اتفقنه
حسين _ يابنتي ماالي دخل بيج بس حته لا يصير حجي زايد ومابيه حيل لزعل الحجيه ابات ليله هنا نخلصهه شلون مجان.. فرشي فضيني وراي شغل من الصبح يلا بنتي
رقيه _ ماعجبني الحجي وضجت كلش.. كتله احنه انام بلكاع ابقه انت. عله الجربايه
حسين _ لا مكانج لا تغيري. ميخالف فرشيلي بلكاع
رقيه _ متعوده اني انام بلكاع
عفته ورحت فرشت الي ولعلاوي هو هم تمدد عله الجربايه وخله ايده عله عيونه.. جريت علي حته ينام بس هذا ميقبل يريد يصعد يمه بقيت حاصرته وهو يبجي ضوجني كلش كمت اصيح بي.. حجه حسين وهو بعده مخلي ايده عله عيونه
حسين _ عوفي خل يجيني
رقيه _ لا اريده ينام
عدل كعدته وكال
حسين _ كتلج عوفي الطفل تعال عموو
عفت ايد علي بسرعه راح اله وحسين حضنه وضل يبوس بي رغم ضايج ويريد ينام بس بقى يشاقه وي علاوي ويلعب ويا بعدين كله روح نام كافي.. شويه واجاني علاوي نيمته ونمت كعدت الصبح مالكيت حسين طالع... نزلت جوه شفت سعاد
رقيه _ صباح الخير
سعاد _ ياخير هذا اليجي من وراج ارتاحيتي هسه من اخذتي بله مااستحيتي ماعندج خجل
رقيه _ عفتهه تحجي ورحت سويت ريوك الي ولابني هي ضاجت اكثر
سعاد _ مو كاعد احجي وياج خرسه ماتحجين
رقيه _ شتردين شاحجي... جاي تتجاوزين عليه واني ساكته الج
سعاد _ والله مااخليج تتهنين بسيطه...
دخل حسين هي سكتت كعد يتريك واخذ علاوي بحضنه احسه حيل يحبه ومهتم بي ضل يسال بي شتريد شاجيبلك اباوع عله سعاد تريد تنفجر من الغيره شويه ودخل اخوهه محمد هذا دائما يجيهم سلم وكعد يم حسين اني استحي منه اخذت علي وطلعت كملت شغلي وصعدت لغرفتي نضفتهه..
بقى حسين كل يوم يبات يم وحده وهنه حيل كامن ياذني بلحجي حته الحجيه غيرنهه عليه.. واكثر الشغل خلنه الي.. وبيوم جاي ننضف كلنه ونغسل البيت اسمع امال تعيط عله علي وهذا يبجي اجيت حاجيتهه
رقيه _ ليش اصيحين عليه هو طفل شيفتهم
امال _ لزمي ابنج احسلج مو انضف وحضرته يوصخ والله اموته موبس اضربه
اختنكت حيل منهه اخذته وسكته حيل اضوج عليه من يبجي مااريده يتاذه مثلي من جنت صغيره جنت دائما اتمنى عندي ام تدافع عني.. صعدته للغرفه وانطيته العاب ونزلت اكمل تنضيف بس حيل عصبيه صايره دخل حسين سلم بلكوه رديت عليه.. اخذت الزوليه اريد اشرهه صعدت عله طابوكه موجوده حته اسيطر.. بس مكدرت انلوت رجلي ووكعت حيل تاذيت اجت زينب تركض كومتني بس مااكدر امشي عليهه كعدت وضليت ابجي مدري من رجلي مدري اريد سالفه حته بس ابجي راحت صاحت حسين اجه
