#البارت_التاسع
#عشگ_الاربعين
حسن _ اني رايد زينب عله سنه الله ورسوله.. ومااريدك تردني
حسين _ بصراحه فاجئتني.. يعني اهلك قابلين بيهه لو شنو
حسن _ كلت اشوفك اول وبعدين اكول لاهلي
اني اعرف شلون اقنعهم
حسين _ لا هذا مو حجي روح شوف اهلك اول وكون راضين من طيب خاطر.. تدري زينب اختي الوحيده وعزيزه عندي هواي مامستعد اضحي بيهه.. وانت تعرف المشاكل البينه وبينكم صارلهه سنين شكد سعيت وحاولت ومافاد...
حسن _ حتى لو اهلي رفضو اني مستعد اخليلهه بيت وحدهه مو وياهم
حسين _ حسن انت زلمه معدل ونعم منك.. وتستاهل بس اختي ازوجهه بمشاكل وكطع من البدايه اعذرني مااكدر... هسه انت شوفهم وردلي خبر
حسن _ الله كريم... افاتح اهلي اليوم واشوف
حسين _ عله راحتك خويه
كملت شغلي ورجعت للبيت اول مادخلت عيوني ادور عليهه.. رحت للمطبخ لكيتهه واكفه سلمت عليهه
حسين _ وين علاوي ماشفته
رقيه _ بلغرفه يباوع عله التلفزيون
حسين _ روحي جيبي اريد اشوفه... وصبو عشه من وكت
رقيه _ ميخالف
رحت جبت علي اله لكيته يحجي وي الحجيه بس معصبين.. ماعرفت عليمن خليت علي ومشيت للمطبخ اكمل العشه...
شويه وسمعت حسين يصيح باسمي رحت اله
رقيه _ هاا تريدني
حسين _ روحي جيبي جهاز الضغط وقيسي لامي
ركضت جبته.. وقسته الهه طلع صاعد.. جابت سعاد علاجهه اخذته ونامت شويه حته ترتاح
حسين _ تعشو انتو اني مااريد..
كملت اني العشه وصعدت لغرفتي سبحت وبدلت دشداشه قصيره لان وحدي اليوم.. ونومت علاوي...
شويه واجه حسين..
رقيه _ هاا اكو شي
حسين _ لا ماكو شي بس حبيت ابات هنا اليوم
رقيه _ ليش مو البارحه انت هنا؟
حسين _ تخبل عليج هاي الدشداشه
رقيه _ حسين انت ليش هيج جاي تسوي وياي
عافني وراح كعد عله الجربايه ويحجي بهدوء.. اني رحت بدلت فوك هاي الدشداشه استحي ابقى بيهه..
حسين _ شوفي رقيه.. صح اني بلبدايه كتلج اضل مثل اخوج... وماجذبت عليج هاي راح يصير سنه اني متقرب منج؟ ... بس مهما يكون تبقين مرتي ومسجله باسمي.. يعني حلال اذا باوعت الج بغير نضره
رقيه _ ولتريده شنو
حسين _ كافي تصديني... وماتتقبلين قربي..
رقيه _ اني كتلك قبل واكولهه هسه مااريد رجال.. خليني هيج اني مرتاحه
