عشگ الاربعين

البارت الثالث عشر

#عشگ_الاربعين

#البارت_الثالث_عشر

رقيه _ مااهدد بس ضله بهذا البيت مااريد

حسين _ بسيطه اخذج باجر... بس لا تفكرين برجعه بعد....

عافني وطلع من الغرفه.. كمت اني لميت ملابسي وملابس علاوي... واخذت كلشي احتاجه.. ورحت نمت واني افكر شمدريهه الحجيه بينه اذا لاني ولاحسين مسولفين. لمن تعبت ونمت

ثاني يوم كعدت من الصبح بدلت صعدت امال كالت حسين يكول خل تنزل منتضرج بلسياره.

اخذت علي ولجنطه ونزلت رحت لغرفه الحجيه اعتذرت منهه وكلتلهه مو قصدي والله الكلمه وحدهه طلعت مني بس هي وجهه ثكيل عليه ماتحجي وياي سلمت عله البنات وطلعت صعدت بلسياره كلت صباح الخير ماجاوبني..

الطريق كله ساكتين لمن وصلنه نزل وياي بس سلم عله ابويه وامي وكال راح ارجع عندي شغل...

مااعرف ليش ضجت من طلع احس نفسي اختنكت ردت اكله اريد ارجع وياك لا تعوفني تمنيت يحجي وياي اي كلمه.. بس الضاهر حيل ضايج مني

صعدت الجنطه فوك بغرفتنه. صار شكد ماداخله الهه شفت جرباية فاطمه وملابسهه وحته عطورهه وكتبهه كلشي بمكانه.. كعدت بلكاع وكمت ابجي بصوت عالي واعاتب بيهه
صعدت امي عله صوتي وكامت تبجي وياي وتهدئ بيه

رازقيه _ كافي يمه اقريلهه الفاتحه ...

رقيه _ ولج يمه والله مشتاقتلهه ولج فاطمه شلوووون عفتيني والله محتاجتج والله اتمنى موجوده واسولفلج العندي مو جنتي الوحيده التسمعيني المن اسولف هسه منو اليفهمنيي
.... ليش عفتي كتبج ياروح اختج ياعمري شنو حالج هسه اكيد التراب غير وجهج الحلو.. حرمتينه من ضحكتج ليششش..

رازقيه _ ولج يمه كافي... هذا ابنج اخترع يشوفج هيج..

اخذت علاوي وحضنته...
رازقيه _ تعالي نزلي خل نتغده وكعدي يم ابوج شويه

رقيه _ روحي يمه هسه اجي...

نزلت واني ضليت صافنه بلغرفه واسترجع ذكريات كل مكان بيهه....

شويه وسمعت صوت احمد نزلت اله.. حضنته حيل

احمد _ ياهله شنووو هاي المفاجئه يمته اجيتو منو جابكم

رقيه _ الصبح اجينه جابني حسين

احمد_لعد ماضل

رقيه _ عنده شغل

احمد _ هاا براحته.. رازقيه وين غداج ميت من الجوع

رقيه _ هههههه يلا اني راح اصبلك

رحت صبيت الغده وكعدنه كلنه سوه تغدينه..

مر يوم يومين محد خابر وسئل علينه. بديت اضوج وألوم بنفسي ليش هيج سويت معقوله حسين بعد ميريدني.. لو ساكته ومخليته هو يحجي شجاني ورديت عله الحجيه.