#البارت_الحادي_عشر
#عشگ_الاربعين
حسين_ تفضلي بويه تعالي دخلي.. امال اخذيهه دخليهه جوه يم الحجيه وشوفوهه شنو محتاجه..
سعاد _ غير نعرف منو هاي
حسين _ بنت دخيله عدنه... مااريدكم تقصرون وياهه.. دخلي بويه لا تستحين واعتبري البيت بيتج.. وانشاءالله سالفتج مكضيه..
رقيه _ اخذنهه البنات وراحن واني صافنه عليه شنو يعني دخيله وشعدهه جابهه هنا.. اريد اسئل بس بطلت. درت وجهي جاي اغسل
حسين _ هاا رقيه شبي علاوي ماصار زين
رقيه _ لا...
حسين _ راح اروح شويه واجي حتى ناخذه للدكتور
رقيه _ مااروح.. ابقى انت هنا شغلك اهم
تقرب عليه
حسين _ شبيج رقيه... انتي ماشفتي الهوسه قبل شويه.. لا سوين هيج اذا ماتروحين اني اخذه
طلع.. اني اخذت المي ورحت لعلاوي. لكيت البنيه يم الحجيه ولبنات وكاعد تحجيلهن قصتهه وتبجي..
اخذت علي وصعدت فوك لغرفتي بدلت اله.. واني هم بدلت مااكدر اخلي بس حسين ياخذه.. شويه واجه كال يلا خل نروح..
رحنه للعياده ناس هواي وكلهه اطفال تبجي.. راح حسين يحجي وي الولد الواكف باب الدكتور.. شويه وكال تعالي.. دخلنه. الدكتور فحص علاوي كال عنده حمى فايروسيه وين جنتو عنه الطفل منتهي... بس كال هيج الدموع وحدهه تنزل مني.. كتبله علاج وكال خلو عله الاوكسجين لان متنك شويه..
طلعنه كعدني حسين وخليت علاوي بحضني وخلوله الاوكسجين وهذا يبجي ميقبل يخليهه عله خشمه... بلكوه لازمتهه كال حسين راح اروح اجيب العلاج ضليت بس اني مكابله علي وابجي خفت حيل عليه شويه واجه حسين كعد يمي وعلاوي اله يروح بحضنه اخذه وضل لازم الاوكسجين اله
حسين _ كافي رقيه.. كلشي مابي هسه ياخذ علاجه يصير زين
رقيه _ مااتحمل اشوفه هيج.. كون بيه ولابي
حسين _ علاوي سبع هسه ياخذ العلاج وتشوفي شلون يصير زين
خلص الاوكسجين كال يلا نرجع للبيت.. اول ماوصلنه تلكتنه الحجيه تسال وتبوس بعلاوي
امال _ هاا شلونه علاوي
حسين _ لا زين ماعنده شي... شلونهه هاي البنيه سويتو عشه الهه
سعاد _ اي نامت هسه خطيه حيل متاذيه
حسين _ ان شاءالله اشوف حل لسالفتهه
سعاد _ ابشرج رقيه هم تعوج بحلكهه مثلج.. هسه تتراهمن
رقيه _ اي خوش.. يلا من رخصتكم راح اصعد انوم علاوي
حسين _ روحي واي شي يصير تعاي كوليلي
صعدت فوك وانطيت علي علاجه ونومته ونمت ويا كعدت بليل اسمعه يهذي ومصخن تخبلت انطيته علاج مافاد رحت سويت كمادات مافاد.. شلون انزل لحسين خاف نايم بعدين كلت خل اروح مااعرف يم منو نايم دكيت اول عله امال لان اخاف من سعاد.. كالت لا مو هنا يم سعاد.. كلتلهه فدوه راح اصعد لعلاوي. صيحي انتي كالت روحي.
