#البارت_الثامن
#عشگ_الاربعين
رقيه.....
خلص محمد ونزل.. ذبيت الحجاب ورفعت الدشداشه وبديت اغسل السطح. اريد بس اخلص حيل تعبت.. مااحس غير حسين فوك راسي وصاير عصبي
حسين _ شعندج هنااااااا انتي وصخام
رقيه _ شنوو شكوو شبيك
لزمني من شعري حيل
حسين _ اني شكايلج شنو محذرج هاااا اجي الكاج انتي ويااا تغسلوون زوالي
رقيه _ هو صعد.. وشي ثاني واذا شر وياي قابل شمسوين
مااحس غير راشدي ضربني رجعت لوره باوعت اله مصدومه هاي اول مره يمد ايده عليه.. بس الدموع بقت تنزل مني
حسين _ حقيره وشمتضره تسوون...
رجع لزمني من دشداشتي
رقيه _ وخررر عني.. روح اسال سعاد هي الصعدته الي...
عاف دشداشتي وكال بسيطه اني اعلمجن.
نزل واني رحت لغرفتي واسمع بس صايح سعاد يضرب بيهه
الحجيه _ ولك يمه شبيك.. عوفهه راح تموت البت بين اديك
حسين _ تصعد محمد للسطح شكووووو مو تدري مااقبل
سعاد _ محمد عمره كله بهذا البيت من شوكت مايدخل.... لو خايف عله ست الحسن
لزمهه وكتلهه بلكوه وخروهه منه....
بهذا اليوم محد فطر كلمن دخل لغرفته وسدهه واني خليت ابني وكعدت فطرت بنستله وعصير بس حيل ضايجه من حسين لان ضربني...
ثاني يوم نزلت حته صباح الخير ماكلت الهن
سعاد _ هاااا ارتاحيتي من حشيتي عليه.. اني اعلمج
رقيه _ اني هم ضربني مثلج... كله منين غير منج
سعاد _ ولج ليش مااسكتين لا اجي افرك حلكج...
عفتهه ومشيت كملت تنضيف وصعدت.
.
الليله المفروض حسين يبات يمنه بس مااجه.. كلت بعد احسن.. ثاني يوم شفته وجهه ثكيل عليه اني هم ماحجيت ويا بس اشوف سعاد وين مايروح تفتر ورا وتشاقه بقى يومين لايبات يم سعاد ولا يمي...
صباح العيد نزلت سلمت عله الحجيه وعايدتهه وعله زينب اما سعاد ماتباوع بوجهي وامال بس سلام بدون بوس.. حسين طالع من الصبح للديوان الناس تجي اله تعايده.
كاعد نحضر بلغده.. اجه حسين سلمن عليه.. عايدته امال وباسهه من راسهه. وسعاد راحت اله هم عايدهه اني واكفه ردت يباوعلي حته اسلم عليه ماباوعلي حجه وياهن كالهه حضرن الغده الناس منتضره وطلع حيل ضجت منه... شنو ذنبي هيج يسوي وياي بقن امال وسعاد يضحكن كيفن لان ماسلم عليه بس عليهن.... بلكوه كملت الغده وصعدت... مانزلت حته للعشه. طفيت الاضويه ونومت علاوي بحضني.. بديت اريد اغفه مااحس غير الباب انفتحت عرفته حسين اجه ونام يمنه عله الجربايه.. اني طفرت
