#عشگ_الاربعين
#البارت_الخامس
فاطمه..
رحنه للحمامات واني اندعي كون ماكو شي اخذت اختبار الحمل من سرى
فاطمه _ ابقي هنا خاف تجي وحده
سرى _ يلا واكفه بسرعه لا يدك الجرس
اخذته ودخلت سويته شويه وبين خطين ضربت وجهي حيل وكمت ابجي ...
سرى _ فاطمه شبيج فتحي الباب ولج فاطمه
فتحت الباب وطلعت واني جسمي كله يرجف
فاطمه _ ولج حامل.. شلون بيه شلوون والله يموتوني
سرى_ صوتج ولج لا وحده تسمعنه تعالي خل نطلع
رحنه وكعدنه بمكان مابي طالبات
فاطمه _ ولج كولي شاسوي شلون بيه
سرى _ شنو شلون بيج كولي لسامر وخل يجي يخطبح.. لعد هو مافكر بيج
فاطمه _ هو ميريد ومحذرني بس اني مرات انسى اخذ من الحبوب الجابهه الي لان ضامتهن شمدريني هيج يصير...
سرى _ كافي تبجين الطالبات يباوعن علينه
فاطمه _ لازم اذبه سرى شوفيلي طريقه فدوه ماعندي غيرج
سرى _ صدك تحجين وليش تذبي ولج شوفي سامر اول
بقيت ابجي حيل انهاريت حسيت بلحضتهه بندم قوي شسويت بروحي اني.. بلكوه خلصت الدوام وطلعت اريد بس اوصل للبيت واخابر سامر.. وصلت تلكتني امي سلمت عليهه
رازقيه _ شبيج يمه شو ماعاجبني وضعج ليش هيج عيونج شنو باجيه
فاطمه _ شويه مو زينه بلامتحان وبجيت
رازقيه _ ياا عله هاي لا انتي سباعيه وشاطره اريدج تصيرين دكتوره..
فاطمه _ باوعت الهه بودي احضنهه واسولف الهه القهر البكلبي بس مااكدر.. كلتلهه الله كريم ماما.. راح اصعد انام لا تكعديني مااريد غده
عفته وصعدت.. سديت الباب وخابرت سامر
سامر _ هله بلحب هله بمرتي مشتاقلج ولج
فاطمه _ هلوو سامر.. عندي موضوع وياك
سامر _ خير شبي صوتج صاير شي
فاطمه _ سامر اني حامل
سامر _ هههههه اكيد تشاقين شنو حامل
فاطمه _ والله مااشاقه اليوم سويت اختبار حمل وطلعت حامل
ضليت ابجي واني اسمعه صار عصبي ويغلط ادري بي ميقبل
سامر _ اني شكلت الج هاااا مو جبتلج صخام كتلج اخذي.. اضحكين عليه انتي احجيي... عود سويتي هاي السالفه حته اخطبج والله تحلمين
فاطمه _ شنوو احلم انت شكلت سامر لا تسوي هيج عفيه والله يموتوني..
سامر _ مو مشكلتي والله اني حذرت وكتلج مااريد حمل لا وضعي هسه ولا ضروفي تسمحلي افاتح اهلي بسالفة زواج شوفيلج طريقه تذبي
فاطمه _ صدك تحجي والله حرام عليك.....
كبل سد الموبايل بقيت ابجي والطم عله وجهي والف فكره اجت ابالي شسويت اني شحصلت من ازوجت من وره اهلي ليش خليته يضحك عليه غرني بفلوسه وسيارته ولاحلام العيشني بيهه ولوعود تالي بسهوله يريد يتخله عني...
