عشگ الاربعين

البارت السادس

#البارت_السادس

#عشگ_الاربعين

رقيه...

كعدت الصبح بلكوه امشي عله العكازه مااعرف الهه بس كدرت ابدل وكعدت علاوي بدلت اله.. شويه وصعد حسين شافني كال

حسين _ صباح الخير
رقيه _صباح النور
حسين _ تدرين راحت من بالي رجلج مكسوره شلون تروحين هيج
رقيه _ عادي اكدر

حسين _ شلون تكدرين ضلي وبعدين اني اخذج الهم
رقيه _ لا عفيه والله بدلت وتحضرت.. اريد اشوف فاطمه ماشفتهه البارحه شلون محتاجتني..
حسين _ يلا بويه ميخالف اذا كملتي خل نروح

رقيه _ اي كلشي كملت بس علاوي اخذه وهاي الجنطه
حسين _ وانتي شلون تنزلين الدرج
رقيه _ خل تجيني زينب

حسين _ يلا هسه اوديهه الج

نزل واخذ علاوي ولجنطه ودز زينب الي نزلتني.. لكيت الحجيه كاعده ولبنات سعاد وامال بس ماعاجبهن الوضع سلمت عليهم

رقيه _ صباح الخير..

الحجيه _ صباح النور.. زين هسه شفناج وكت الشغل ولنزله ماتكدرين معلكه فوك ولاكل يصعد الج... هسه اشوفج كلشي مابيج وتكدرين

رقيه _ماعرفت شاحجي وياهه بس همزين دخل حسين
حسين _ يمه موكتلج ابوهه متخربط ويريدهه ليش اضلين هيج تحجين

الحجيه _ انت اسكت شايله بكلبي عليك.. ولك قبل يومين اكلك اخذني لكبر اخوك اشوفه عمت عيني عليه.. تكلي شغل بعدين نروح وهسه ماخذهه وتريد لبغداد

حسين _ كافي يايمه والله بس ارجع اخذج... اني سوالف النسوان هاي مالي خلك الهه.. ورانه طريق.. امشيي رقيه صعدي بلسياره..

عفتهم ومشيت صعدت لكيت علاوي بلسياره يلعب انتضرته شويه واجه صعد بس كلش ضايج

رقيه _ اسفه والله لو ادري مامسولفه الك..

باوعلي ودار وجهه يسوق
حسين _ عادي مصار شي متعود عله امي...

بقينه الطريق كله ساكتين لمن وصلنه بس حيل تعبانين من الطريق نزلنه وسلمنه عله امي وابوي شفته حيل مريض حته حجي ميكدر يحجي شبكته وبجيت شويه ونزلت فاطمه حضنتني حيل وكامت تبجي من شفتهه هيج زدت بلبواجي حسيتهه مكسوره مو فاطمه الاعرفهه حيل متغير شكلهه.. سلمت عله حسين بس متباوع بوجهه شويه ورحنه بغرفه احمد

رقيه _ شلونج يكلبي ولج والله موتيني عليج من الخوف.. ليش هيج سويتي بروحج

فاطمه _ ولج رقيه... كلبي عله ساعه ويوكف من الخوف مااعرف شسوي..

رقيه _ بلكت يكدر حسين يقنعه ماعليج لا تخافين.. والله تنحل وتصير سوالف

فاطمه _ ان شاءالله.. ولج شبيهه رجلج ليش هيج
رقيه _ اسكتي غير وكعت..