#البارت_الثاني
#عشگ_الاربعين
رقيه...
بقى حسين يتصل بكل الناس اليعرفهم لمن وصلنه للضابط مالتهم.. كال تعرضنه لمواجهه وي الدواعش وفقدنه عدد من الجنود قسم استلمنه جثثهم وقسم بعد مفقودين.. وعلاء من المفقودين
حسين _ سيدي فدوه نروحلك ننتضرك تبشرنه بعلاء عايش
الضابط _ اني اتصل عليكم
حسين _ الله وياك سيدي... سد الموبايل من عنده وكال لا تخافون مابي شي.. علاء سبع هسه تشوفون.. بقت الحجيه تبجي وتندعي.. اني مااعرف شنو اسوي كاعده واباوع عله الباب كل ساعه اكول هسه يجي ويصيح باسمي من بره مثل كل مره من ينزل صبو العشه بس محد اله نفس ياكل.. اباوع عله حسين لازم الموبايل وعيونه كلهه قلق خابر عله ولد عمه اجو يمه بقو يحجون بصوت ناصي مااعرف عليمن... شويه واتصل الضابط طفر حسين فتح خط وكلنه نباوع عليه شويه ونخطف لونه سد الموبايل وكال
حسين _ علاء استشهد
بس كال هيج وسمعت صوت البنات يعيطن بسرعه دخت واحس الاصوات شويه شويه تختفي...
كعدت اني بلمستشفى وايدي كلهه مغذي وبس سعاد مرت حسين يمي... تبجي. كلتلهه
رقيه _ سعاد يعني علاء مات صدك مات
سعاد _ راح خييه شاب مثل الورد
رقيه _ بقيت ابجي حيل لمن دخل ابن عمهم جاي وي سعاد كلتلهم طلعوني اريد اروح
شويه وطلعنه شفت الشارع شلون مخبوص بلناس دخلت وشفت النسوان كلهه تبجي ولحجيه متخربطه للصبح جابو الجنازه مالته لافينه بلعلم دخلو يمنه شمرت نفسي عله التابوت اذكر ضحكته وياي ومن يشاقه صح كل الفتره العشتهه ويا ست اشهر بس حيل تعلقت بي لان مااذاني ولا سمعني كلمه مو حلوه حضنت التابوت
رقيه _ كوووم علاء كوووم. لا تسوي هيج عفيه شلون تريد تروح وتعوفني شلون تروح وبعدك مشايف ابنك.. ربيييي ليش حرمتني منه والله بعدني مشبعت منه ربيييي ....
جروني لان كالو يردون ياخذو دخلو الولد حته ياخذو شفت حسين بس مو هذا الشيخ الهيبه حيل منكسر ودموعه وحدهه تنزل..
بقينه تلاث ايام الفاتحه بس بواجي لا اكل ولا نوم البيت انكلب حزن اجت امي رازقيه وفاطمه وابوي للعزه... صعدن فوك لغرفتي بقن يمي اتصل ابوي بيهه كالهه حضرو نفسكم نرجع لبغداد ورقيه خل تجي وياجن ماترهم بعد تبقى هنا
رازقيه _ يااا وتعوف عيالهه وتجي ويانه ليش غرفتهه وكاعده
سعد _ بدون حجي رقيه لازم تلزم عده مايصير جيبيهه وبعدين نتفاهم
رازقيه _ شوف هذا ولج كعدي هنا احسلج شوفي هاي الغرفه المن تخليهه خايبه ماعولت عرستج رديتيلي انت وطفل
رقيه _ شبيج يوم هو بايدي هذا حضي بعد...
فاطمه _ كافي بس تبجين مو زين عله الطفل ويلا خل نطلع اني حيل تعبت
اخذنه ملابسنه ونزلت سلمت عله الحجيه..
الحجيه _ الج منا لمن تجيبين ابن علاء اريده يمي اريد اشوف ابني بي.. افتهمتي
رقيه _ الله كريم.. عفتهه وطلعت ماردت احجي وياهه وهي اصلا تعبانه....
رجعت لبغداد..
ورجعت لعرك رازقيه وهل مره زادت وياي لان مااكدر اشتغل اذكر علاء وحنيته وطيبته وياي اكول ليش مامكتوبلي الفرح كلت خلصت من الهم ولمشاكل تالي راح وعافني حياتي ويا مثل الطيف مرت سريعه ماحصلت غير بس الطفل.. بقيت دائما احجي ويا بدت بطني تكبر واحس بي من يتحرك.. افرح كلش وعدت نفسي ووعدته مااحرمه من شي واعوضه عن كل شي انحرمت منه اني...
عيالي انكطعت أخبارهم لا واحد اتصل ولا سئلوا.. ابويه بهاي الفتره حيل تمرض وكعد من الشغل بقى بس احمد يشتغل ويادوب يكفي مصرف للبيت وعلاج لابويه بقيت حايره شلون اذا جبت عمليه منين اندبر الفلوس.. ضليت اندعي بلكت طبيعي.. مرت فتره حملي بس حيل تعبت لان عمري صغير ولا مره رحت للدكتوره لمن بدت عندي الأم الولاده وجان لليل ولكل نايمه واني تخربطت
