#البارت_الاول
#مشهد
حسين_ صباح الخير
رقيه _صباح النور اسويلك ريوك
حسين_اذا مابيهه زحمه عليج
رقيه _لا عادي هسه اسوي
واكفه وجاي تسوي مااعرف ليش صارت عندي رغبه قويه اروح احضنهه بقيت اباوع عليهه مااشوف نفسي غير رحت وخليت ايدي عله خصرهه وقربت وجهي من ركبتهه ردت بس اشم ريحتهه هي بسرعه دفعتني..
رقيه _هاي شجاي تسوي ديربالك تتقرب مني هيج
حسين _صوتج ولج لاترفعي. وشي ثاني هذا حقي مامسوي شي غلط
رقيه _ حقك روح اخذه من نسوانك اني ماالك دخل بيه.. دمعتي صارت بطرف عيني حيل اخاف منه من يعصب تقرب عليه ولزم وجهي بايده حيل ويحجي من بين اسنانه
حسين _ اذا اريد اخذ شي منج اخذه غصب عنج ماتمنعيني انتي
عافني ونزل ايده كعدت عله الكرسي ابجي كتله
رقيه_ وين حجيك من اجيت ودكيت صدرك الي وكتلي بس قبلي راح تبقين بس بحمايتي واضل مثل اخوج.. هاا
بااوعلي بنضره معاجبه وطلع.......
...............................
رقيه _
اني رقيه عمري حاليا ٢٧ سنه بس الحياة كبرتني هوااي ماعشت طفوله مثل باقي البنات ماشفت الدلال انحرمت من امي واني صغيره عشت تحت رحمه مرت الابو جنت اشوف التفرقه بتعاملهه وي ابنهه وبتهه.. واحسدهم بداخلي لان محد يصيح عليهم ولا ينضربون ابوي من النوع اليسمع الهه شنو تكوله يصدك.. ماشفت حنيه من ابوي ومااذكر مره حضني او باسني.. وبيوم بلغت ودخلت بعمر مراهقه.. رازقيه مرت ابوي ماكو واحد ماكلتله تخبلت جنت اني حيل استحي واكولهه يمه ليش تكولين للنسوان اليجن عني والله عيب
رازقيه.... انجبي ولج خل يعرفن بلكت ياخذنج جا اضلين عله كلبي
رقيه_بس اني مااريد ازوج اريد اكمل دراسه
رازقيه... ياااا ولج دراسه شني البت اولهه وتاليهه تعرس
بقيت ادرس لان حيل احب المدرسه بس بيوم اجت نسوان يخطبني لولد شايفني من اروح للمدرسه.. ابوي ماقبل وضلت امي رازقيه تكوله زوجهه احسن لا جيب الك سالفه اكيد هي تباوع للولد واجه عاشكهه ضلت اطلع سوالف وابوي كتلني وبطلني من المدرسه اكوله مو هاي اختي تدرس يكول انتي حلوه اجيبين سالفه النه كعدي وسكتي... اضوج من اشوفهه تبدل وتروح واني ابقه بلبيت..
بيوم سمعت امي رازقيه تحجي وي ابوي عن ناس عرفت راح تزوجني اجه ابوي وحاجاني كمت ابجي..
رقيه _ بس بابا اني مااريد ازوج
رازقيه _ ياااا ولج تراددين مثلج جنه نستحي وندنگ جا هي بكيفج
سعد_ سكتي يمره خل احجي وياهه بابا البنيه اولهه وتاليهه تتزوج وانتي كبرتي وماشاءالله حلوه ومره وذولي ناس زينين ونعرفهم
رقيه _ بس اني سمعت بلعماره يعني بعيدين مااريد اعوف بغداد واروح لهناك
رازقيه._ خايبه بلكوه قنعتهم عدنه بت للزواج تردين نبطل..
عفتهم ورحت لغرفتي ابجي لمن نمت كعدت الصبح عله عياط رازقيه
رازقيه_ كومن ولجن بعد مانلحك الوادم راح تجي
فاطمه _ياوادم ماما خلينه انام اليوم عطله
رازقيه _ كومن خل ننضف البيت فشله وكومي انتي يلعروس حته تتحضرين
طفرت من الفراش من كالت هيج
رقيه _يعني قبلتو
رازقيه _ وشتريد ننتضرج قسمه وزينه ليش نرفض يله كومن ونزلن وراي بسرعه
رقيه _ ولج فاطمه راح يزوجوني حبابه كليلهم مااريد بلكت يسمعون منج
فاطمه _ يا حبيبتي لا تبجين يمكن ناس زينين واني سمعت عدهم فلوس هواي دخلصي من الفگر هذا وطلعي.. عاجبتج هاي عيشتنه
بقت تحجي وياي وللعصر اجت الناس الزلم ترسو البيت ونسوان.. نزلت سلمت عليهن شفت امه مره جبيره كاعده عله الكرسي ولافه راسهه مثل العمامه ولازمه العوجيه بايدهه وتباوع عليه من فوك لجوه سلمت عليهه وكعدت... عقدو النه بسرعه لان كالو مكان بعيد مانكدر يوميه نجي والزواج هم قريب...
