💔 မောင့် အသည်းခြွေတဲ့ ပန်း 💔
အခန်း (20)
🍒🍒🍒🍒🍒🍒🍒🍒🍒🍒🍒🍒🍒🍒
" မာမီ ဘာတွေလုပ်နေတာလဲ။ကျွန်တော်တို့ ရောက်နေတာကြာပြီ ဘာလို့ထွက်မလာတာလဲ။အိမ်ရှေ့မလာဘူးလား။မတ်မတ်နဲ့ကျွန်တော့် ကို စကားမပြောချင်လို့လား။"
ဒေါ်မီမီ ချွေးမလေးက ပထမဆုံးအကြိမ် အိမ်လာတာမို့... ကိုယ်တိုင် မီးခန်းဝင်ပြီး အစားအ သောက်တွေ ချက်ပြုတ်ပြင်ဆင်နေချိန်...ကျောနောက်ကနေ ခါးကိုဖက်ပြီး... ပခုံးထက်၌ မေးတင်ကာ ပြောလာတဲ့... သားကြောင့် အသုပ်နှယ်နေတဲ့ လက်ရေအမြန်
ဆေးကာ...
" ဘာပြောနေတာလဲ သား။မာမီ ချွေးမလေး
နဲ့ သားကို တွေ့ချင်လို့ကို တမင်အိမ်မှာ ညစာစားဖို့ခေါ်တာလေ။ပြီးတော့... သားတို့ရော က်နေတာကို ထွက်မလာတာက မာမီ ချက်လက်စဟင်း၊သုပ်လက်စဖြစ်နေတဲ့ အသုပ်က၊ မပြီးသေးလို့ ထွက်မလာတာ။အခုမှ အသုပ်က သုပ်ပြီးလို့ ထမင်းစားဖို့လာခေါ်တော့လို့ပဲ။ပြောစမ်းပါ မာမီ က ချွေးမလေး နဲ့ သားကို စကားမပြောချင်ဘူးလို့ ဘာလို့ထင်ရတာလဲ။ "
မိုင်း သူ့စကားကို ဘဝင်မကျဖြစ်နေတဲ့ မာမီ
ကို ပွေ့ဖက်ပြီး....
" စိတ်မဆိုးပါနဲ့ပါ မာမီ။ကျွန်တော် က ဘာ
ရယ် မဟုတ်ပြောလိုက်တာပါ။ဘာတွေချက်
ထားလဲ။ကျွန်တော် မာ့မီ ဟင်းလက်ရာတွကို လွမ်းနေတာ။ ဒီညအများကြီးစားမှာနော်။ဟင်းတွေအများကြီး ချက်ထားတယ်မလား။ "
ဒေါ်မီမီ သူ့ကိုပွေ့ဖက်ပြီး ပြောလာတဲ့ သား
နဲ့ ကိုယ်ချင်းခွာလိုက်ပြီး...
" သားကို မာမီ စိတ်မဆိုးပါဘူး။နောက်ကိုတော့ အခုလိုထပ်မပြောမိစေနဲ့။မာမီ စိတ်မ
ကောင်းဖြစ်ရတယ်။ "
" ဟုတ်ကဲ့ မာမီ။ "
" ဟင်းတွေကအများကြီးချက်ထားတယ်။သားအကြိုက်ဆုံးဝက်သားအိုးကပ်ချက်နဲ့ ချဥ်ပေါင်းငါးခေါင်းဟင်းရည်လည်းချက်ထားတယ်။ငါးကြော်နှပ်ရောပဲ။ "
" မာမီ ပြောပြနေတာနဲ့တင် ကျွန်တော် ဗိုက်
ဆာလာပြီ၊ဟင်းနံ့တွေကလည်း မွှေးနေတာ
ပဲ။ "
