Unicode~
"လူကြီး ကျွန်တော်နဲ့တွဲမယ်"
မျက်လုံးများမှိတ်သည်အထိရယ်ပြီးပြောနေသော ထိုကောင်လေး။ ပုပုသေးသေးလေးနဲ့ ဖြူဖြူလုံးလုံးလေးမို့ တစ်မျိုးတော့ ချစ်ဖို့ကောင်းသည်။
"ငါက ဘာလို့မင်းနဲ့တွဲရမှာလဲ"
"ကျွန်တော်က လူကြီးကို ချစ်တာကိုး"
ဘယ်လိုကလေးက ခုလောက်ထိ ပွင့်လင်းနိုင်မှာတဲ့လဲ။ ၀တ်ထားတာက ကီရင်အထက်တန်းကျောင်း၀တ်စုံလေးနဲ့ မျက်နှာလေးက ကလေးသာသာ။ ဒီလိုကလေးက ကျွန်တော့်ကို တွဲဖို့ ဖွင့်ပြောနေတာတဲ့လား။
"မင်းအသက်ဘယ်လောက်လဲ"
"ဘာလဲ။ အသက်မပြည့်ဘူးထင်လို့လား။ ၁၈ပြည့်ခဲ့ပြီ။ အထက်တန်းလည်း ပြီးတော့မယ်။ တွဲမယ်မလား"
"အင်း တွဲမယ်"
နာမည်တောင်မသိသော ကလေးသာသာကောင်လေးကို ဘာကိစ္စတွဲမယ်လို့ချက်ချင်းဆုံးဖြတ်မိတာလဲ။ ကျွန်တော်ကိုယ်တိုင်တောင် နားမလည်တော့ပါ။ အချစ်တွေဘာတွေမသိပေမယ့် ကျွန်တော့်ရှေ့က ထိုကလေးက ချစ်စရာကောင်းလွန်းတာ သေချာသည်။
"ကျွန်တော် Park Jimin. ကီရင် အနုပညာကျောင်း အကဌာနက။ Conquerorမှာ Audition ၀င်ဖြေရင်း လူကြီးကိုတွေ့တာ"
Idolဖြစ်လောက်တဲ့ပုံစံလေးပါပဲ။ ကောင်မလေးတွေ သဲသဲလှုပ်ကြမယ့်ပုံစံမျိုးမို့ အဆိုအကသာကောင်းကောင်းရရင် ချက်ချင်း Auditionအောင်သွားနိုင်သည်။
"ကိုယ်က Min YoonGi. Jeon JungKook ရဲ့ မန်နေဂျာ"
"အဲ့တာတွေ အရေးမကြီးပါဘူး။ လူကြီးနဲ့ကျွန်တော် ဒီနေ့ကစပြီးတစ်ရက်နော်"
ပြောရင်းဆိုရင်း ကျွန်တော့်ဖုန်းကို လုပြီး သူ့ဖုန်းနံပါတ်ရိုက်ထည့်သွားသည်။ ဖုန်းဆက်ဖို့အမူအရာနဲ့ ပြသွားပြီး တက္ကစီတစ်စီးပေါ်သို့ ပြေးတက်သွားသည်။
တွဲမယ်ပြောသွားပြီး ကျွန်တော့်ကို အိမ်လိုက်ပို့ဖို့မပြောတာတော့ မဟုတ်သေးဘူးမလား။ ဒီကောင်လေးက လက်ရဲဇက်ရဲနဲ့ သူလုပ်ချင်ရာ လုပ်တော့တာပဲ။
