Unicode~
"MRI စစ်ဆေးချက် ထွက်လာပြီ"
တာဝန်ကျဆရာဝန်ရဲ့ သတိပေးစကားကြောင့် YoonGi ဓါတ်ခွဲခန်းသို့ လိုက်သွားလိုက်သည်။ ဘာမှထူးထူးထွေထွေမဖြစ်ဖို့လည်း မျှော်လင့်ရင်းပေါ့။
"အခြေအနေ ဘယ်လိုရှိလဲ ဒေါက်တာ"
"ဦးနှောက်ရှေ့ပိုင်းကို တော်တော်ကြီးထိသွားတယ်။ မှတ်ဉာဏ်ပျောက်ဆုံးနိုင်ချေရှိမရှိကတော့ ၅၀ရာခိုင်နှုန်းစီပဲ"
MRI ရလဒ်က သိပ်ပြီးအားရစရာမရှိ။ လေးလံနေသော ခြေလှမ်းများဖြင့် တစ်လှမ်းချင်း လျှောက်လာသည်။ အသက်အန္တရာယ်အတွက် အတိအလင်းပြောထားခြင်းမရှိပေမယ့် အတွေးထဲမှာ မကောင်းတဲ့စိတ်ကသာ ကြီးစိုးနေသည်။ အထူးကြပ်မတ်ဆောင်ဆိုတဲ့ အခန်းထဲဝင်လိုက်သော ကုတင်ပေါ်မှာ သူငယ်ချင်းအရင်းကြီးက ငြိမ်သက်စွာ လဲလျောင်းနေသည်။ ဘယ်လိုပဲ တစ်ယောက်ကိုတစ်ယောက် ဆူဆူဆဲဆဲနေကြပါစေတော့ သံယောဇဥ်မနည်းရှိနေဆဲပင်။ ဒီလို မြင်ကွင်းမျိုးကို မြင်ရဖို့ ပေါင်းသင်းလာတာ မဟုတ်ဘူး သူငယ်ချင်းရေ။
"လူကြီး ခုဘယ်လို ဆက်လုပ်ကြမလဲ"
"နယူးယော့ခ်ပြောင်းဖို့ လုပ်ရမှာပေါ့"
YoonGiက Conquerorရဲ့ ဝန်ထမ်းမို့ တခြား Idolတစ်ယောက်ရဲ့ မန်နေဂျာဆက်လုပ်ဖို့ CEOက တိုက်တွန်းသော်လည်း YoonGiက ကုမ္ပဏီက နှုတ်ထွက်ပြီး JungKookကို နယူးယော့ခ်အထိ လိုက်စောင့်ပေးဖို့သာ ရွေးချယ်လေရဲ့။ Jiminကတော့ Traineeကာလမို့ ကိုးရီးယားမှာသာ နေခဲ့ရမှာ ဖြစ်ပြီး JungKookရဲ့ အမှုအတွက် ဖခင်ဖြစ်သူကို အကူအညီတောင်းပြီး အစကနေပြန်လိုက်ရန် စီစဥ်နေလေရဲ့။
"နယူးယော့ခ်ရောက်ရင်လည်း ဆေးရုံစောင့်ပဲလုပ်ရမယ်နော်"
"ဘာလဲ။ ကိုယ်က တခြား အလုပ်တွေလုပ်ပြီး အပင်ပန်းခံနေမှာစိုးလို့လား"
"မဟုတ်တာ။ အပြင်လျှောက်သွားနေရင် မျက်နှာဖြူချောချောလေးတွေနဲ့ တွေ့နေမှာစိုးလို့"
စိတ်ညစ်နေချိန်မှာ ပေါက်ပေါက်ရှာရှာ ရွေးချယ်ပြောတတ်သော ချစ်သူကြောင့် ကျွန်တော် ကြံဖန်၍ ပြုံးမိပါရဲ့။ Relationshipမှာ ကလေးဆိုးလိုဆိုးနေတတ်ပေမယ့် အရေးကြုံလာရင် အမြဲရင့်ကျက်ပြီး အကူအညီဖြစ်ပေးလို့ ကျေးဇူးတင်ရပါသေးသည်။