AllU

AllU(15)

[UNICODE]

"ဆေးခန်းလာပြတာလားခင်ဗျ??"

ဆေးခန်းဆိုင်းဘုတ်ကို မော့ကာကြည့်နေတဲ့ ဇော်ရဲတစ်ယောက် သူ့ရှေ့တည့်တည့်မှလာသော အသံတစ်သံကြောင့် အကြည့်တို့က ထိုအသံလာရာထံ လွှဲပြောင်းကြည့်လိုက်၏။

သို့သော် မော့မြဲမော့နေရဆဲ။ အဘယ်ကြောင့်ဆို အသံလာရာအရပ်သည်လည်း မြင့်လွန်းသောကြောင့်ဖြစ်သည်။

"ဒီကဦးလေးက ဆေးခန်းလာပြတာလားဗျ??"

ဦးလေး!!! အခု အရှေ့ကလူက သူ့ကို ဦးလေးလို့ခေါ်လိုက်တာလား??? နီကြောင်ကြောင် ဖွာလန်ကြဲဆံပင်တွေနဲ့ ပြီတီတီပြောင်စပ်စပ်ရုပ်နဲ့ အရှေ့ကကောင်ကလေ??? ဝတ်ထားတဲ့Designကိုရှိုး ပြောင်ပြောင်ရောင်ရောင်Black Lather Jacketရယ် ဘောင်းဘီက ဟိုပြဲဒီဖာ Black Jeanရယ်နဲ့ ပုံစံက လုံးဝကို ကလေကချေအတိ။

ထိုကလေကချေကောင်ရဲ့ သူ့အပေါ်နာမ်စားသုံးလိုက်ပုံကြောင့် ဇော်ရဲရဲ့ ကြောင်ထည့်ထားတဲ့ခြင်းတောင်းကိုင်ထားတဲ့လက်ကလေး တင်းကြပ်သွားရချေပြီ။

သူ့လိုနုဖတ်အုအက်နေတဲ့ကောင်လေးကိုများ အရှေ့က,ကလေကချေကောင်က ဦးလေးတဲ့...ဒီကလေကချေကောင်ကတော့ လုပ်မိရင်နာတော့မယ် ဒင်းတော့။

ရိုးရိုးစပို့ရှပ်လေးရယ် ပုဆိုးလေးရယ် ဝတ်ထားပြီး ကြောင်ထည့်ထားတဲ့ခြင်းထောင်းလေးကိုင်ကာ ရပ်နေတဲ့ ရနောင်အရှေ့ကလူက ‌ကျောပိုးအိတ်လေးသာလွယ်ပေးထားရင် တကယ့်ကျောင်းသားလေးအတိုင်းပင်။ သို့ပေမယ့် အစအနောက်သန်တဲ့ရနောင်က တမင်ပိုကာ ဦးလေးလို့ခေါ်လိုက်ခြင်းဖြစ်၏။

ပြီးတော့ ထိုလူကိုလည်း ရနောင်မှတ်မိသည်။ ညိုယံနဲ့ဆရာလေး မဂ်လာ‌ဆွမ်းကျွေးတုန်းက ဘုန်းကြီးကျောင်းမှာ တွေ့ဖူး၏။ မှတ်မိနေမိသည်က ဆရာလေးနားအမြဲရှိနေတာကြောင့်ပင်။ ကြည့်ရသလောက်တော့ တော်တော်ခင်တဲ့သူငယ်ချင်းတွေပဲဖြစ်ရမည်။

ထိုလူကရော ရနောင့်ကိုမမှတ်မိပေဘူးလား?? ထားပါလေ...။

"ဦးလေး!"

"..."

"ကျွန်တော်ချောတာ‌ ကျွန်တော်သိပါတယ်...အကြာကြီးစိုက်ကြည့်တော့ ရှက်တာပေါ့ဗျာ"