العوض حنان

الجزء الأول

تضيق الدنيا خناقها عليك و تفقد الأمل بسبب تخلي  اقرب الناس لك ولا أحد يقف بجوارك في محنتك 
ولكن مهما بعد عنك الأقارب والاحباب يبقي الله وحده معك
حكايه صغيره المقصد منها أن مهما مر في حياتك من كروب واوجاع لا تفقد الامل بل ادعوا الله دائما وهو عليه تغير حالك للاحسن بفضله وكرمه عليك
وهذا ما سنجسده في حكايتنا
*******************
بسم الله الرحمن الرحيم
سبحان الله وبحمده
سبحان الله العظيم
※★※★※★※★※★※★
٭العوض حنان٭
الجزء الأول
بقلمي زوزو مصطفي
••••••••••••••••••
داخل منزل مصري متواضع تدق ساعة الحائط السابعه والنصف صباحاً

تقف السيده الفت ذات الستين عام داخل المطبخ تحضر الفطور لها ولابنتها حنان وهي تستمع الي  القران الكريم الصاعد من الراديو الموضوع فوق الطاولة بجانبها
وبعد نصف ساعه صدق الشيخ
وبدات البرامج الاذاعيه المحببه لديها...

انتهت السيده الفت من تحضيره وخرجت الي صالة الشقه حامله بعض الأطباق واضعه اياهم علي طاولة الطعام ثم نادت علي ابنتها حنان صاحبة الخمسة والثلاثين عام كي تيقظها من نومها لتتناولاَ الفطور معاً، فلديهما مشوار بعد حوالي ساعه من الآن

نانا حبيبتي يلا يا قمري الفطار جاهز يا كسوله يلا اصحي عشان منتأخرش علي السجل،،

خرجت حنان من غرفتها مبتسمه بوجهه والدتها وعلي كتفيها منشفتها الخاصه بها

ياصباح الخير والحب والاكل الطعم
زيك يا فوفا الجميلة ،،
تعبتي نفسك ليه حبيبتي طب كنتي استني اصحي واعمله أنا إنتي طول الليل بتشتكي من رجلك

ربتت السيده الفت علي يد ابنتها قائله...حبيبة ماما أنا بقيت أحسن ما تقلقيش وبعدين مش كفايه واخده اجازة النهارده من شغلك مخصوص عشاني، كمان هتعبك في عمايل الفطار

ده أنا وإنتِ بس اللي موجودين في البيت،واخواتك كل واحد في بيته، ومافيش غيرنا في وش بعض ليل ونهار

مالت حنان علي والدتها الجالسه علي الطاولة مقبله وجهها ثم اردفت بصدق...
أحلي أم في الدنيا، ده أنا لو اطول اقعد من الشغل وافضل معاكي طول اليوم  هعملها،،
بس اعمل إيه،، إنتي اللي عاوزاني ما اقعدش من الشغل عشان اشغل وقتي ومزهقش...

ابتسمت والدتها قائله.... ولسه عند كلامي، الشغل بيخليكي تشوفي وتعرفي ناس جديده وبعدين مش يمكن....،، فصمتت دون أن تكمل حديثها...

ابتسمت حنان بألم ثم تحدثت قائله... مش يمكن إيه يا ماما،،
قصدك يجيلي عريس مثلاً،
أنا خلاص جربت حظي مره واتخطبت ومش ناويه اعيدها
لاني معنديش استعداد قلبي يحزن تاني كفايه اللي شوفته من راْفت صاحب مجدي اخويا...

اللي للاسف موقفش جنبي ووقف جنب صاحبه، ده حتي ما حسبهوش علي عدم صراحته لما اكتشفنا إنه رجع لمراته بعد خلافات كبيره انتهت بالطلاق