Omega အဖြစ်ကူးပြောင်းပြီးနောက် ကျွန်တော့်ရန်သူရဲ့အမှတ်အသားပေးတာကိုခံလိုက်ရတယ်။

Ch 33

ဒါတွေအားလုံး ငါ့ဥစ္စာ

 ယန်ချုံး မှာ အိပ်မက်ရှည်ကြီးတစ်ခုရှိခဲ့တယ်။

  သူက ကျိရှင်းလန်အား ပထမဆုံးမြင်ဖူးသည့်အချိန်ကို တစ်ဖန်အိပ်မက်မက်ခဲ့သည်။  ဒါပေမယ့် ဒီတစ်ကြိမ်မှာတော့ ယန်ချုံး ဟာ အိပ်မက်ထဲမှာ ကျိရှင်းလန်ကို နမ်းခဲ့တဲ့သူတော့ မဟုတ်ပါဘူး။ ကျိရှင်းလန်က သူ့ကို ဆုပ်ကိုင်ထားပြီး ချစ်သူတွေလို သူ့ကိုညင်သာစွာ နမ်းရင်း ဖြည်းညှင်းစွာ နှစ်မြုပ်သွားသည် ။

 တဖြည်းဖြည်းနဲ့ သူတို့ပတ်ဝန်းကျင်က ကျဉ်းမြောင်းပြီး မှောင်မဲနေတဲ့ လမ်းကြားက ပျောက်ကွယ်သွားတယ်။  လူ့အဖွဲ့အစည်းရဲ့ ချုပ်ချယ်မှုကနေ ရုန်းထွက်ပြီး တစ်ယောက်နဲ့တစ်ယောက်ရဲ့ လက်တွေကို လူမြင်ကွင်းမှာ ဆုပ်ကိုင်ထားကြတယ်။သူတို့ကအလင်းရောင် မမြင်နိုင်တဲ့ နေရာကနေ ဖြည်းဖြည်းချင်း လျှောက်လာကြတယ်။

ယန်ချုံးက မျက်လုံးများကို အမြန်ဖွင့်လိုက်သည်။  သူပထမဆုံးမြင်လိုက်ရတာကတော့ မျက်နှာကျက်ပေါ်က အဖြူရောင်အလင်းတန်းတစ်ခုဖြစ်သည်။အဲ့တာကတောက်ပလွန်းသဖြင့် သူ့ကို အနည်းငယ်မျက်စိစူးသွားစေသည် ။

အလင်းရောင်က သူ့မျက်လုံးထဲမှာ လင်းထိန်နေတာကြောင့် မျက်လုံးကို ခဏမှိတ်ထားလိုက်တယ်။  အနည်းငယ် ကျင့်သားရလာသောအခါတွင် ဧရိယာအရွယ်အစားကို ချဲ့ထွင်ရန် မျက်လုံးများကို ဖြည်းညှင်းစွာ ဖွင့်လိုက်သည်။

အခန်းက သိပ်မကျယ်တဲ့အပြင် အရက်နံ့သင်းသင်းနဲ့ ပိုးသတ်ဆေးနံ့ကလည်း တစ်ခန်းလုံး ပြည့်နေတယ်။  တံခါးနှင့် ပြတင်းပေါက်တစ်ခုသာရှိသည်။

 ယန်ချုံးက ဤနေရာနှင့် မရင်းနှီးပေ။  အဲဒီနေရာက ဆေးရုံအနောက်ဘက်က နားနေခန်းဖြစ်သည်။   ပြီးခဲ့တုန်းက သူ ဘတ်စကက်ဘောကစားရင်း ခြေထောက်ဒဏ်ရာရတဲ့အခါ နေ့ခင်းတစ်ခင်းလုံး ဒီမှာလှဲနေပြီး အတန်းလွတ်သွားခဲ့တယ်။

 ယန်ချူုးက အနည်းငယ်ထုံကျင်နေသော ညာလက်ကို ရွှေ့လိုက်သည်။  ထထိုင်ရန် ကြိုးစားလိုက်သော်လည်း တစ်စုံတစ်ခုက နောက်ပြန်ဆွဲလိုက်သလို ခံစားလိုက်ရသည်။  ထိုအချိန်တွင် သူ့လက်မှာ IV ရှိနေကြောင်း သတိပြုမိခဲ့သည်။