Liar (Season 1) [MarkHyuck]

Five

Unicode

Liar

'ဒါဆို ဒီနေ့ကတော့ ဒီလောက်ပါပဲ... လိုအပ်တဲ့ reference တွေကို Library မှာ ရှာနိုင်သလိုဆရာ့ဆီလာမေးလည်း ရပါတယ်... အားလုံးပဲ ကြိုးစားကြပါ'

'ဟုတ်ကဲ့!!!'

*ကလင် ကလင် ကလင်*

အတန်းပိုင်ဖြစ်တဲ့ professor က Thesis အတွက် လိုအပ်တဲ့ အချက်အလက်တွေကို အကြမ်းဖျဥ်းပြောပြပြီး အတန်းဆင်းလိုက်သည်။ ဒုန်ဟျော့လည်း စားပွဲပေါ် တင်ထားတဲ့ reference စာအုပ်ထူတွေကို ကောက်သိမ်းပြီး လွယ်အိတ်ထဲ ထည့်လိုက်သည်။

"နေ့လယ်စာ ဘာစားကြမလဲ?"

"ငါကတော့ ဒီအတိုင်း ထမင်းလိပ်..."

"ငါရောပဲ... လကုန်ခါနီးဆိုတော့ ဘိုင်ပြတ်နေပြီ"

နေ့လယ်စာစားဖို့ menu ရွေးကြတော့ ဂျယ်နိုနဲ့ သူ ထမင်းလိပ်ကိုသာ ရွေးချယ်လိုက်ကြသည်။

ဒုန်ဟျော့လည်း လကုန်ခါနီးမို့ လက်ထဲမှာ ငွေသိပ်မရှိတော့...

အမေဆုံးပြီးတော့ ဆေးဖိုးအကြွေးတွေကို အမေထားခဲ့တဲ့ အတွင်းပစ္စည်းလေးတွေနဲ့ ရှင်းလိုက်ရသည်။ အဲ့နောက်ပိုင်း ဒုန်ဟျော့လက်ထဲမှာ ဝမ်၁သိန်းတောင် ပြည့်အောင်မရှိတော့...

ဆွေမျိုးတွေနဲ့ အဆက်အသွယ်ဖြတ်ထားခဲ့တာ အဖေနဲ့ယူပြီးကတည်းကဆိုပြီး သူ့အမေပြောဖူးခဲ့တဲ့ စကားကြောင့် မမြင်ဖူးတဲ့ ဘယ်ဆွေမျိုးကိုမှလည်း လိုက်ရှာပြီး အကူအညီမတောင်းတော့...

အမေဆုံးပြီး ၂လလောက်ထိ စိတ်လေခဲ့တဲ့ ဒုန်ဟျော့က သူ့ဝမ်းစာအတွက် ကျောင်းထွက်ပြီး အလုပ်လုပ်ဖို့အထိ သူစိတ်ကူးခဲ့သည်။ ဂျယ်မင်းနဲ့ ဂျယ်နိုသာ မတားခဲ့ရင် သူအခုလောက်ဆို delivery လိုက်ပို့တဲ့သူ ဖြစ်နေလောက်ပြီ။

ကျောင်းလခသက်သာအောင် ဂျယ်မင်းက ဒုန်ဟျော့ကို scholarship လျှောက်ခိုင်းခဲ့သည်။ ကံကောင်းစွာနဲ့ အရင်ကတည်းက ကြိုးစားတဲ့ဒုန်ဟျော့ကို သတိထားမိခဲ့တဲ့ အတန်းပိုင် professor ရဲ့ ထောက်ခံချက်နဲ့ သူ scholar ရခဲ့သည်။

full scholar လျှောက်ခဲ့ပေမယ့် သူ့ဇာတာအတိုင်း half scholar ပဲ ရခဲ့ပါတယ်။ ဒါပေမယ့် ဘယ်လိုပဲ ဖြစ်ဖြစ် ကျောင်းလခ တစ်ဝက်လောက် သက်သာသွားတဲ့အပြင် အဆောင်လခပါ လျော့သွားတာမို့ သူအများကြီး ဝန်ပေါ့သွားခဲ့သည်။