I Hate How Much I Love You (Completed)

4

Unicode

ဝမ်ရိပေါ်နိုးလာတော့ နေ့လယ်ထမင်းစားချိန်ပင်ကျော်နေပြီဖြစ်တယ်။ ဘေးဘီကိုကြည့်လိုက်တော့ ဟိုကောင်တွေလဲ တချို့မနိုးကြသေးဘူး။ သူ့အိပ်ရာအပေါ်ထပ်က ဟာလေးကတော့ မရှိတော့ဘူး။ ရှောင်းကျန့်ကိုတွေးမိတော့... ညကအဖြစ်အပျက်တွေကို ပြန်သတိရသွားပြီး လူတကိုယ်လုံးတောင့်တင်းသွားတယ်။

" ရိပေါ် မင်းနိုးပြီလား မင်းကွာ ....
မူးရင် တခါမှ့ ဒီလောက်သွေးမဆိုးဖူးပဲနဲ့
မင်းညတုန်းက ဘာလုပ်ခဲ့လဲ မှတ်မိလားဟေ့ရောင် "

ရွယ်ယမ်ရဲ့စကားကြောင့် ဝမ်ရိပေါ်က ပိုပြီးမျက်နှာပျက်လာတယ်။

"ဘာ...ဘာလုပ်တာလဲ ငါမမှတ်မိဘူး
ငါအရမ်းမူးသွားတယ်ထင်တယ် "

အားလုံးရဲ့ အကဲခတ်သလိုကြည့်နေတာကြီးကို ဆက်ပြီး မခံယူချင်တာကြောင့် ရေချိုးခန်းထဲဝင်လာခဲ့တယ်။

ငါ ညက ဘာတွေလုပ်မိတာလဲ ....ယောက်ကျားချင်းကြီးကိုလေ ...ပြီးတော့ ဒီ အခြောက်ကောင်ကိုမှ့ ....ဘုရားဘုရား ...ဒီလိုနဲ့ရှောင်းကျန့်က သူ့ကိုလိုက်ကပ်တွယ်ပြီး လာကြိုက်နေရင်ဘယ်လိုလုပ်မလဲ ။ တခါလေး mark ပေးလိုက်မိတာနဲ့ စွဲလမ်းသွားပြီး သူ့ကို မြူစွယ်ဖို့ ကြံစည်လာရင်ရော ....

"တောက် ! အရှက်မရှိတဲ့ကောင် ....မျက်နှာသာနည်းနည်းပေးလိုက်တာနဲ့ သူ့ကိုသဘောကျတယ်ထင်ပြီး စိတ်ကူးတွေယဉ်နေဦးမယ် "

နူးညံ့လွန်းတဲ့ အထိအတွေ့ကို ပြန်အမှတ်ရမိတော့ တကိုယ်လုံးဖျင်းခနဲကြက်သီးထ့သွားတယ်။

ဒီကောင်နဲ့ ဝေးဝေးနေမှ့ဖြစ်မယ် .......

ဝေးဝေးနေမယ်လို့တွေးခဲ့ပေမဲ့ သူ့ဘက်ကဘာမှ့တကူးတက့လုပ်နေစရာကိုမလိုအောင် ရှောင်းကျန့်ဘက်က ဝမ်ရိပေါ်ကို သိသိသာသာကို ရှောင်နေတော့တာ။ သူနိုးလာရင် ရှောင်းကျန့်က အဆောင်မှာမရှိတော့ဘူး။ အဆောင်ကိုလဲ ညအိပ်ချိန်ကျမှ့ပြန်လာတယ်။ ရောက်တာနဲ့ အပေါ်တက်အိပ်တာပဲ။

ဒီကောင်က ဘာအထာလဲ ....သူကများ ငါ့ကိုရှောင်ရတယ်ရှိသေး။ ဘယ်သူကနစ်နာတာလဲ။ သူ့လိုဘောင်မဝင်ကောင်က ဘာတွေမာနကြီးပြနေတာလဲ ။ ဒါကလဲ လူကိုဆွဲဆောင်တဲ့ နည်းတမျိုးလား။