အပိုင်း(၂၂)
ဆူးက ပစ္စည်းများကို လိုအပ်သည်ထက်ပိုကာ ခြင်းထဲသို့စွတ်ထည့်နေသဖြင့် ရတုတားလိုက်သည်။
"ဆူး စွတ်ထည့်မနေနဲ့လေ ။ ပိုက်ဆံကိုတအားသုံးမနေနဲ့ နင်ပြည်တွင်းမှာပဲရှိသေးတာနော် ။ ဟိုရောက်ရင်လည်းနင်လိုချင်အုံးမယ် "
ဆူးကရတုလက်မောင်းကို တစ်ချက်ရိုက်လိုက်ပြီး…
"အေးပါဟယ် သိပါတယ် နင်လည်းအဖိုးကြီးကျနေဝာပဲ စိတ်လေတယ် ပြီးတော့ဟိုမှာက ခီကူး၀ယ်ပေးမှာပေါ့"
"ဪ ငါကစေတနာနဲ့ပြောတာလေ ။ ဇဏ်က အကုန်အကျခံပေမဲ့ နင်လိုချင်တာမှန်သမျှ၀ယ်ပေးရအောင် နင်ကသူ့ရည်းစားမို့လို့လား "
"တိတ်စမ်း ။ ငါ့ကိုအဲ့လိုလာမပြောနဲ့ ကျောင်းမှာလည်း အဲ့လိုတွေခဏခဏ ကြားနေရလို စိတ်တိုနေရတဲ့ကြားထဲ "
ခြင်းကြီးကိုတွန်းသွားကာ ကောင်တာဆီသို့ ကော့တော့ ကော့တော့ လျှောက်သွားသော ဆူးနောက်သို့ ရတုအမြန်လိုက်ရသည်။ ရုတ်တရက် တွေ့လိုက်ရသည့်မြင်ကွင်းကြောင့် ဆူးကိုကုပ်မှ ရတုဆွဲလိုက်သည်။
"ဟဲ့ဟဲ့ ဘာလို့လာဆွဲတာလဲဟ "
"နင်တိတ်တိတ်နေ ဟိုဘက်ကကောင်တာကိုကြည့်လိုက် "
"ဘယ်ဟာလဲဟ "
"နှစ်တန်းကျော်က ငွေရှင်းကောင်တာကိုကြည့်လိုက်ပါဆို "
ဆူး ရတုညွှန်ပြရာဘက်ကိုကြည့်လိုက်တော့မှ ကိုရတုရှင်းကိုတွေ့လိုက်ရသည်။ အသားဖြူဖြူ ဒေါင်ကောင်းကောင်းနဲ့မို့ ထိုင်းမင်းသားလိုလိုဖြစ်နေသည်။ သူ့ရှေ့မှကောင်လေးကိုလည်း ပြုံးရယ်ကာစကားတွေပြောနေသည်။ ကောင်လေးကဆူးတို့ကိုနောက်ကျောပေးထားသဖြင့် ရုပ်ကိုတော့မမြင်ရ ။
"ဟဲ့ နင့်အစ်ကိုမလား သွားနှုတ်ဆတ်ရအောင်လေ "
ဆူးက ခုနကမမြင်လိုက်ပေမဲ့ ရတုကတော့မြင်လိုက်သည်မို့ တစ်ဖက်မှကောင်လေးဘယ်သူဆိုတာလည်း ရတုသိသည်။
"ဒါပေမဲ့ တစ်ယောက်တည်းမှမဟုတ်တာ "
"ရှေ့ကကောင်လေးက နင့်အစ်ကိုကောင်လေးလား လိုက်ဖက်လိုက်တာဟယ် ငါတို့သွားစပ်စုရအောင်လေ နင်လည်းနော် လျှိုထားတယ် "
YOU ARE READING
Love Of My Life [Completed]
RomanceGenre// BL , Romance Writer// Genny Start Date//30.10.2021 End Date// 10.12. 2022 Pic full crd (from Pinterest)
![Love Of My Life [Completed]](https://img.wattpad.com/cover/289575809-64-k755504.jpg)