Reincarnation [Taekook] ✔️

Chapter 35

"දැන් ඔය ඇඬුවා ඇති ජන්ග්කුක්.." CEO එහෙම කියලා ජන්ග්කුක්ව නැගිට්ටවලා ආයෙමත් එයාව ඉන්ඳෙව්වා. එයාගෙ දරුවෙක්ගෙ වයසෙ හිටපු ජන්ග්කුක් ඒ විදිහට අඬනවා දකිද්දි දුකක් නොදැනෙන්න තරම් එයා අමනුස්සයෙක් උනේ නෑ. ඒත් මේ සම්බන්ධය නිසා ඉස්සරහට මීට වඩා දුක් විඳින්න වෙනවා කියලා වැඩිහිටියෙක් විදිහට එයා තේරුම් ගත්තා.

"ජන්ග්කුක්... ඔයා මේ සම්බන්ධෙ දිගටම කරන් ගියොත් ඔය දෙන්නට විතරක් නෙවෙයි.. අනිත් හයදෙනාටත් ඒකෙ ප්‍රතිවිපාක විඳින්න වෙයි.. මං කියන්නෙ නෑ සම්බන්ධෙ සම්පූර්ණයෙන්ම නවත්තලා දාන්න කියලා. ඒත් ටික කාලෙකට ඔය දෙන්නා ඈත්වෙලා ඉන්න එක ටිකක් හොඳයි. ඒ ගැන හිතලා බලලා..." CEO මුකුත් කියන්න කලින් ජන්ග්කුක් කතාකරා.

"මං කැමතියි.."

"අහ්??"

"මං කැමතියි සම්බන්ධෙ ටික කාලෙකට නවත්තන්න." ජන්ග්කුක් එහෙම කියලා දොරත් ඇරගෙන අඬ අඬාම කෙලින්ම දිව්වෙ එයාගෙ රූම් එකට. දොර ලොක් කරලා ඇඳට වැටුණු ජන්ග්කුක් හොඳටම අඬන්න ගත්තා. එයා දන්නවා මේ තීරණේ නිසා එයාට වගේම ටේහ්‍යුන්ග්ටත් ලොකු දුකක් දැනෙනවා කියලා. ඒත් එයා නිසා ටේහ්‍යුන්ග් depress වෙනවා දකින්න ජන්ග්කුක්ට ඕනෙ උනේ නෑ. අනික එයාගෙ හ්‍යුන්ග්ලගෙ අනාගතේ එයා නිසා අඳුරු වෙනවා දකින්න ජන්ග්කුක්ට කොහොමටවත් ඕනෙ උනේ නෑ. ඉතින් ඒක තමයි එයාට ඒ වෙලේ ගන්න තිබුණු හොඳම තීරණය.. ඔව් ජන්ග්කුක් තීරණය කරා ටේහ්‍යුන්ග් එක්ක breakup වෙන්න.

"පෙටල්... හම්මෝ... අද නම් මාර මහන්සියි.." ටේහ්‍යුන්ග් කෝල් එක ආන්ස්වර් කරපු ගමන් කියාගෙන ගියත් ජන්ග්කුක්ගෙ ඉකිගැහිල්ල ඇහෙද්දි ටේහ්‍යුන්ග් කතාව නැවැත්තුවා.
"බබා... ඔය ඔය අඬනවද කුකී?"

"අනේ ටේ..."

"ජන්ග්කුක්... කෝ අඬන එක නවත්තලා හොඳ හුස්මක් අරන් ඉන්න.. අන්න හරි, දැන් කියන්නකො හොඳ ළමයා වගේ මොකද්ද උනේ කියලා?"

"ටේ... "

"කෝ ඉතින්.. ඔයා ඔහොම අඬන්න ගත්තම මං කොහොමද ඉවසන් ඉන්නෙ?" ටේහ්‍යුන්ග් කිව්වෙ ඇත්තටම ජන්ග්කුක්ගෙ ඇඬිල්ල ඇහෙද්දි එයාගෙ ඇසුත් තෙත්වීගෙන ආපු නිසා. ඒ පාර ජන්ග්කුක් අඬන එක නවත්තලා නහය උඩට ඇද්දා.