❤️
لا حول ولا قوة الا بالله العلي العظيم واتوب اليه.
استغفر الله العظيم واتوب اليه عدد خلقه ورضا نفسه وزنة عرشه ومداد كلماته
🌸🌸🌸🌸🌸🌸
الفصل الخامس
داخل غرفة وتين تدلف الممرضة قائلة :
" صباح الخير يا فندم حضرتك جاهزه علشان
ناخد العينات للتحليل ".
اجابتها وتين بابتسامة مهزوزة قائلة :
" صباح النور ايوه جاهزه اتفضلي "
وبعد قليل من الوقت تم عمل جميع الفحوصات اللازمة ل وتين وما انتهو حتي استمعوا الى صوت طرقات علي الباب يليه صوت سيف يسمح للطارق بدخول قائلا :
" ادخل "
طل عليهم رعد براسه فقط من الباب وهو يقول بمرح :
"صباح الخير ايه الاخبار "
اجابه سيف وهو ينظر له باستغراب مما يفعل :
" صباح النور اتفضل يادكتور "
نظر إليها بنظرات اعجاب واضح لاحظها كلا من سيف وياسمين :
"عاملة ايه دلوقتي يا انسه وتين "
و اضاف بابتسامه بسيطة وبعض المرح:
" ولا نرفع الالقاب واقولك يا وتين وانتي
تقوليلي دكتور رعد "
اجابته وتين ببعض البرود والجدية :
"ياريت يا دكتور نحافظ على الألقاب"
تنحنح ببعض الاحراج قائلا باجدية :
"احم تمام يا انسه وتين احنا ان شاء الله اول
ما تظهر نتيجة التحاليل هنحدد معاد للعملية
استأذن أنا."
تركهم وذهب بعد خروج رعد تحدثت ياسمين بانزعاج لوتين :
"في ايه ياتوته حصل ايه لدا كله احرجتي الدكتور جدا والله صعب عليا دا حتي دمو خفيف جدا "
شعر سيف بالغيرة الشديدة مما قالت ياسمين وتحدث ببعض العصبية التى لم يستطع التحكم بها قائلا ل ياسمين :
" وهي عملت ايه يعني يا ياسمين عشان يصعب
عليكي اوي كدا ولا يكون عجبك عشان كدا
زعلانة عليه وبعدين ايه دمه خفيف دي "
نظرت له و ترقرقت الدموع في عينيها و ببعض الحزن والحرج وقالت اثناء تحركها للخارج :
" انا مش هسمحلك تكلمنى كدا "
وخرجت سريعا قبل أن تسقط دموعها أمامه
بعد خروج ياسمين تحدثت وتين بعتاب لسيف :
" ليه كدا ياسيف انت عارف ان ياسمين
حساسه جدا وبعدين هي ماقلتش حاجه غلط
يعني انا اللي كنت قليلة الذوق فعلا "
أنت تقرأ
أحببتكِ بأحلامي (قيد التعديل)
Fiction générale#تشويق # رومانسي كنت طائشه ومتهوره وفى طريقى وقعت مع الشخص الخطأ ثم فجأه حل ظلام الدنيا فى وجهى فقدت نظرى وكنت تعيسه للغايه الى ان قدرى اوقعنى مع من ازال ظلام الدنيا عن وجهى وأتى بالصباح والشمس التى انيرت حياتى كنت قد فقطه المعني الحقيقي للحياة...
