The Billionaire's Wife (Completed)

Chapter 16

Marahan akong bumangon sa pagkakahiga sa dibdib ni maverick, hindi ko napansin na habang nagdaldalan pala kami kanina at may chinichismis siya sa akin ay nakatulog na kaming dalawa.

Chismoso rin talaga ang isang 'to.

Nilingon ko ang cellphone ko ng mag-ring iyon.

Si kia pala.

"He—"

"Belinda Sheena Salvador— Francia! Asan ka?!" Sigaw niyang sabi, kumunot ang agad ang noo ko dahil sa ginawa niyang pag-sigaw.

Ano bang problema ng babaitang 'to? Tapos kailangan pa bangitin full name ko? Kasama pa apelido ng asawa ko. Jusko na babaita na 'to.

"Bakit ba?!" Sigaw ko rin tanong, naninigaw siya eh! Ang bait ko na nga ngayon, hindi na ako nagmumura kasi pinagsabihan na rin ako ni maverick na bawasan iyon dahil hindi iyon maganda.

"Gaga ka! Nandito na naman si kenneth sa apartment ko! Hinahanap ka! May usapan daw kayo!" Sigaw niya, mas lumukot ang noo ko dahil sa pagkagulo. Usapan? Anong pinag-usapan namin ng lalaking iyon?

May pinag-usapan ba kami...

Ay potah?!

"Ay gagi, kia! Sorry nalimutan ko! Tska biglaan kasi iyong vacation namin ni maverick with his family! Pasensya na kamo nakalimutan ko! Nakadalaw na kasi ako noong isang araw sa anak namin! Nalimutan ko na may usapan pala kami na sasamahan ko siya roon!" Aligaga kong sabi. Hindi naman siguro magtatampo ang anak ko kung hindi ko masamahan ang daddy niya bumisita sa kan'ya.

"Gaga ka talaga, anong gagawin ko?"

"Samahan mo muna siya, please..." Paki-usap ko, narinig ko naman ang malalim niyang paghinga.

"Sige, tutal anak mo naman ang pupuntahan namin. Nasaan kaba?"

"Sa tagaytay ata 'to, o sa batangas? Ewan ko sa pinsan ni maverick basta roon." Hindi ko alam saan talaga 'to basta sumama ako.

"Taena ka, ang gulo mo. Sige na bye, puntahan na namin baby niyo para makauwi na agad ang lalaking 'to."

"Bye, thank you!" Ako na ang nagpatay ng tawag.

Inilipag ko ang cellphone ko sa side table saka binaling ang tingin kay maverick, mabilis nanlaki ang mata ko nang makita kong gising na siya at nakatingin lang sa akin.

Nilingon ko ang orasan sa tabi ng kama, doon ko pa lang nakita na ala-una na nang hapon, hindi pa kami nagtatanghalian.

"Good afternoon..." Nakangiti kong bati, ngumiti rin siya sa akin at umahon sa pagkakahiga.

"Good afternoon, wifey. Hungry?" Tanong niya, tumungo naman ako.

Nagbihis lang muna ako kami ng bagong damit bago lumabas sa kwarto, nakasuot siya ng v-neck gray shirt habang white pants sa pang-ibaba, ako naman ay nakasuot lang ng simpleng floral yellow dress.

Sabay kaming bumaba nasa hagdan pa lang kami rinig na namin ang sounds mula sa backyard at pool area, pati na rin ang malalakas na tawanan ng mga kasama namin sa mansion.

Lumakad kami papunta sa pool area at doon ko nakita ang mga pinsan ni maverick na nasa swimming pool habang sila mom, dad, mama, papa, at ang mga tito at tita ni maverick ay nakaupo sa isang malaking kubo na nasa parting backyard.

Naramdaman ko naman ang braso ni maverick na pumulupot sa bewang ko kaya nag-angat ako sa kan'ya nang tingin.

"Why?" Tanong ko, umiling siya at ngumiti.

"What did you want to eat?" Tanong niya, nilibot ko ang paningin ko sa buong paligid at hindi sa kalayuan ay nakita ko ang isang mahabang lamesa na puno ng mga pagkain, sa pinaka dulo ay may ihawan doon. Nakatayo doon si brixton at ang isang babae.