انا و المستحيل وعيناكِ (الجزء الثاني)

الثالث و العشرون

صلوا علي الحبيب ❤
،،،،،،،،،

فتح قداحته الذهبيه  و اشعل سيجاره البني الضخم.. اخذ منه عدة انفاس حتي تكون من حوله سحابه دخان كثيفه بيضاء..  طرق با اصابعه علي المنضده عده مرات لاويآ فمه بامتعاض :  هرب برضو..  ايه هو عامل زي القط بسبع ارواح ماحدش عارف يمسكه منكم

جمله قالها حمدي العزازي ذلك الرجل الجالس علي كرسيه بهيمنه.. بوجهه الاجرامي بعد ان ازاح وجه رجل الاعمال الشريف العصامي...

أجابه إحدى رجاله مبررا : زي الزئبق يا باشا هو  و البت اللي معاه

هتف حمدي بانفعال: يعني ايه هافضل مستني لحد ما يضرب ضربته ...آدم المحلاوي لازم يبقي تحت أيدي او علي الأقل مراته الوي دراعه بيها..
و اكمل حمدي بغضب : كفايه اللي بقيت بسمعه من الناس الكبيره بره بسببه.. غلطه كمان و هايصفوني مش هايسموا عليا ...مش بسبب بنت ماتسواش حاجه اروح انا في داهيه

قال محاولا التخفيف من حدته : البيه الصغير برضو طالع لجنابك و بيحب يبسط نفسه
نفخ حمدي و قال وهو ينفث سيجاره :اه بوظ الدنيا وانت فكرك ندمان ولا في دماغه حاجه.. اهو في امريكا خارب الدنيا و انا هنا بشيل قرفه..

هتف الرجل متسائلا: أوامر سيادتك ايه ياباشا

شرست ملامح حمدي و قال : اعرفولي راحوا فين  و النهارده و المره دي هاكون معاكم ونصفيهم .

،،،،،،،،،،،،،،،،
القت بالملفات الخاصه بالتحاليل الخاصه بزوجها منصور و قالت متسائه : و ده ايه ياخويا مش فاهمه هو انت عيان اسم الله عليك
جلس بأنهاك وقال بتعب :كنت عند الدكتور النهارده
تحركت اليه و انحنت بركبتيها وجلست و قالت بعتاب: اخص عليك و ماقولتليش ليه وجيت معاك  للدكتور ايه وجعك يا حبيبي
نظر لوجهها الصبوح و عينيها المنتظره حديثه بلهفه جذب  شعرها الحريري و القاه علي احدي كتفيها و قال هو يمسح  علي وجنتها: هند دكتور عشان الخلف
ضيقت حاجبيها و توجست قائله : و بعدين
ابتسم  إليها بحزن و قال : العيب مني
توقفت عينيها امام عينيه منتظره ضحكه علي مزحته السخيفه و لكنه لم يحدث... اننظرت لثواني أخرى ومسكت يديه بقوه وهتفت : عيب ايه يامنصور ده انت سيد الرجاله
ابتسامه صغيره ارتسمت علي شفتيه وسرد علي مسامعها كل ما قاله الطبيب حتي انتهي وفجاءه انتفضت واقفه قائله : خضتني يامنصور خير ياخويا خير ان شاء الله نبقي ناخد العلاج و لو ماجبش نتيجه نعمل العمليه كتير خلفوا كده الحمدلله عندما حلول ياما
استقام و واجهها مقاطعآ حديثها بما يؤلمه : و لو ماحصلش
وضعت يدها علي فمه و قالت بعبرات بدءت بالظهور : ان شاء الله يحصل ماتقولش كده

ضم شفتيه و قد توجعت حنان لتلك النظرته المتألمه الظاهره في عينيه..

احتضنته بقوتها و استسلم  هو لعناقها وارتاح برأسه علي كتفها هامسآ : مش عايز أكون اناني ياغاليه
هتفت بقوه رغم حشرجه صوتها : و الله مايخش عليا راجل غيرك و انا اللي هاكون انانيه فيك
ازداد من ضمها اكثر يستنشق عبيرها مغمض عينيه ودون اراده منه سقطت دمعه منه متمتا و مناجيآ ربه بالذريه لأجلها
،،،،،،،،،،،،،،،،،
انتبهت علي صوت فتح الغرفه الذي خرج منها آدم بعد تجهيز نفسه ..ملابس سوداء متناسقه علي جسده...مظهره طوله الفاره و جسده الرياضي ..بها عدة جيوب في أماكن متفرقه ناهيك عن الأسلحة المربوطه حول خصره... بدله كتلك التي تظهر في الأفلام هذا ما فكرت به رانيا و هي تتفحصه بعينيها....
خطي اتجاها و قال لها ادم : متأكده مش عايزه تروحي لمنصور
ارتسمت أبتسامه بسيطة علي شفتيها و حركت رأسها بالنفي و قالت :  هاستناك
اخذ نفس عميق و عينيه تتآكل تفاصيلها و اردف : في حراسه بره و حوالين البيت
اومات براسها بعينين قلقه و قالت بخفوت:  تمام