االزنزانة رقم 14

الجزء 1

‎👑#الزنزانة_14👑 بارتي: 🌸1🌸 بقلم : ناديه

‎ في أطلس المغرب الثلجي خنيفرة وبالظبط في واحد البلاصة سميتها القباب كاين شيخ لقبيلة حمادي هو ومرتو تغبالوت اللي 20 عام وهوما مزوجين وربي مرزقهمش الولاد لكن ربي نزل عليهم رحمتو ومرتو حملات واليوم جاها الطلق ودنيا شتا ورعد والحاج حمادي غادي جاي في المرح وايديه موراها وصوت مرتو تغبالوت واصل لاخر القبيلة ولادتها كانت صعيبة بالخصوص انها مسكينة حملت على الشرف واحد الشويه تسمع صوت بيبي وعم السكون في الدار كامله خرجات القابلة عند الحاج حمادي وهي حادرة الراس وحطاتلو التربيه وقاتلو سمحلي الحاج تزادت بنية كاع ديك الفرحة تلاشات لكن دغيا تقلب وظحك ظحكة شريرة وشد القابلة من عنقها اليوم تولد ولد وهاد الولد هو ولدي هود وتخرج هاد الهدرة منهنا وحق ربي المعبود نحرق ولادك وراجلك قدامك  القابلة :كح كح كح س...ي..د..ي انت تزاد عندك ولد اما ماشفت بوبنت وتحنات باست ليه رجليه باش يرحمها ويرحم ولادها لاح عليها ضمسة ديال الفلوس ودخل لعند مرتو باس راسها واذن لولدو في وذنو وسماه هود هود المخلوفي ولد الحاج حمادي المخلوفي شيخ قبيلة القباب فاقت تاغبلوت ولقات بنتها حداها هزاتها وشمات ريحتها وفرحات بجود الله عليها وقرات انها تسميها هدى دخل عليها الحاج حمادي وقالها على سلامت مجايبك 😡 جبتي الالا بنت لكن عمرها مغتكون بنت من ليوم نتي ولدتي ولد وسميتو هود المخلوفي  تاغبلوت : حرام عليك ربي فرحنا بهاد البنية وانا باغه نسميها هدى و.. حمادي : شدها من وجها '' نتي جبتي ولد وسميتو هود وعمرو يتكشف على شيوحده ولا واحد نتي اللي تربيه وعلى اساس ولد وغير يتمشي وانا اللي غنحوزو بغيتو يطلع همة وشان ويهز اسم المخلوفي ماشي بنت تجيب ليا العار وميبقى خلف من ورايا وجربي ياتغبالوت خرجي حرف واحد لنتي لا حبابك كاملين غتوليو في خبر كاان  تاغبلوت : حرام حرام عليك اشنو درت ليك انا وعائلتي 😢 حمادي اللي عندي قلتو ووجدي راسك لسبوع ولختانة والذبيحة باش القبيلة تعرف راني والد الخليفه ديالي  خلاها تنوح وتبكي على زهر بنتها حبيبتها اللي مكتعداش 24 ساعه وعلى زهرها اللي طيحها في راجل بحال حمادي مفقلبو رحمة وكل همو انو يكون عندو خليف ووريث عرشو معارفش انو شحال من بنت هزات راس باها وتحدات رجال وشحال من ولد نزل راس باه لارض وخلاه شفايا بين الناس لكن دوام الحال من المحال اكيد بعد الضلام غادي يبزغ فجر وفجر صافي بلار وغيجيب معاه فرحة لماس قساة وتدمرات وتازمات والسبب الجهل وحب الفشر وحب التملك  *-اشنو جايبة ليك الايام اهود او هدى الا باك محنش فيك واغتصب انوثك وطفولتك والبراني اشنو غيدير فيك تسناو معايا قصة غير كل القصص قصة كتهدر على واقع بنت مسكينه مشاعرها ولات بحالة الالة جسمها ومبقاتش معرفة عليه شكون هي ولا هو

‎#الزنزانة_14👑 بارتي: 🌸2🌸 بقلم : ناديه

‎ هود ولا هدى الام كتعيط هود دائما وهدى وقتما تاحت ليها فرصة  هكا غتبدا حياة الازدواجية ديال هود هدى الام كتخيل بنتها صبية زوينة كيف كاع البنات في القبيلة والاب السي حمادي طارت معزة هداك ولد ماشي بنت كل ما يدخل لدار العاب او ملابس اطفال كلها للولد معندوش فدار شي بنت المهم الاب بالسلطوية ديالو رسخ في دماغ لناس كلهم انو عندو خليفة سميتو هود بعض المرات كياخد الحالة المدنية كيوريها لدراري لقارين شوية كيسولهم واش ناس مسجلين ولدو فيها الغرض ديالو ابين لكل كبير ولا صغير انو عندو ولد الام تاغبلوت فخاطرها مقابلاش الامر ولكن الله غالب الله ما فيدها متدير تقول او تدير تقدر تموت فيها ولا كتقول فخاطرها على الاقل كتشوفها دبا عارفا ان كبدتها بنت ماشي ولد واخ بدات كتربيه على الاساس لبغا بوها هود ولد ماشي بنت... كبر هود شوية ولا يخرج مكانش عندهم تحفظ عليه لانو باقي صغير مباين عليه ولد ولا بنت الشعر مكاينش ملامح الانثى مزال ما بانت السي حمادي حالف حلوف حتا يمحي اثر شي حاجة سميتها هدى يديها للحلاق ادوز ليها الزيرو وديه لسوق اجلسو معا الرجالة المهم كلشي عارف ان السي حمادي عندو عزري الله اصلحو وصلت الوقت لخاص السي حمادي اطهر ولدو المهم السي حمادي عرض علا ناس القبيلة راه غادي ادير الزردة ديال الختانة بقا يفكر كيفاش ادير لختانة اعطي رشوة لطبيب ولا اكدب على الناس المهم عرض على الناس على اساس الطهارة باش افكها هبط هو مرتو ولدو العزيز دوزو سيمانة فالمدينة جا قاليهم ختنت ولدي عند واحد طبيب مخلانيش نجي قبل لاني كانت صاحب باه الله يرحمو المهم لقا لهاد الحصلة حل المهم ميتفرشش زردو الناس تهلا فيهم مزيان دعاو معا هود خرجو الناس داو معاهم ميعاود لكن تاغبالوت صافي بدات كتستيلم مني دوزها على كلشي عرفات انها عمرها تلبس بنتها شي كسوة ولا تحني ليها ومعمر شي حد اجي اقول ليها نسيبتي العزيزة دخلات البيت عنقات بنتها بكات حتا نشفو دموعها بقات الحالة هيا نفسها هود ممنوع عليه العاب البنات ولا مرافقة لنات الجيران يدو فيد باه مع الرجالة هود او هدى حتى هو ولا كيتصرف كيف بغا باه ولد صغير معارفش ...وصل هود الوقت غادي ابعد من السي حمادي شوية المهم السي حمادي محلف هود مربيه انو يتعرا قدام الناس حرام حاجة خايبة الولد تربى على داكشي حفظ الدروس الاولى ولا يمشي معا الدراري لجامع بدا يحفظ بزربة واكثر من الاخرين لي معاه صافي كلشي بالنسبة السي حمادي عارف انو خليفتو ولد عزري عقلو خفيف ومقبول عند الجميع دخلو للمدرسة وهو متيقن مكاينش ليفرش الامر ... ...