االزنزانة رقم 14

الجزء 27

👑الزنزانة 14👑

🌸البارت105🌸

بقلم :كاتبة نادية مروك

من بعد فقت وعي مقلتش على دنيا اشنو وقع فيها ..فتحت عينيا ضرب فيهم ضوء قوي مقدرتش نشوف فيهم بزربة ..عودت غمضتهم .حليتهم عوتاني وهي توضح ليا صورة ..كان طبيب مقابل مع وجهي ..عينه في عينيا ..نظرة كان كيشوف بيا بي شك غرابة غموض معرفتش كيفاش نفسرهاا ..جيث نتململ ..هو يطح شعري جنابي صافي غمضت عينيا وتنهدت عرفت ان كدبت تفرشت ..تنهدت وهضرت بصوت خافت

انا:عرفتي اشنووو كاين ..مزياان سهلتي عليااا
طبيب:مصدوووم غير كيشوووف .جسد حاضر اما عقل غايب ..

انا:" بلغوات"وااااسي طبيب
طبيب :عاد فاق ..اه اه ..فقتي

انا:"حدرت راسي " اه

طبيب:"عاد فطن بي راسو " دبااااا غادي تقوولي ليااا كيفااش انتي دخلتي هنااا وعاد حاملة من فوق وزيد عليها متنكرة في زي تاع رجااال

انا:تنهدت وغمضت عينيا وبديت كنعوود ليه من اول ما تزااديت في هذا دنياا حتى ليوووم ..

فاش ساليت لقيت طبيب حال فمو غير كيشووف مذهول مصدوم ..قصة مقدارش يستوعبها ولا يصدقها ..جاتو بحال كيقرا في شي رواية خيالية..
ناض بعد عليا هو غير حال فمحالتعابير وجهو ممحية ..مفهوماش معرفتوا اشنو كيدور ليه في راسو ولا اشنو ..وكينطق بكلام غير مفهووم ..جاني بحال تشير في عقلوو ..قلت نووض نفلت بي عظمي صحاح ..
طبييب:هو في حالة من صدمة ..لا لا هادشي غير كدووب هادشي راه عقل ميتقلبوش منطقيا لا وحتى خياليا لا مقدرش يفهم والوو ..جا يدور عندها لقها لبست حوايجها وغادية خرجة ..وقفها بصوتو خشن ركب فيها رعب ..
طببب:ووقفي مزاااال مكملت ..

درت بي عرض بطيء عندو ..كان شاعل بحال بركان ..كيشوف فيا بحال صقر باغي ينقض على فريستو ..نطقت وانا كنرجف
انا:هناااا..ا.ش.ن.و

طبيب:مزال مكملتش هضرتي ..انتي ليوم غادي تحولي الادارة تشوف هذا روينة ..وخاصك تعودي تعقبي على شحال من حاجة ودبا كلسي هنااا ..انا غاظي نعيط حارس نقول ليه يخبر جهات عليا

مستوعبش هضرتو او بي احر نزل عليا كلامو كيف عاصفة ..ثمكت ليا ودنيا ..حتى من اطرافي تشللو ..حركة توقفت في ذاتي كاملة ..قلبي ضرب بي سرعة ..ماشي رعب ولا خوف ..كان احساس اقوى ..من كلشي ..ذعر ..عيوني تحجر فيهم دمووع ..نطق فقدتو معرفت اشنو ندير وانا كنشوف فيه غادي ..للباب مبقى ليه والو ويحلو ..بزربة جريت من وراها شديتوو من ايدو. ..دار عندي بحال برق نفض ايده من ايدي بسرعة ..متصدمتش من ردة فعل ديالو ..بديت كنطلب فيه ..غير يعطني فرصة نشرح ليه مزياان ..والوو متزعزش كيشووف فياا ..بجمود ..حتى حاجة متحركت فيه والو ..كان بارد بحال قطعة ثلج ..

بركت على راسي وكرامتي وكرشي ونزلت عندو رجليه كنبوس فيهم ونبكي ..كون كان دم نبكيه غير تحرك شويا ديال رحمة في قلب ديالو ..بقيت مدة وانا على ديك حال وحتى هو واقف بي ثابت متززعزعش ولا تحرك ..مدة عااد مللمل جسدو كامل ..تحنى عندي هو ..بارد مشاعر ..قاسي قلب .. عديم الاحسااس ..تعابير وجهو ممحية ..نطق بكلام كان كيف سيف كيدخل قلب ..